لقـّيت قصيـدتي بعُيونـك ياغـرامي

46

بيوم جديد وبدايه مشرقه
نوره : يلا قوموا ذا من السهر والحش في خلايق ربي
طيف : ياجده ماحشينا بأحد بس خلينا ننام
نوره : مافي نوم عاصف بيجي بعد شوي
نوف : ذا مايقدر يجلس مع زوجته ؟
طيف : وهو عذبنا عشان يتزوجها
نوره : طيب حتى لو تزوجها ينسى اهله؟ سرعه بيروح عند جدها ويجي
طيف : طيب لين مايسلم على جدها انا قمت
دق الباب
نوره : يلا جت لا تقول اخوات زوجي رفلات
طيف : ياجده خليها تقول بس طفي النور
نوره بحده : وقسم بالله ياطيف لو ماقمتم انكم لتشوفون وجهي الثاني
طيف فزت لدرجه وقفت فوق السرير : قمت ياجده بس هدي مو ناقص تورينا وجهك الثاني
نوره : ايه شاطره عندك خمس دقايق واشوفك واقفه جنبي
طيف :ابشري
نوره : يلا خمس دقايق ،،،،، ونزلت تفتح الباب : ياهلا ومرحبا
الجازي سلمت على رأس نوره
وبعدها عاصف
نوره : تو نور البيت
الجازي : بنورك ياجده
نوره : يلبى جده من لسانك
عاصف : وين طيف ؟
نوره : ليش؟
عاصف : بكلمها بموضوع
نوره رفعت صوتها : خمس دقايق وتكون هنا !
عاصف ضحك
طيف دخلت بضيق : ايه بس انا اللي اقوم بخمس دقايق ولا سهام ونوف مرتاحين ويقومون بأروق ماعندهم
نوره : ايه عندك مانع ؟
طيف :لا ،، يامرحبا بأخوي وزوجته ،، وسلمت على الجازي
الجازي : البقى ياعيني
طيف جلست ونوره تناظرها : هاه ياجده اجلس ولا ممنوع ؟
نوره : والله ودي بس اخوك يبيك
طيف حكت راسها يورطه وهي تتذكر سهام : هاه انا؟
عاصف : ايه انتي
نوره : البنات منجد باقي ماقامو؟
طيف : ايه بس طيف اللي تعرف وجهك الثاني
نوره : ياويلهم ان ما قامو ،،،،، راحت تشوفهم
عاصف يكلم طيف اللي بينه وبينهم الجازي : الحين بفهم ليش تدخلين سهام !
طيف : يبني ليش ماتتقبلون بعض تراكم اخوان !
عاصف : انا قلت لك لا تدخلين احد بالموضوع !
الجازي : استهدو بالله حتى لو كان موضوعكم كبير تراكم اخوان من الاب والام
طيف : اسمعي اقولك الموضوع وانتي احكمي بجد ،،،، وبدت تقول لها موضوع سلوى وتدخل سهام وكل شي بالحرف الواحد : بس زوجك الطايش يكره سهام
الجازي : بس ؟
عاصف : ايه المشكله سهام مالها الا يومين معنا كيف تثق فيها مادري ؟
طيف : قصدك اسبوعين ،،، وأساسًا ماقلت لها الا ان سلوى ناشبه لك وبتفرق بينكم وهي دافعت عنكم بس انت مادري وش ضاربك
الجازي : انا اشوف ان الغلط على عاصف بس الغلط كله مو عليك واتفهم رايك وانك ماتبي احد يعرف الا طيف بس يعني هي ماعرفت بكل الموضوع ودافعت عنك
عاصف : حتى لو دافعت ماني محتاج دفاعها
الجازي : طيب غلطه وعدت ماناوين تتصالحون ونقفل هذا الموضوع قبل لا تجي سهام وتزعل ؟
طيف : خلاص ياعاصف انا اسفه اني ما احترمت رغبتك وعلمتها
عاصف : وانا اسف على اني ما سويت شي بس يلا
طيف : سويت اللي ما يتسوى
عاصف : ايش ؟
الجازي : ماقالت شي بس هدو
عاصف نط بين الجازي وطيف : طيف
طيف : هاه ؟
عاصف : نوف امس متغيره؟
طيف : ايه
عاصف : كيف ؟
طيف : وش دراني
عاصف : منجد اتكلم كيف متغيره ؟
طيف : بس ساكته هي دايم ساكته بس امس مالها صوت ،،، ليش تسأل انت ؟
عاصف : امس جاء فيصل واشك انها دخلت عليه بالغلط
طيف : هي جت على ذي المره مو المره الاولى فتحت كل الباب
عاصف : طيب خلاص النظره الاولى حلال لازم تنتبه
طيف : طيب قول لها
