لقـّيت قصيـدتي بعُيونـك ياغـرامي

39

عيسى ناظرهم بغبنه : ممكن اقرب يوم يداهمونا بكره
عاصف: بكره! حتى ماقدر افكر كيف احمي اختي
سيف لف على ابوه : يبه اسماء! الاجازه ما انتهت
ذياب : هدو محد رح يصير له شي وبنبين اننا طبيعين
عيسى : نفس ماقال ذياب طبيعين اذا لاحظوا اننا نعرف بخطتهم رح تفشل خطتنا
عاصف يحاول يهدي نفسه : طيب مافي مشكله اذا مابيجي ضر على اللي احبهم
عيسى : هذا المطلوب
عاصف: وشو؟
عيسى : تأجل زواجك يالجازي وماتعلم احد انك خطبتها
عاصف: ياليل انا يالله صبرت ثلاث اشهر كيف بصير زياده
عيسى: لو ماصبرت بتروح منك
عاصف: اعوذ بالله من فالك
عيسى : انا بروح واقول لجدها واخوها واقولهم يسكتون ولا يقولون لاحد انها خطبوها وانت عادي بتقدر
عاصف: ابشر
عيسى ناظر سيف:وانت اختك مب صاير لها شي ابوك ثلاث سنين يعلمها كيف تدافع عن نفسها بيصير شي يعني
سيف: لا بس الخوف ماهو سهل
عيسى: وين اللي يقول ماخاف الا من ربي
سيف: ماقلت اخاف منهم قلت اخاف عليها
ذياب : بنقاشكم ذا بنروح بداهيه
عاصف: خلنا نحط خطه بسرعه
عيسى : مبدأ خطتنا محد بيدري عن دخولهم الا احنا الاربعه لانهم بيخافون ويتوترون
ومشت الليله على تخطيطهم ومارجعوا بيتهم الا الفجر

الساعه 10:00
دخل على ابوه واخته
ذياب : عادي روحي بس انتبهي لنفسك
سيف وهو داخل : تروح فين ؟
اسماء اخت سيف عمرها ١٩ تدرس اول سنه جامعه طب حنونه بس جريئه ابوها معلمها كيف تدافع عن نفسها وهذا جزء من السبب اللي خلاها جريئه حنطيه البشره شعرها مثل سواد الليل يوصل لنص ظهرها ورموشها كثيفه وواضحه طويله ومتوسطه الوزن كل همها ابوها واخوها "شخصيه اسماء لها دور كبير بالبارتات الجايه "
اسماء: صديقتي
سيف: صديقتك؟ صديقاتك مو بالكليه؟
اسماء: ايه بس فيه وحده بالجسور ابوي يعرف ابوها
سيف: تمام بس انتبهي على نفسك
اسماء: تمام
ذياب: متى ؟
اسماء : الساعه خمسه
ذياب: تمام واذا بيتهم فاضي نامي عندها مافي مشكله
اسماء : لا احس يفشل
ذياب: احسن من انك تجلسين لحالك بالبيت
اسماء: بترجعون متاخر؟
ذياب: ايه عندنا شغل اليوم
اسماء : بشوف
ذياب: تمام سوي اللي يريحك

عيسى مقابل باب بيت عمار طرق الباب بكل احترام
عمار : ياهلا آمر يالطيب وش بغيت ؟
عيسى: افا ياعم مسرع نسيتني
عمار يحاول تذكره : اعرفك بس ناسي
عيسى : كيف تنسى اللي انغرم بحب بنتك الله يرحمها
عمار انصدم: عيسى؟،،، الله يرحمها
عيسى: شكلك ماتبيني لي ساعه واقف عند الباب
عمار: مين مايبيك ،،، ابتعد عن الباب : تفضل تفضل
في مجلس عمار
عمار: شكلك ياعيسى ماكنت تجي الا عشانها وين هالغيبه؟
عيسى: افا ياعم والله كنت اجي عشانك وعشانها بس الشغل نساني احبابي
عمار: اشتغل وانا عمك مابتقدر الا بالشغل
عيسى: ابشر ،،، بغيت اقولك
عمار : سم
عيسى : تعرف عاصف
عمار: ايه
عيسى : تعرف يعتبرني بحسبه ابوه ومستحي يقول لك
بس انا جيت بنفسي اقول لك وافهمك
عمار: عسى ماشر
عيسى: الا كل خير،،، عاصف صار ضابط وهو ماكان وده يدخل مع زواجه لكن انا دخلته بمهمه عشان يتشجع فيها لانها ماهي سهله وبيفقد اللي يحبهم حتى اخته ولازم يبتعد عنهم شرايك نأخر عرسهم شوي
عمار: كل تأخيره فيها خيره وآمر على اللي تبيه ياعيسى
عيسى : ما يامر عليك ظالم