La Vie en Rose

One side love

සදැස් ලියුමට රුසි වූ
මේ සිත
ඇයිද ඔබ ගැන ලියුමට
සැරසි කල
මේ තරම් චංචල
වදන් අමුණමි සිතට දිරි ගෙන
මගෙ හදෙහි වූ
කැලඹිල්ල මැඩගෙන

බලා නෑ ඔබ දෙස කිසි දින
සෘජු දෑස අයාගෙන මගෙ
අසා නෑ ඔබෙ හඩ
පේළි දෙකකට පිටුපසින් හැර
ඒත් තවමත් මතකයි ඔබ
මගෙ දෑස සොරකම් කළ දින
අද වගෙම මතකයි මිමිණු ඒ
වදන් පෙළ නොතෙරුනද මට
අතැර දැමුමට සිතූ හැමවිට
ප්‍රාතිහාර්යක් මෙන් මා අභියස
ඔබ පෑයුවා සදක් ...
නෑ පවුරක් විලස මගෙ දෑස් අග
ඉදින් පිටමං කෙරුමට
වැටකඩොළු බැන්දද මේ හදට
අසීරුය මා අසරණය
ඔබ දකින ඇසෙනා හැමවර
ඉතින් හනහකි තිබුනි නම්
ඔබ නමින් පැළවූ ඒ රුක
දෙවරක්ම නොසිතා උගුලමි
ඉකි බිදුම් කදුළින් මැඩ
දනිමි මා නම් කෙනෙකුන් සිටිනා
බවක්වත් ඔබ නොදත් වග
ඉදින් පිටමං වෙනු අනේ
මගෙ හයවුරුදු එක් පස් පෙම ...

Yeye

ඒක පාරශ්වික ප්‍රේමයක් නැති කෙනෙක් නැතුව ඇති ... අවුරුදු හයක් මගේ එක් පස් පෙම ... අවුරුදු දෙකකින් දැකලම නෑ දැන්
...

" ඉතින් එබැවින්  නවතිමි ... හදින් පිටමං නොකෙලෙමි "