لقـّيت قصيـدتي بعُيونـك ياغـرامي

4

عاصف
وقف رعد في مكان خالي من البشر ومافيه حتى شجره
رعد : يلا انزل
لف عاصف باستغراب : وانت؟
رعد : مابيني وبين طارق شي مقدر انزل انا قول عني فاعل خير
ناظره عاصف بغرابه ونزل وقال قبل لا يروح رعد قال : وين القاه ؟
رعد: دوره وراح بسرعه
عاصف : وش ذا الخبل
حس بشيء حاد نغز كتفه وبقوه حاده جداً لف بسرعه وهو يشوف طارق ما معاه احد ورافع مسدس على عاصف حاول عاصف يطلع مسدسه وقال طارق: مايحتاج تطلعه سبقتك وطلقت على كتفك وظهرك طاح عاصف وهو مايحس بنفسه الا يشوف طارق ويسمع كلامه قال عاصف بصوت مرتفع: يالخاين ماهقيت فيك كل ذي القوه وتجي من ورا وين الرجوله يا طارق
طارق قرب من عاصف وقال: الرجوله اني قتلتك وقتلت ابوك ذا اهم شي تدري كذا طلقت على ابوك في كتفه وظهره بس ابوك ما شاء الله قوي قعد يصارع الموت وانت كنت نايم انت الخاين المفروض تحس في ابوك وضحك
عاصف ضرب برجله على بطن طارق بحيث اوجعه بقوه وبعد فتره صمت قال طارق :بتموت هنا و الذيابه بتاكل لحمك ،،وبعدها ابتعد طارق وجاء رعد مسرع وهو يقول : مع السلامه يا ... او صح مافي سلامه دامك بتموت يا الغشاش وابتعد

نجد
اللي حست بنغزه بقلبها وكان رصاصه دخلت فيه تعوذت من ابليس وبدت تكرر " وله ما سكن بالليل والنهار وهي السميع العليم" وتدعي بأن عاصف ما يصيبه شي جات طيف وهي تقول : عاصف ما جاء ؟
نجد: لا
طيف: احس صاير شي
نجد: حتى انا
طيف : الله يستر  نامي يمه انتي طول الصبح وانتي صاحيه واذا جاء بصحيك
نجد: تسوين خير فيني يا يمه

الفجر
اللي فزت طيف فيه لفت وهي تشوف الساعه ٤:٣٠ استغربت ان عاصف ما جاء اخوها وسندها بذي الدنيا لايكون صاير له شي سمت بالله راحت تتوضى وتصلي سلمت من صلاتها وهي تشوف امها نايمه على الكنب وباين على وجهها الخوف والتعب راحت المطبخ وهي تشوف جدتها وهي تسوي القرص على الحطب "القرص اكله نفس الخبز "  سلمت على راس جدتها وهي تقول : اوف ياجده رجعتي للشباب وانتي تسوين قرص وحركات
نوره: اقول روحي جيبي العسل والسمن من الدولاب
طيف: ابشري
نوره: قومي اخوك
طيف ومعها العسل والسمن : ماجاء من امس
نوره كانت بتتكلم بس قاطعها صراخ رعد اللي كل الناس طلعوا عليه
رعد بصوت مرتفع وبكاء كاذب : آه يا حرتي عاصف مات عاصف مات
مسك فهد رعد بيده : وش تقول انت!
رعد: اخ ولد ديرتي عاصف مات ولد محمد مات
فهد : من صدقك تتكلم ؟
رعد : اي.. والله
فهد : وش صار ؟ ...... انطق
رعد: كنا نكشت والا قطاع الطرق طبوا علينا
فهد: اييه كمل!
رعد: اطلقو على عاصف و أفقدوني وعيي
فهد : متاكد انه مات ولا بس انطلق عليه
رعد: مادري عنه أفقدوني وعيي اقولك
لفو على صراخ نجد وهي تقول بصوت متقطع: ولد..ولدي ما....مات!
طيف كانت حاسه ان رعد وراه شي ما كان عليه اثار ضرب او حتى خدشه
نوره ماقدرت تشيل نفسها ولا قدرت تتحرك طاحت على الارض وهي تقول بينها وبين نفسها: اول شي ولدي والحين حفيدي ، دقات قلبها كانت تتسارع بقوه
لفت طيف بعد ما سندت جدتها على وحدة من الحريم واتجهت لرعد : اخوي يا النصاب ما مات
ناظره فيها رعد بنص عين : تكذبيني يعني شفته بعيوني
طيف بصوت حاد : يالشايب انا شايفتك وانت تسحبه بسيارتك لو كانت كشته كان عاصف علمنا بس واضح تنصب علينا بتعترف ولا اعرف بنفسي!
رعد: اعرفي واعلى مافي خيلك اركبيه
ناظرت طيف بحده : طيب يالشايب شغلك عندي
لفت طيف لامها وهي تطبطب عليها: يمه لا تصدقينه وين جثته؟
رفع فهد صوته: وين جثته؟
رعد : ويش يدريني عنها !
وقف سند على حجر كبير واردف بصوت مرتفع: ياهلي يا قبيلتي عاصف محد شاف جثته ولا يدري عنها روحوا وابحثوا واللي يلقاها يعلمنا صديقي وعزوتي ما بصدق انه مات الا اذا شفت جثته قدامي
بدو يبحثون اما كل حريم الديره تجمعو ببيت ابو عاصف ومعهم واحد من الفرسان يحميهم

