لقـّيت قصيـدتي بعُيونـك ياغـرامي

25

اما عند نواف دخل البيت مستعجل وجلس قبال نوف ونوره
نواف: ياجدة
نوره : هلا
نواف: انا مقرر اخطب
نورة : ماشاء الله مبروك
نوف: مين سعيدة الحظ؟
نواف: مجد بنت غازي ولد جارنا عمار
نورة : ماشاء الله والله انها حلوة وسنعه
نواف : اكيد ما اخترتها عبث
نوف : وشو!
نواف: وش شفت البنت وارتحت لها وبروح اخطبها
نوف : وين اللي مايؤمن بالحب احسبك تمزح ومنت خاطب
نواف : ليه مو معبي عينك المهم بكره بنروح نخطبها
نوره: في عينك بكره الناس صيام وتعب خليه ثالث ليله عيد
نواف : لا وش ليلته بكره
نوف : محد يخطب في رمضان
نواف: مين قال؟
نوف: الناس صيام
نوره : عادات الجسور
نواف: مافيها شي!
نوره: الا فيها نضايق الناس وهم صيام ومايقدرون يسألون عنك ولا يعرفون شي
نواف: ليش رجالهم يطبخون؟
نوره: البنت تطبخ! واكيد ماتلقى وقت ترتاح كيف بخطبه وتفكر وتستخير خليه العيد وانت ساكت
نواف: ياليل طيب
نوف بعد مادخلت نوره: ياويلك تدخل بنت الناس في مشاكلك وتتعبها وغريبه نواف اللي مايطيق شي اسمه حب ولا زواج يبي يتزوج ماتمشي علي
نواف: تعرفين الحب من اول نظرة ؟
نوف: اي؟
نواف: ذا اللي صار

وعدت الليلة وغدا اسبوع واسبوعين وشهر رمضان وصارت ليلة العيد الجميع بفرحه وشعور الفرح لا يفارقهم بهذه الليله الاغلب يتزين ومن تكوي ثوب ابيها ومن تستحم ومن تستشور شعر اختها ومن تضع مكياجها ومن تطبخ فطور العيد
الجازي : ياخي ماعندك زوجة خليها تغسله
الغيث : والله غلا تعبانه مع اواخر رمضان مادري شفيها
الجازي : ياليل ترا بس عشان عيد ولا كان خليتك تغسله بنفسك سامع؟
الغيث: ايه بس اخلصي
الجازي : تعال تعال بس تعلم كيف تغسله عشان يمكن اهج ومحد يغسل لك
الغيث: تهجين ياللي ماتستحين مقصرين معك بشي احنا
الجازي : اعوذ بالله امزح،،،بمزح وتدارك للوضع : يمكن اهج مع رجلي
الغيث شد شعرها: اقول بتجلسين معي مانبي نزوجك
الجازي شذا شعره: ماتقدر تعيش بدوني
الغيث: الا
الجازي : طيب شتبي ؟
الغيث: كذا ابغاك تجلسين معي
عمار دخل : ياحمار تترك اختك
الغيث : هي اللي بدت
الجازي شهقت بصدمه : انا اللي بديت يالنصاب
الغيث: فكي
الجازي : فك وافك
الغيث : فكي انتي
الجازي : لا والله انت
الغيث : انتي وبس
الجازي : انت وماغيرك احد
عمار صرخ : بعد لين ثلاث واذا ماتركتم بعض قسم بالله لا اطلع عصبيتي فيكم ،،واحد ،،،اثنين
ماكمل الا وهم فاكين بعض ،،،الجازي : ياجد هو اللي بدا ،وشد شعري واحنا في عيد وبدت تطلع لي فراغات منه
الغيث: كذابه ياجدي هي تقهرني وتقول تعلم الغسيل لاني بهج اوروبا وزوجتك ماتخدمك الحين اخدم نفسك بنفسك
عمار: ادري انكم كذابين وكل واحد زايد من عنده وانقلعو عن وجهي ولا تبلشوني
الجازي : ابشر ياجدي ،،سلمت على راسه : الغيث الحقني عشان اعلمك الغسيل واذا ماتبي طس عن وجهي ولا اشوفك مزعجني ،،وراحت
الغيث يقلدها
عمار ناظره بحده
الغيث: العذر والسموحه ياجدي ،،سلم على راسه وجلس معه