عاصف : وانتي ؟
طيف : وانا وش ؟
عاصف : متغيره ؟
طيف : ايه
عاصف : ليش ؟
طيف : لاني شفت وجهك من صبحت هذا وانت متزوج
عاصف : احترمي اخوك الكبير بس
طيف : ابشر
نوره : طيف روحي جيبي القهوه
طيف : ابشري
الجازي : بقوم اساعدك
طيف : لا انتي عروستنا خليك جالسه اهم شي شوفتك
الجازي : لا بالله وش فايدتي اذا كنت جالسه
طيف : طيب وش فيك انت وذا قالبين علي اليوم
عاصف : ايه مو بس اليوم كل الايام
الجازي ضحكت : نمزح ،،، وقامت مع طيف
-
اما في بيت آخر ما ينسمع فيه الا صراخ الهنوف
سند : بسم الله عليك وش فيك؟
ام سند : بتولد رح شغل السياره
سند بصدمه : هاه ؟
ام سند : انقلع شغل السياره عبال ما البسها عبايتها
سند استعجل بخطواته وهو يردد : السياره
بعد ان شغل السياره رجع وحمل الهنوف مستعجل
ام سند : منى الحقينا بأغراض الهنوف انتي وابوك
منى : ابشري
خالد انخرش وراح جري عند عاصف
منى : تعال!
ابو سند : اتركيه ماهو ضايع بس جهزي اغراض البنت وخلينا نلحقهم
منى : ابشر
~
في المستشفى
الكل متجمع عند غرفة العمليات سند -ام سند -ابو سند -منى -حصه ان الهنوف -ابو الهنوف -اخوان الهنوف
خرج الدكتور بفرح : ابشركم جابت تؤام بنت وولد
سند : الحمدلله وهي كيف حالتها ؟
الدكتور بحزن : تعبت كثير وبتجي مضاعفات بعد الولاده واقلها اكتئاب الولاده
سند : اكتئاب ؟
الدكتور : مو شرط اكتئاب بس لازم تجلس في المكان اللي يريحها سواء بيت ابوها او بيت زوجها ومشاعرها بتكون جدًا حساسه والشخص المقرب لها لازم يكون معها في كل وقت
سند : ان شاء الله
الدكتور : وين الجازي ؟
سند : مادري في بيتها ماتدري اتوقع ليه؟
الدكتور : كانت تنادي وتبيها معها لو جت خلوها تجي بكلمها ضروري
حصه بحقد : انا امها وش تبي ؟
الدكتور : انتي الجازي ؟
حصه : لا
الدكتور : انا قلت الجازي
حصه : طيب انا اهم وهي بتقعد عندي
الدكتور بهمس : ياصبر الارض ،،، تبغين اكرر كلامي بتجلس في المكان اللي يريحها هي
ابو الهنوف : فيه مكان بيريحها غير بيت ابوها ؟
الدكتور : مو شرط بيت ابوها او غيره المكان المهيئ نفسيًا ،،، ما ابي اطول عليكم اتمنى فهمتم الاجراءات المهمه واذا عندكم استفسارات كلموني
ابو سند : تمام ماتقصر
الدكتور : واجبي
-
اما عند خالد اللي دق باب بيت عاصف بقوه
طيف : يالله سترك وش تبي ؟
خالد : وين عاصف ؟
طيف : ليش ؟
خالد تجاهلها ودخل
طيف : حيل آخر زمن حتى احترام لي مافي
خالد بتلعثم من الخوف : عاصف
عاصف : هلا ؟
خالد : زوجة خالي زوجه خالي بالمستشفى وتصرخ
عاصف : زوجة خالك ؟
خالد : ايه الهنوف
الجازي : اختي!
عاصف : امشي لها ،،،، طيف امسكي ذا الورع لا يضيع علينا
وركب عاصف والجازي السياره وانطلقو
نوره : ياخالد بتولد ؟
خالد : ايش؟
نوره : اقول بتولد بتجيب ولد ولا وش؟
خالد مصدوم
طيف : ياجده ذا وش عرفه على الولاده ذا خليه على ملاك
خالد بفرحه : كلام هنا؟
طيف : لا تبيها هنا ؟
خالد : ايه
طيف : ماتبي شريفه؟
خالد : الا
طيف : كيف تبيهم كلهم ؟
خالد : يوم عند شريفه يوم عند ملاك
نوره : هذي سوالفه وتقولين مايعرف الولاده
طيف : وصخ يلعب على الحبلين
سهام : لازم تختار وحده
خالد : اممم ،،،، ملاك
نوف : ليش اخترت ملاك ؟
خالد : عشان راحت معي عند النياق
طيف : وشو! راحت معك!