كانت تمشي بين الحلال وشاف جثه خامده والدم حولينها استغرب وقربت واول ماشفت الدم وانه شبه ميت نادت جدها:ياجد في واحد متصوب هنا
جدها قرب ومن شاف الجثه اردف : يالجازي جيبي الناقه

الجازي اللي كانت ماتعرف كيف تمشيها ومالها علم بالمواشي راحت بسرعه عند الناقه وسمت وسحبتها بقوه والحاصل ثارت عليها انفجعت وبعدت عنها وقعدت تفكر جدها وش يسوي عشان تجي معها اول شي جاء : خليني اعطيها شويه حنان يمكن تجي معي بدت تمسح على ظهرها وهي خايفه الى ان هدت الناقه وبدت تمشي ورا الجازي اول ما جات جدها بدا يسحب ويحاول يشيل عاصف بس مافي فايده اردف للجازي: ساعديني
ناظرت باستغراب: كيف اساعدك؟
عمار(جدها): قوام!، شيلي من يدينه وانا بشيل من رجوله
ماقدرت تتكلم لان جدها ناظرها والعصبيه كلها بعيونه شالت معه الى حطوه فوق الناقه واتجهوا الى البيت

الكل في الديره
يبحثون في الصحاري وحدود الديره بس مافي امل ولا وجدو له اي اثر
سند شاف مسدس ونبه فهد عنه كان مكتوب عليه شي بس مو واضح من الدم والتراب مسح سند بطرف ثوب على الاسم المكتوب عشان يروح الدم والتراب عنه وفعلاً راح الدم والتراب وبقى اسم فهد آل مصلح عليه استغرب سند ولف على فهد : هذا مسدسك؟!
فهد قرب وهو يشوف اسمه : ايه حقي ذا اعطيته عاصف قال لي بيتدرب بس ماتوقعت يدرب مع رعد
سند:ذا رعد وراه علم!

في جهه اخرى وفي ديره ال سلطان
عمار : سرعه نادي الحكيم بيته جنب بيتنا
تنهدت الجازي : طيب
راحت وهي تجري لبيت الحكيم وهي تتنفس بسرعه : ياعم فيه في بيتنا شخص متصاوب 
اخذ الحكيم شنطته بسرعه واسرع لبيت عمار وهو يدخل يقول :اعطوني شاش ومويه حاره
نفذت الجازي بالحرف وراحت تجيب شاش وهي تفتح الكبريت انحرق اصبعها وحست بقلبها وهي تتذكر حرقت اصبعها بسبب شاهي امها : اح يمه الشاهي حرقني
امها حصه: احسن تستاهلين هذا قليل عليك وانتي رافضه ولد الشيخ
الجازي بحده : يمه مافي نصيب
حصه: ياليل انتي كل شي عندك مافي نصيب ولا انتي لو يطلبك راعي توافقين اهم شي مايكون ذا الراعي من قرايبنا عاد فهمتي ابوي شيخ قبيله وانتي هههههه ولا شي جنبنا يابنت الراعي
صحت من واقعها على جدها : يلا يا جازي اخلصي
حطت المويه ورفعت النار على الاخير واول ما احتمى ودته للحكيم
الحكيم  وهي يحط الرصاصتين في يد عمار: الحمدلله كل شي سليم وطلعت الرصاص بس بلف الشاش وانتهي بس اذا حسيتم عليه ب سخونه او برد ودوه المستشفى او دقو  علي
عمار وهو يطلع من جيبه فلوس : ماتقصر والله وخذ ذ...
قبل لا يكمل قاطعه الحكيم وهو يقول : لا مايحتاج ذا واجبي
ناظره عمار بامتنان وطلع الحكيم ناظر عمار للجازي واردف : طلعتي كفو اليوم ماتوقعت انك بتجيبين الناقه
ابتسمت الجازي : ليه طايحه من عينك ياجد ؟
عمار: وش رايك تكلمين جميلك و تراقبينه احد يصحى بروح انام تعبت
الجازي: مالي مرتاحه بس ابشر كم عندي جد ؟
ابتسم عمار وهو رايح لغرفته