لقـّيت قصيـدتي بعُيونـك ياغـرامي

28

اعتذر جداً عن التأخير بكن مع الدراسه جداً ضغط🤍
-
-
اما عند ام محمد اللي وصلها خبر ان بنتها في البيت :
وش وداها ؟ كيف تروح بدوننا!
امل : هدي يمه معها الجازي اكيد صار لهم ظرف
ام محمد: لو عندها كمبياله "نفس العقد يكتب للدين"  وش يوديها لحالها لو بس اقول لي
اريام: معها الجازي
اماني : اي يمه معها الجازي لا تخافين
ام محمد: والجازي وش مشاركه بالحرب ولا تعرف تضرب وانا مدري
اماني : ايه تعرف تضرب واساساً كل الرجال متجمعين بالمجلس ومافي ذرة مخلوق
ام محمد: وانتي وش دراك ان مافي احد !
امل: امي هدي اعصابك واسترخي نرجع شوي ونشوف وش فيهم الحين لا توترين نفسك ولا توترينا
ام محمد اعطتها نظرة لتسكت وفعلاً سكتت

مخنوق وجالس لحاله بمكان فاضي من اي شخص من اي حيوان من اي جماد فقط نسمات هوا وصوت خافت يدل على الحزن والصيق البنت الذي فضلها على الجميع وحبها على الكل وكانت في اشعاره وافكاره واحلامه مايمر يوم بدون مايتحلم انها من حلاله والان سبب بسيط يحطم كل احلامه كل افكاره لف على رساله من الكليه العسكريه مكونه عن اسم القبول وكان اسمه من المقبولين وهنا زاد بكائه لايدري على وش لكن حس بشعور اذا بكى ارتاح رفع يدينه في السماء : يارب انك على كل شي قدير يارب انا حققت حلمي بسببها يارب اجعلها من نصيبي بالحلال يارب انك على كل شي قدير ،،، ساهم بحلمه عشان يقدر يخطبها ليكون متواجد به كل الصفات ومتوظف يستطيع ان يفتح بيت ويكون اسرة تنهد وهو يمسح دموعه بطرف الشماغ: ذي البدايه لاحقق كل شي

اما في مجلس الشيخ اللي تعالى فيه الصراخ شباب وشياب الديرة ضد الشيخ بسبب ولده ونواف مستغرب من عدم وجود عاصف
عمار: ما عاش من يطرد احفادي !
عوض الله : استهدي بالله اكيد فاهمين غلط
غازي : وش قصدك بناتنا يكذبون!
الغيث: وينه خلف ذا! قليل اللي جاه
غازي:وش جاه؟
الغيث : عاصف ضربه مادري ليه !
غازي : ليش يعني اكيد فيه بسبب؟
عمار : وقتكم!
محمد: والله لا انتف رقبته وينه!
خالد: والله ان ما طلعت ولدك لا افجر فيك
عوض الله : هدو ومابيصير خاطركم الا طيب
الغيث: وش نهدي به ! وانت ولدك مسوي هبايب!
غازي: والله ان ماطلعت ولدك لا اثور بك بالبنادق اللي راصها فوق راسك"حاطها فوق راسه "
خالد رغم العصبيه والهوشه ضحك من ذبة ابوه
محمد دقه
خالد فز وهو يغير ملامحه للعصبيه
غازي حاول يتجاهل ضحك خالد بس تذكر ذبة حتى هو ابتسم
عوض الله: وش فيكم تتبوسم وتضحكون !
غازي: عز الله لقينا الحل!
خالد استغرب من ابوه
عوض الله : وشهو؟
غازي : ولدك يتزوج وحده من البنات اللي طردهم ويعرف قيمتهم !
نواف الخبر مثل الصاعقه عليه مو متأكد يمكن من البنات مجد !
عاصف كان داخل وسمع ذي الكلمتين وهو عارف انه يقصد الجازي او مجد انفجر معد يقدر يتحمل قبل شوي قايل توني ابدا مامداني اكمل ساعه واول خبر يشق قلبي
عوض الله ابتسم برضا: مايصير الا اللي بخاطرك
عمار مسك غازي وطلعه برا : مجنون انت متخلف !
غازي : وشفيه يبه مو كذا كانت تنحل الامور بينكم !
عمار : ياغبي ذيك ايام جاهليه الحين جيل جديد والبنت راضيه ولا لا!
غازي : بترضى وان ما رضت
عمار: اقسم بالله اذا غصبت البنت على الزواج انك مالك ولدي ومالي ابوك فاهم!
غازي : يبه خلني اكمل !
عمار : كمل يلا يباشا
غازي: اول شي ذا تمثيل عارف الولد حط عينه على بنت وبثير في قلبه وبنتي لا رفضت بقول البنت رفضت ولو مارفضت انا بنفسي برفض
عمار تنهد براحه