خالد : ايوا شريفه ما اشوفها الا في بيتكم
نوف : طيب لان عمرها توه تسع اشهر
خالد : طيب نونو
طيف : طيب الحب مافيه نونو ولا كبيره
خالد : الا
نوره : ياكثر هرجكم
طيف : طيب بنسكت
وبعد لحظات
خالد : كم عمر سهام ؟
طيف : سته وعشرين
خالد: ونوف ؟
طيف : اربعه وعشرين
خالد : وجده ؟
طيف : ستين
خالد : يمه عمرها كبير
طيف : طيب عادي
نوره : ذولي اللي بيسكتون ،،،، اقولك خذي خالد وانقلعو فأي مكان
طيف : ياجده تطردينا ؟
نوره : ايه
خالد : بنروح البقاله
نوره : روحو
طيف : طيب انا مابي اروح
نوره : طيف بالله روحي وسكتي ذا الورع عني
طيف : بالليل طيب
طلعو طيف وخالد
-
اما في المستشفى
الجازي شافت حصه عند باب الغرفه وشدت على يد عاصف اللي ماسكتها
عاصف استغرب من شادها ليده بس عرف من حصه
ام سند : الجازي حبيبتي الهنوف تبي تشوفك
الجازي : وينها ؟
ام سند اشرت على الغرفه واللي كانت جنب حصه
الجازي : تمام
عاصف : لا تخافين من ذي الاشكال اهم شي تشوفين اختك
الجازي : معليك ،،،، وفتحت الباب
حصه : دمرتي بنت وامها جعلها بعيالك
الجازي : استغفري ربك ! مو مشكلتي اذا بنتك عارفه انك ما تصلحين ام وانتي اللي دمرتي حياتك بنفسك ،،، ودخلت على الهنوف وقفلت الباب
الهنوف : الجازي ؟
الجازي : ايه ياعيوني
الهنوف حضنتها بخوف
الجازي : وش مضيقك ؟ جبتي بنوته وولد وش حلوهم
الهنوف : شفتيهم ؟
الجازي : الصراحه لا بس قالو لي انهم حلوين وبنت وولد وش قلتي لي بتسمينهم نواهل وهذال
الهنوف : ايه ،،،، الجازي تكفين روحي شوفيهم امي الشر بعيونها واخاف تأذيهم
الجازي : معليك ماتقدر واساساً الحضانه محد يدخلها الا الاب والام واذا ابي اشوفهم بس من الدريشه
الهنوف : حتى لو تشوفينهم من بعيد عادي بس تطمني عليهم
الجازي : وش رايك نجيبهم هنا ؟ وتشوفينهم انتي وانا ونحلي نظرنا بهم
الهنوف : قولك يجيبونهم ؟
الجازي : ايه يجيبونهم ليش لا؟
الهنوف : طيب قولي لهم
الممرضه دخلت : بتأكد من المغذيه لو ما قاطعتكم
الجازي : لا عادي بس ممكن طلب ؟
الممرضه : آمري ؟
الجازي : ما يامر عليك ظالم بس اختي ودها تشوف عيالها عادي تجيبينهم
الممرضه : ايه اكيد الحين اجيبهم
وبعد مده دخلو المواليد الحلوين التؤام
الهنوف : يا حلوهم
الجازي : نواهل نفس خشمك يازينها
الهنوف : مسرع لقيتي شبه ؟
الجازي ضحكت : واضح
الهنوف : ايه بس لا تسلكين
الجازي : ابشري
الممرضه : لو بغيتي رضيعهم
الهنوف : والله ؟
الممرضه : ايه
الهنوف : طيب عطيني هم
الممرضه : يفضل تبدين بواحد وبعد ربع ساعه او ساعه الثاني
الهنوف : ببدء بـ نواهل
الجازي : لاتصيرين عنصريه بس
الهنوف : لا معليك
-
اما في البقاله
طيف تلحق خالد : ياولد اخذت كل البقاله بقي للزباين
خالد : قليله
طيف : وش قليله ماخذ اربعة بطاطس وثنين عصير وبسكوتين وحلويات ما اشتهت عينك
خالد : لي ولملاك
طيف :لا بالله على حسابي ،، وش قصدك بتخلص مكافأتي
خالد : ايه بخلصها بس اسكتي
طيف : لا بالله وتبيني اسكت !
