لقـّيت قصيـدتي بعُيونـك ياغـرامي

42

عاصف جالس وبقباله سهام
سهام : شفيك اكلتني بنظرك
عاصف: أتأمل خلقه الله
سهام : والله عارفه اني قمر بس تأملك مبالغ فيه
عاصف : لا تصدقين نفسك
سهام : رايك مو مهم
عاصف : احد قال لك انه مهم؟
سهام : ابوه
عاصف : مين؟
سهام : اسلوبك
عاصف: الحمدلله طلعتي تعرفين للتلميح
سهام : ايه ترا ماني بقره
عاصف : تقصدين العكس
سهام : تعرف تسكت ؟
عاصف : لا
لكن سهام تجاهلت ودام الصمت بينهم والنظرات تتجاول بين بعض الا ان انهت سهام هذا الصمت
سهام : الحين طيف اختك من امك وابوك ؟
عاصف: ايه
سهام : اها
عاصف : نجد تعرف انك رجعتي ؟
سهام : لا مو مهم تعرف لان مارح تهتم
عاصف: ليه تراك بنتها؟
سهام : حتى لو اني امها مابتهتم
عاصف : لهدرجه تخلت عن كل عيالها
سهام : للاسف
قاطعت نقاشهم نوره اللي دخلت
عاصف : يامرحبا بضوء القمر
نوره : البقى وانا جدتك
سهام : وين كنتي ياجده فريت البيت ادورك
نوره : كنت ببيت ام سند
عاصف: ماشاء الله
نوره : شارت علي اننا نكشت
عاصف : والله فكره
نوره : القابله "بكره"
عاصف : يصير خير
نوره : الا وين طيف ؟
عاصف: عند صديقتها
نوره : اها

اما عاصف كعادته طلع للسطح وتفاجئ بالريحان المزروع بالسطح وعرف ان جدته هي اللي حطته لكن بلحظه تذكر بيت الجازي في ديره ال سلطان وكيف كانت عاشقه للورد او اي نبته فيها رائحه حلوه مسك عوده بدون تردد وبدا يغني اغنيه لا ابو نوره التي جاءت بوقتها المناسب لدى فنان العرب في وقت وفاة ابنه وهاقد جاءت مره اخرى وبوقت مناسب على فكر عاصف وموقفه :
جيت قبل العطر يبرد
قبل حتى يذوب في صمتي الكلام وأحتاريت
جيت قبل العطر يبرد
قبل حتي يذوب في صمتي الكلام وأحتاريت
كنت أظن الريح جابت
عطرك يسلم علي
كنت أظن الشوق جابك
تجلس بجنبي شوي
الى ان انهى احد الجيران صوته وهو يصارخ : ازعجتنا يابن محمد وراها اشغال في الصبح !

في اليوم الثاني
بدو يجهزون عشان يطلعون
طيف : اخ ليت اسماء معي
عاصف : المرات الجايه
نوره : يلا كثر كلام انت وياها واخلصو
عاصف : ابشري
نوره : وين سهام
عاصف : وش دراني عنها
سهام : حطيت الاغراض بالسياره
نوره : ماشاء الله على بنتي الكفو
عاصف : والله انها ملقوفه
طيف : وش ذي الغيره اللي فيك ؟
عاصف : وانتي شدخلك
طيف : طيب خلاص
نوف : انا خلصت
نواف نزل هو ومجد المخلصين
نوره انفجرت : كل العالم خلصوا الا انتم يالرفلين
طيف : هدو يجده كل شي بالهداوه
عاصف وهو يربط العزبه : انا خلصت وياجده ترا اشتغلنا اكثر منهم
نوره : طيب اخلص علي
عاصف حمل العزبه : طيب يلا انا رايح
نواف : نروح بسيارتين؟
عاصف : روح باللي تروح به
نوره : ايه رح انت وزوجتك ونوف بسياره واحنا بسياره

اما في منزل اخر
ابو سند : جاهزين؟
الكل: ايه
ابو سند : يلا اركبو
طبعاً راحو بسياره وحده في المقعد الامامي ابو سند وام سند وفي الخلف سند وفي النص الهنوف وخالد وجنبهم منى
ابو سند : ياحلوكم وانتم مستعجلين
سند : والله يا شينها مقومينا من ثمانيه مع الشموس اشتري خيمه
ابو سند : وهذا المراح "المشوار " الزين بدري احسن من التأخير
ام سند : والله انك صادق
منى بنعاس : اخ كنت بأحلامي الحلوه
سند : لو انك منثبره مع زوجك ما كان قومناك من احلامك الحلوه
منى : ابوي مايقدر يروح من دوني صح يبه ؟
ابو سند : صح صح ،،، وفتح المسجل على القران
خالد : تدري ياجدي اني حافظ ذي السوره
ابو سند : ما شاء الله
سند : حتى انا حافظها
ابو سند : الطول طول نخله والعقل عقل صخله وراك ماتهجد وش تبي بالورع
سند : امزح معه
ام سند : امزح بس لا تحط عقلك بعقله
سند : ابشري