لقـّيت قصيـدتي بعُيونـك ياغـرامي

45

عاصف وهي يشد حبال الخيمه نط على كتفه خالد : يبني شيل ولد اختك
سند : خالد ارجع البيت
خالد : مالك دخل
سند : ورع انا خالك !
خالد شد شعر عاصف
عاصف بتألم : الله ياخذ بليسك وانت خاله وماتعرف تسيطر عليه
سند : خالد بترجع ولا كيف!
عاصف : سويت خير ،،،، بحده : ولد ارجع بيتكم لا اقوم عليك
خالد : وش بتسوي ؟
سند : يعني انت اللي سويت خير
عاصف : بدوس ببطنك !
سند : خلاص روح ياحبيبي عشان بكره اوديك البقاله
خالد : تعرفون تسكتون انت وياه؟
عاصف : احترم نفسك يابزر
سند : قلتها بزر اسحب عليه
خالد : محد بزر غيرك
عاصف : ذا بيخرب يومي
سند : خالد اذا ما سكت بعلم ابوي ترا
خالد : اقول اذا انتم ماسكتم ترا بعلم ابوي عن الاشعار والحركات المهي زينه
عاصف كح بصدمه : وش !
خالد : الشعر اللي تحفظني هو وش قصته؟ اقولها لجدي؟
عاصف : كيف حال ملاك ؟
سند ابتسم
خالد : هاه؟
سند بسخريه : بتعلم جدك اجل
عاصف : ايه علم جدك بس قول لي كيف حال ملاك ؟
خالد : تسلم عليك
سند : اح ! ياولد عيب
خالد : وش ؟
عاصف : ملاك تقرب لزوجتي احرشها عليك؟
خالد : لا ياعاصف احنا اخويا ونعلم بعض الاشعار وتذكر اني كنت البريد بينك وبين زوجتك
عاصف : اه عشان قلت زوجتك مسامحك
سند : يلا الحين ارجع البيت
خالد بملل : طيب
عاصف : والله انك اخس خال
سند : سلامتك ،،،، انتبه لخالد: هذا وين رايح!
عاصف : ذا مو طريق بيتكم!
سند : ايه لا يضيع علينا بس
عاصف : ذا طريق بيت الحب
سند : امش نلحقه
عاصف : قدام
سند بهدوء وهو يراقب طريق خالد : بزر عمره ثلاث سنين ويحب الله يالزمن
عاصف : سلامتك عمرك ١٥ وتحب بنت جيرانكم وعمرك ١٨ سنه تحب حلا ذيك المعقده وعمرك ٢٢ حبيت الهنوف الله اعلم مين الجاي
سند : كان كل ذاك مجرد اعجاب والهنوف صارت الاولى والاخيره
عاصف : نقول بنت الجيران اعجاب وانت مسوي لي دراما وقعدت تبكي عشان راحت ديرتها وبتتزوج وحلا جاك اكتئاب عشانها لعبت عليك ؟ بالله هذا وش تسميه ؟
سند : مراهقه ،،،، شف ملاك

خالد شاف ملاك وكلمها بأبتسامة حب : ملاك
ملاك : هلا
خالد بتلعثم : كيفك

عاصف بسخريه : والولد ضاعت علومه
سند : شايف والله حفيدات عمار لعبو فيكم
عاصف ناظره بحده
سند : بس انت مستثنى اقصد نواف
عاصف : احسب

ملاك : بخير وانت؟
خالد : الحمدلله ،،،،،، فستانك حلو
ملاك : شكراً

سند : مايعرفون يسولفون
عاصف : ياولد البنت خفيفه انا تعذب قلبي من ثقلها
سند : ثقيله ولا ماهي طايقتك
عاصف : لا الحمدلله طايقتني وزياده وبتزوجها بعد ساعات
سند : واضح بس اسمع وش يقولون
عاصف : تراك تدق بالكلام فا اسكت لا افصل عليك

خالد : وش رايك نروح نياق جدي ؟
ملاك : بعيده ؟
خالد : لا هنا نوصل مشي
ملاك : يلا

عاصف : احسن يارب يتهمونه انه خطفها
سند : لا تتفاول على ولد اختي لا اتوطى ببطنك
عاصف : تخسى مين انت!
سند : عمك
عاصف : اقول احترم نفسك لا انا اللي اتوطى ببطنك
سند : اليوم يومك بسكت لك
عاصف : خلنا نلحقهم
سند : ياورع انت فاضي روح حلق بس
عاصف : طيب يا نفسيه
سند : ولا اقولك الحقهم لو جهنم انا شدخلني فيك
عاصف : لا ماني لاحقهم بروح احلق وانت روح كمل بنا الخيام
سند : يعني تقهر؟ تراك سويت مثلي بزواجي
عاصف : زواجك ماضي "اليوم بالضبط الحين دوري "
سند : ليه هي لعبه دور لك ودور لي ؟
عاصف : ايه 
سند : اجل الدور الجاي دوري ؟
عاصف : والله لا اعلم الهنوف
سند : انقلع بس قلتها بمزح
عاصف : اجل تتزوج على اخت زوجتي ودوري
سند : وانت قلت دور لي ودور لك
عاصف : انا قلت دور لي ودور لك وخلاص قضينا بس انت ماوراك خير
سند : عصوفي امزح
عاصف : ياشينها من فمك
سند : اقولها بفم مين ؟
عاصف : امك
سند : امك انت!
عاصف ضحك : يلا بس روح ساعد على الخيام