خالد : ايه
طيف : والله لطلعها من عيون منى
خالد : سلامات تقولين اسم امي
طيف : امش نحاسب بس
خالد : اسم امك نجد
طيف : طيب ؟
خالد : ليش ما تعصبين !
طيف : بس عندك مانع !
خالد : ايه لازم تعصبين
طيف : يابني والله لا اجيب لك جده نوره
خالد : طيب خلاص يا نفسيه
طيف : ايوه شاطر بترجع الاغراض ولا لا؟
خالد : لا
طيف : طيب يا خالد بس امش نحاسب عشان برستيجي
خالد : حاسبي بس
طيف : انت اللي تحط الاغراض فوق ما انك مخسرني تبي اصير عندك خدامه ؟
خالد : طيب
طيف : انت ليش ما رحت مع امك المستشفى وفكيتني ؟
خالد وهو يحط الاغراض : امي تقول المستشفى بس للمرضين ويعطونك ابرة لا دخلتيها
طيف : طيب اخلص
دخل رجل متلثم وقفل الباب بقوه واستند عليه لدرجه فزعو اللي بالمحل
وصرخ بكل صوته : جيبو كرسي ولا قفل
ولكن محد رد عليه
وارتفع صوته زياده : انا اتكلم ! بسرعه
وطبعًا كأي طفل خالد استسلم لدموعه
طيف سحبت خالد و اختبئت ورا ثلاجة مويه
خالد يشاهق ويبكي
طيف : خالد اسمع ،،، لازم تصير شجاع وذا اعتبره نمله بس انت سوي شي واحد وقف بكى وخليك مكانك لا تتحرك ولا تطلع صوت سامع!
خالد هز راسه بصمت
طيف طلعت لتشاهد وش يصير
شافت محاسب البقاله ملقى على الارض والدماء من حوله بأثر طعن من المتلثم
شافت ان سيف قاعد يطلع فوق المحل وكان واضح من الدريشه فحاولت تلهي المتلثم ودفت احد اركن البقاله
لدرجه لف بفزع : وش تسوين انتي !
طيف : وش اسوي يعني ؟
: وش اللي وش تسوينه سلامات تدفينه الرف ؟
طيف : ليه مكتوب بأسمك؟
: وش تبين انتي تبين احط مكان المحاسب ذا
طيف : لو في امك خير سويها
ضحك بسخريه : ذا تهديد ولا تبين الموت ؟
طيف : تعرف وش عقوبة القتل بالسعوديه ؟
: وش علمينا يا بنت محمد
طيف : محمد ذا ماتوصل لربع منه
: محمد ذا مات وانتهى يعني ماضي
طيف بغضب : وانت الحين بتصير ماضي لا قبضوا عليك بتهمة القتل واعدموك غير الهرب وغير انك حاجزنا معك !
: ياذي النشبه ،،،،،
ما اكمل جملته حتى ارمى خالد عليه كوره : محد نشبه غيرك !
