لقـّيت قصيـدتي بعُيونـك ياغـرامي

8

اما عند سند وعاصف
وهم راجعين لديرتهم عاصف: فضفض ياخوي
سند : لو اقعد من اليوم لين بكرا ما رح اخلص
عاصف : ان شاء الله بعد العشاء باخذك من شعرك الحلو ذا واجيبك في جبل عايض وتقول همك *جبل عايض هو جبل ورا بيت شخص اسمه عايض كل الناس يجونه يحل مشاكلهم وينصحهم *
سند : ذكرتني بزمان يوم كنا نروح لبيت عايض و نتقهوى عنده كاننا عياله الله يرحمه
عاصف: اي والله الله يرحمه
سند : يقولون بنته للحين في بيته ما تزوجت
عاصف غمز لسند
سند : ورع لا يروح بالك بعيد قصدي انها تكمل شغلة ابوها
عاصف: واضح مقصدك ليش تبرر
سند : عاصف ترا وربي انا اللي بغدر فيك مو رعد
عاصف ضحك
وهم على ابواب ديرتهم ،، سند ابتسم: جاهز للدراما ؟
ضحك عاصف : اوه ودي اشوف اشكالهم
ودخلو المجلس مع بعض اللي فز من فهد وصرخ بكل صوته وهو يأشر على الباب : عـاصف
واحد من الجالسين : ذا انهبل ، وبمجرد ان لفو للباب حتى انصدموا من عاصف وحمد اللي قرب وبدا يتحسس عاصف : ياولد انت امس ولا جن
عاصف بضحك : جن، وسند دقه لان كان كل اهله الديرة فيه ،: انس انس وعندي كلام بقوله
الشيخ وهو مو مستوعب : تفضل
عاصف: انا رحت ابحث عن قاتل ابوي وانغدرت واللي غدرني اكيد تعرفونه رعد واستقبلني راعي طيب وعالجني وبعد ما سند مسك رعد ، ورفع صوته عشان ابو سند يفتخر بولده،: وسلمه للشرطه جيتكم وانا واثق مابيصيبني شي باذن الله
والكل بدا يمدح سند واللي يحضن عاصف واللي يحمد على سلامته

اما عند الحريم
اللي سمعوا بالخبر وان عاصف اللي كانت فرحانه الحريم استغربوا انها ما انصدمت وكانها تدري
سند بصوت عالي من عند الباب الخلفي واللي كانت قريبه من الهنوف : يمه يمه
الهنوف اللي عرفت انه سند : ممكن تغض البصر بمر انادي امك !
سند لف وخلى ظهره على باب ومرت الهنوف : ام سند فيه رجال يبيك برا من الباب الخلفي
راحت ام سند مستعجله وام الهنوف سحبت بنتها من يدها : تدرين عاصف حي ورجع للديرة وسند سوى موقف بطولي في البيت اعلمك
الهنوف بملل: يمه كاني اهتم لامور الديرة
ام الهنوف: سند رجال
الهنوف: يعني هو قبل حرمه
ام الهنوف: اقصد من ناحيه المواقف

سند: يمه نادي لي ام عاصف وجدته
ام سند بفرح : ابشر
وراحت للحريم
عاصف: مين ذي البنت اللي قبل شوي تقول غض البصر
سند: وش فيها ماتبيني اشوفها
عاصف: بس احس بينكم ميانه
سند: اها قصه طويله اقولها لك بعدين
عاصف: وليه مو الحين
سند : ماتبي تشوف امك
عاصف ضحك: اوه صح
سند : نسا امه
ورجعت ام سند ومعها نجد ونوره
نجد وهي حاطه طرحه على راسها : ياهلا ياهلا بولدي ، وحضنته
نوره : خلاص اتركيه يسلم علي
عاصف بعد ماتركته امه : كم عندي جدة ، وسلم على راسها
وبعد كلام واحضان تفرقوا ،،،عاصف: هاه ماودك نروح جبل عايض؟
ضحك سند : مشينا عندي كلام كثير
ورقو الجبل وشبوا النار ،،،، سند : وين عودك ياولد اشتقت لصوتك
عاصف: العود بالبيت بروح اجيبه واجي
سند : بتتعب انت تنزل وتطلع
عاصف غمز : متعودين
سند : وش قصدك ياحيوان
نزل عاصف وهو يضحك ودخل بيتهم وشاف الجازي : بسم الله انتي وش تسوين هنا
والجازي ماترد وتعدت عاصف وطلعت من الباب واختفى طيفها عاصف: ياولد وش فيك تتخيل بنت الناس اعوذ بالله من الشيطان اخذ العود وطلع