طيف: ابشري كم عندي نجديه؟
ضحكوا وراحت طيف تلبس عباتها وراحت للمحل شافت عاصف لحاله في المحل وحبت تطقطق عليه وقال بصوت حاد وخشن: ياولد محمد جيناك واحنا معنا خبر القصاص عليك
انفجع ولف بسرعه واول ما شاف طيف قال: ياللي ما تستحين تعرفين ذا الموضوع مافيه مزح تبيني اهفك كف
ردت طيف وهي تضحك: ماتوقعت تخاف وان شاء الله عمرك طويل وش كنت تفكر فيه
عاصف بضيق: كيف اجيب طارق ذا الحمار؟
طيف : انا تحملت اليوم ان رعد ذاك واشرت على رعد اللي متكي على باب محله
عاصف: ايه وش سوى
طيف: كان يسلم على راس طارق صدقني وراه بلاء
عاصف: احلام العصر صديقني
طيف: صدقني اذا ما سكتت لاروح وما اقول ايش جيت!
عاصف: ايه صح نسيت اسالك ليش جيتي ؟
طيف: بنت نجد تبيك للعشا
عاصف: ماعندكم جارتنا رنا؟
طيف: ايه عندنا بس امي ماترضى على ولدها بس ترضى على بنتها
ضحك عاصف باستهزاء: شفتي كيف انا محبوب مو زيك
طيف: طلعت بضيق وبرجع بضيق
عاصف : افا وانا اخوك من ضيق عليك
طيف : محد ياولد النجديه
عاصف وهو يحاول يطيب خاطرها : القمرا مكتمله ما ودك بشعر مني ؟
طيف ناظرت للقمر اللي قدامهم بالضبط : اكيد اذا عندك
عاصف تنحنح :
بيجي لك زمن جديد
ويصير وجهي خيال يعَبَر
ونقرأ في الليل الشعر
و يذوب الحنين كنور القمر
وفي لحظة نتذكر الزمان
ونذكر عمر مضى واندثر
أنت تقرأ
لقـّيت قصيـدتي بعُيونـك ياغـرامي
Poetryليله من الليالي الشتاء صحى على جثة والده امامه هل سيستطيع العيش بدون ابيه؟ ويبحث عن القاتل ؟ هل سيكون الغدر في ذلك اليوم خير له ام شر له ؟ وفي عمر الست سنوات طفله يتم تعنيفها من قبل والدتها وتقرر الذهاب للعيش مع جدها في اجواء صعبه عليها في اجواء لم...