طيف ناظرت خالد بعزم
: الحين انتم البزران جاين تتحدون علي تدرون بطعنه وحده اخلي دميكم تسيل هنا
طيف : ليتك ساكت بس مسوي تهدد تهديدك ذا ما بينفعك لا مسكوك
: عبال ما يمسكوني قد تخلصت منك ،، واقترب بيطعنها
-
مجد : اخت الجازي ولدت
ام محمد : ماشاء الله الله يتمم لها ويبارك فيهم
غاده : احس ذي دعوة متزوجين مو دعوة مواليد
ام نياف : ليتك تسكتين انتي وتحسسك
غاده : توني ماقلت كلمتين على بعضها سكتوني بس خلاص ابشرو بسكت
ام فايز : ما تبغون نروح لاخت الجازي ؟
ام محمد : انا ماعندي مانع
ام نياف : حتى انا
ام فايز : اجل نروح لها بكره ؟
ام نياف : لا وش بكره خلينا نعرف متى تطلع من المستشفى ونروح لها
ام محمد : صادقه نحشر نفسنا بالمستشفى وقروشه خليها تطلع ويصير خير
ام فايز : اجل ام لا طلعت نزورها
رغد : يقولون جابت تؤام صدق ؟
مجد : ايه بنت وولد
ريم : ما شاء الله الله يحفظهم لها
مجد : بس مسكينه جاها اكتئاب الولاده
ام فايز : اكتئاب الولاده ؟
مجد : ايه
ام محمد : هذي عين مو اكتئاب
ام فايز : ايه والله انا ولدت وماجاني ياهو دلع ولا عين
ام نياف : انتم وش عرفكم بالطب الدكتور قال لها اكتئاب
خلاص يعني اكتئاب
ام فايز : طيب وش فيك اكلتينا
ام نياف : الحين النقاش صار اكلتكم
غاده : الحين ماتعرف مين اللي هرجه كثير انتم ولا انا
ام نياف وام فايز بنفس الوقت : اسكتي بس
غاده : شفتم كيف خليتهم يتفقون في دقيقه
رغد : شفنا بس اسكتي لا يقلبون عليك
غاده : متعوده ما عليك
ام نياف : وراك ما تسكتين
غاده : ابشري
ملاك : يمه انا طفشت ابي اطلع
ام محمد : انثبري بس هذا اللي ناقص
ريم : يمه حبيبتي تراها باقي بزر ،،،، اطلعي بس عند الباب لا تروحين مكان بعيد
ملاك : بروح عند جدي في المجلس ببيت جدي عمار
ريم : طيب روحي
-
سيف امسك السكين بتوتر وابعدها عن طيف
وبدت معركه لحتى سيف اسدح المتلثم على الارض وربط يدينه
ذياب عند الباب يريد احد يفتح له وفتح له احدى الزباين اللي كانو بالبقالة
ذياب : مسكته ؟
سيف : ايه
ذياب : يا ساتر مو كافيه انه مدمن قاتل واحد
سيف : كان بيقتل اخت عاصف ،،، وأشر على طيف
ذياب : يالله سترك ،،،، بنحقق مع الجميع هنا
سيف : ليه مو في القسم ؟
ذياب : نطقهم مشوار للقسم يمكن وراهم اشغال بس اخلص حقق من الثلاثه اللي عندك وانا بحقق مع ذولي
سيف اخذ مويه واعطاها الثلاثه اللي يحقق معهم ومسك خالد وبدا يسولف طبيعي وشغل جهاز تسجيل : يا بطل كم عمرك ؟
خالد : ثلاث سنوات
سيف : رجال ماشاء الله ،،،، تقدر تعلميني وش صار هنا ؟
خالد بخوف : دخل هذا ،،، واشر على المتلثم : وقفل الباب بقوه وقعد يصارخ وبعدين تخبينا ورا الثلاجه وطلعنا لقينا المحاسب ميت وبعدين ،،،،، وبعدين بدا يتكلم عن عمي محمد ابو طيف وانا ضربته بالكره وعصب وجا بيطعن طيف لكن انت جيت الحمدلله
سيف : بس ؟
خالد : ايه
سيف : بطل ضربته بالكوره والحين بنعطيك هديه كبيره لانك قلت الصدق ودافعت عن نفسك
خالد : منجد
سيف : ايه بس وش تبي ؟
خالد : بس المفاجأت ما تنقال
سيف : اوه صح نسيت
خالد ابتسم : شكراً
سيف بادله الابتسام وانتقل لطيف وبدا يسجل من جديد ومو عارف كيف يبدا تنحنح : تقدرين تقولين لي وش صار بالضبط ؟
طيف بلعت ريقها وهي كانت تشوف الموت بعيونها : كنت احاسب على الاغراض اللي شريتها وفجأة دخل ،،،
سيف : وش صار بعد ما دخل ؟
طيف : قعد يصارخ عشان نحط شي يقفل الباب وانا اخذت خالد ورحت ورا الثلاجه وبعدها طلعت اشوف وش صاير شفت المحاسب مقتول وشفتك وانت تطلع وكنت واضح لو لف راسه شافك حاولت الهيه لكن بدا يتلفظ بالكلام وكان بيطعني بس انت جيت وبعدها مسكته
سيف اللي كان ملاحظ رجفه يدها قفل التسجيل : خايفه من شي ؟
طيف : لا
سيف : يدك ترجف ؟
طيف : كنت بين الموت والحياه وانت تقول اني ما بعلمك بشي !
