Courting Mr. Snob

XV

       Good Morning world, Maaga akong nagising dahil Monday na ulit, at kahit walang ginagawa si Monday hate siya ng marami at isa na rin ako. Pwede bang isulong na tanggalin ang Monday? Djk.

       Nag-ayos na ko ng sarili ko at pumunta na kong school, actually intramurals week ngayon pero kailangan kong pumasok ng maaga dahil sa attendance, pag na late kasi lilinisin mo yung college building niyo, for example Sa CEIT ka, lilinisin mo yung sakop nun. at dahil masipag akong bata, ayokong maglinis gets? in short tamad talaga kong maglinis.

        Pagdating ko sa room nag attendance na ko, at lumabas. Hinanap ko si Din pero wala pa ata ang bruha, nag ikot muna ko sa campus tiningnan kung anong mga booths na nakatayo.
       May Jail booth, ano ba yan pang highschool naman ito. Sa tabi ng jail booth merong Cosplayer ng mga Anime, mga Otaku. Katapat naman nito ang photobooth, at kung ano-ano pang booths.

          Habang nag-iikot tinawagan ako ni Din at tinanong kung nasan ako, Sinabi ko na lang na sa Marketing na lang kami magkita, kaya pumunta akong marketing.
Mga ilang minuto lang dumating na si Din.

         "So, san tayo?" tanong ko sa kanya.

        "Tingin tayo sa mga booths"

       "Kakagaling ko lang doon, maya na lang nakakapagod eh." Hindi na siya nagreklamo kasi alam niyang ayaw kong pabalik balik.

       Nagpunta na lang kami sa field para manuod ng soccer, ang ingay ang daming nagchi-cheer. Umupo kami sa may gilid, ito yung pinaka ayaw kong laro sa lahat I find it cool pero nakakapagod tumakbo, tapos maagawan ka lang ng bola kaya dapat habang na sayo dapat ingatan, focus dapat kasi pag na agawan masasayang yung effort. Double meaning haha, ano ba tong pinag-iisip ko.

         Hindi na namin tinapos yung game, naumay ako eh, niyaya ko na lang si Din na pumunta sa extension canteen para kumain, napansin kong hindi mapakali si Din, kaya tinanong ko siya, Pero sinabi niyang wala lang daw yun.
          
           Pagkatapos naming kumain, pumunta na kami sa mga booths, niyaya niya ko sa may photobooth at nag papicture, after namin doon bumili kami ng kung ano-ano may booth din pala para sa mga K-Pop fans, hinila ko kaagad si Din nakita ko kasi yung asawa ko si Kwon Ji Young/GD Omegeshh yung feels ko. Tiningnan ko kung ano yung mga tinda nila tapos binili ko yung wala pa ko, syempre alangan namang bilhin ko yung meron na ko.

           Tuwang tuwa ako na nakabili ako, pero si Din inis na ang tagal ko daw kasi tapos parang timang pa daw ako nung nakita ko yung picture ni GD nagtitili daw kasi ako na parang ewan.Sinamaan ko lang siya ng tingin at umiwas alam niya kasing ayaw kong sinisira yung mood ko, pero doon siya magaling.

     Habang naglakad nakasalubong namin si Joshua, Iiwasan ko sana siya kaya lang..

       "Uy, Joshua" tinawag siya ni Din

       "Uy" ilang na sabi ko.

       "Hanggang ngayon ba naiilang ka pa rin sakin?" josh

       Pano naman niya nalaman? ganun ba ko ka obvious?

         "Kung naiilang ka dahil doon sa nangyari sa bahay, huwag mo ng isipin yun natural lang naman yun sa inyo di ba?" sinabi niya yun ng nakatingin sa mata ko at ngumiti.

       "Ah, he-he ok." ang awkward.

       "Ok, ano yun? " tanong ni Din, umiling  lang ako at sinabing wala lang yun. Ayokong sabihin kay Din kasi nahihiya talaga ako.

         "tara, Mag mall na lang tayo gusto niyo ba?"pagyaya ni Din

        "Sige, wala na rin naman tayong ginagawa dito eh, ano josh sama ka?"