لقـّيت قصيـدتي بعُيونـك ياغـرامي

2

صحى عاصف وهو في امل انه بيلقى طارق ويسلمه للشرطه او يسوي فيه اي شي ماكان له هدف اذا مسكه وش يسوي لكن همه يمسكه جاء الضابط لبيتهم ودق الباب فتح عاصف وهو يقول : هلا بالضابط
الضابط: هلا بك يا عاصف
عاصف حس بشيء وان ما جاء الضابط لين باب بيتهم عبث : تفضل تفضل حياك الله
الضابط: الله يحيك مافي كلافه بس جيت اقول...
قاطعه عاصف وهو يقول : والله فنجانك عندنا
دخل الضابط وجلس في المجلس على حظ عاصف ان امه صاحيه قال : يمه سوي قهوه وخلي طيف تجيبها
نجد: مين جاء؟
عاصف : الضابط ، دخل عاصف المجلس مستعجل وقال: عسى ما ابطيت عليك
الضابط: لا معليك المهم جيت ومعي خبر يمكن يحزنك
عاصف بتوتر : وشهو؟
الضابط : الصراحه يا عاصف تقفل ملف قضيه ابوك وحطو التهمه انتحار لان كان جنبه مسدس
عاصف بغضب تام : كيف مو منجدهم كيف انتحار!
طيف اللي كانت بتحط القهوه وسمعت كل شي انصدمت
ودقت الباب وحطت القهوه وراحت وهي تفكر صدق كلام الضابط ابوها انتحر او انقتل
عاصف اخذ القهوه وصب للضابط الضابط شرب فنجان واحد وبسرعه طلع لان كان الغضب والشر بعيون عاصف

في السوق التاجر رعد
كان منافس لابو عاصف وهو الوحيد اللي ارتاح بموته وبعد ايام العزا وانتهى كل شي الا الان محد يطب محله لإن بضاعته مغشوشه بس هو ماكان يدري انهم يعرفون عن بضاعته وكان يظن ان السبب عاصف اللي مسك محل ابوه غصب كثير ونوى اقل شي له القتل كان عارف ان عاصف حالف بالقتل والثأر لابوه من طارق وطارق مختفي ايام ولكن كان له صبي يشوف الاوضاع شافه رعد وقرب منه وقال بصوت خافت: كيف مديرك طارق؟
الصبي انصدم : ماعرف احد بذا الاسم
ناظره رعد بطرف عين وقال: ابي اكلم مديرك وقول عشان نجاة حياتك
الصبي ابتعدت عن رعد وراح عند طارق يعلمه
طارق بضحكه ساخره: ما ينقصني الا ذا الشايب اللي بضاعته مغشوشه وسكت شوي وقال: انا بروح له
تلثم طارق بغترته وراح لرعد
رعد انصدم وحس انه زبون انبسط وبدا يفتح بضاعته ويقول : ياهلا كل بضاعتنا......
ما مداه يكمل الا قاطعه طارق يقول : ياغبي انا طارق وش تبي انت و بضاعتك المغشوشه
رعد : ياهلا بطارق اجلس
جلس طارق وبدا رعد يسولف عليه بضيق قال طارق : اخلص وش اللي عندك
رعد وهو يعدل جلسته:تعرف بيني وبين عاصف مشاكل وكذا وانا قررت نذبحه وهو يشك فيك ودخولك الديره بيثير شياطينه
ناظره طارق ويفكر في كلامه ويحلله وقال: منجدك تقتل واحد ما كمل الخمسه والعشرين عشان بضاعتك
رعد قال بغضب: مو بس بضاعتي عشانك بعد
طارق : وش خطتك؟
رعد : انا بقوله عرفت مكان طارق واخذه لمكان مافيه احد والباقي عليك
طارق: تم بس بشرط
رعد : وش تبي ؟
طارق: لا ذبحناه وخلصنا بتقول لاهل الديره ان لازم ترجع وانا ما قتلت احد واستقبلوني افضل استقبال
رعد بابتسامه خبيثه: طلباتك اوامر

اما طيف اللي تقابل للقمر بحوشهم وكانت طيف شخص مهووس بشي اسمه قمر ونجوم كواكب اي شي يخص الفضاء دخلت رنا من باب الحوش ومعها عيالها وصحن كبير ناظرت طيف اللي تطالع القمر وقالت : على قول اخوك كيف قمر يطالع قمرا
ابتسمت طيف : اخوي يهل بيوت قصايد
رنا ابتسمت:تعشيتم ؟
طيف: لا
رنا : يلا تعالي
طيف:شويات و اجيكم
كانت تتذكر اقوال اخوها : باكرها النعيم كانها قمرا توسط جنح ليل اسود
ابتسمت ودخلت
لقت امها مسويه محاشي و جارتهم مسويه مندي وجدتها مسويه جريش قالت بصوت فيه الابتسامه : اوف اوف هذا كله انتم مسوينه تدرون احب الجريش وسلمت على راس جدتها وتقول : جدتي دايم ماتنساني
نجد بضحكه كلها ايجابيه : اي بس بننتظر ولدنا عاصف
طيف اللي كانت علاقتها بأمها ميانه منجد : اي يا بنت نجد تحبين ولدك اكثر من بنتك
نجد: يمكن هذي الحقيقه
طيف شهقت بصدمه ومزح: افا ماهقيتها منك
رنا: الصراحه الصراحه ياطيف بنت نجد من حقها تحب ولدها عاصف اكثر منك انتي ماعندك مشاعر ولا احاسيس
طيف شهقت : ومين اللي قبل شوي يحاول يراضيني
رنا ضحكت : مو منجدك في احد يلقى اجمل واحلى من طيف؟!
نجد : كأن اخوك طول روحي شوفيه واشترو لنا عيش للمحاشي