سيف : اهدي قصدي مو كذا
طيف : أجل ؟
سيف : خايفه من شي خايفه ان ام خالد تعصب خايفه من شي ثاني مو شرط دليل
طيف : وش دخلني في ام خالد هي اللي مخليه ولدها معي
سيف : رجفه يدك تزيد ؟
طيف دخلت يدها بالعبايه : قلت كل شي ممكن اطلع ؟
سيف : اذا انتي بخير اطلعي
طيف بهمس لكن سمعه سيف : مو بخير بس بطلع
سيف ناظرها لحتى طلعت من المحل ولف يكمل تحقيق
-
في المستشفى
الهنوف تناظر ابناءها بحب
الجازي : يا لبى نواهل نسخه منك
الهنوف ابتسمت : هذال احسه يشبه عمي ابو سند كذا فيه وقار من شكله
ابو سند اللي كان يسمع من الباب ضحك
سند : وانا مافي احد يشبهني
عاصف : معليك انت تشبه ابوك وهذال يشبه ابوك يعني يشبهك
سند : لا تسلك
عاصف ضحك ودق جواله وابتعد عنهم : هلا بابو سيف
ذياب : هلا بك يا عاصف
عاصف : آمر بغيت شي ؟
ذياب : وينك ؟
عاصف : في المستشفى ليه ؟
ذياب : سلامات فيك شي ؟
عاصف : لا اخت زوجتي ولدت
ذياب : اها ،،، لو تقدر تجي
عاصف : ليه محتاجين شي ؟
ذياب : ابد بس مدمن دخل البقاله واخذهم كرهائن بس الحمدلله قبضنا عليه
عاصف : وين المشكله ؟
ذياب : اختك من الرهائن
عاصف بفزع : صار لها شي ؟!
ذياب : لا ياولد بس كان بيطعنها لكن سيف دخل بالوقت المناسب وابعده بس انها ترجف بخوف
عاصف : وينها الحين !
ذياب : في بيتكم بس هدي
عاصف اقفل الخط ورجع عند ابو سند وغرفه الهنوف : انا راجع البيت
سند : ليه ؟
عاصف : ابد ولا شي
ابو سند : وجهك مختلف علامك ؟
عاصف : مدمن اخذ اختي رهينه بالبقالة
سند : خالد ولد منى معها صح ؟
عاصف : معها بس ما صار له شي
ابو سند : يعني اختك صار لها شي ؟
عاصف : لا بس كان بيطعنها وبروح اشوفها
منى اللي كانت داخله بعد ما شافت تؤام الهنوف
عاصف : منى الله يسعدك نادي الجازي
منى : ابشر
الجازي بعد دقائق طلعت
عاصف : انا رايح بتجلسين مع اختك ولا تطلعين؟
الجازي : لا بطلع معها ام سند
عاصف : يلا
ووصل البيت وهو مسرع
عاصف : وين طيف ؟
طيف وهي حاطه يديها بالفروة عشان محد يلاحظ رجفتها : هلا ؟
عاصف جلس جنبها : فيك شي ؟
طيف : هاه ؟ لا
عاصف : وش صار بالبقالة ؟
طيف : ما صار شي ،، لا تستخدم اسلوب التحقيق معي
عاصف : ذياب قلي وش صار
طيف : دامه قلك ليش بترجع تسمعه
عاصف : لاني اثق فيك اكثر من ذياب
نوره : وش صاير ؟
عاصف : ما صار شي ،،، تعالي يا طيف بكلمك
نوره : تكلمو هنا وقولو وش صاير ؟
الجازي ناظرت طيف اللي ماكان ودها تتكلم : ياجده دق ذياب وقال لعاصف ان فيه واحد سرق طيف وبس ذا العلم
نوره : بس ؟ ومكبرين الموضوع ليش ؟
عاصف : لازم تتعلم
طيف اللي كانت بصدمه : تبغون نتكلم عن الموضوع ؟
عاصف : ايه تعالي
وطبعًا طيف سحبت الجازي معها : ابيك القاضي واحكمي بالعدل
الجازي : ابشر
عاصف : قولي لي وش صار بالتفصيل
وقالت السالفه وعاصف كان ملاحظ رجفتها
عاصف : طيب ليش خايفه ؟
طيف : ماني خايفه
عاصف : وليش ترجفين ؟
طيف تنهدت : اول شي الرجفه مادري وش سببها ثاني شي انا خايفه ان جدتي يجيها تأنيب ضمير لانها طردتني انا وخالد المزعج
عاصف : بس على كذا ؟
طيف : ايه
عاصف : يابنتي هدي الدنيا مو مستاهله لا تأنيب ضمير جده ولا خوفك
-
"وحتى الدنيا مو مستاهله زعلكم "
خاتمة البارت :
لا اله الا انت سبحانك اني كنت من الظالمين