لقـّيت قصيـدتي بعُيونـك ياغـرامي

44

في صباح يوم جديد ومشرق
حول سفرة الفطور
طيف : تكفين يا جدة بروح مع اسماء انتي تعرفينها وسوق الجسور وشهو لو امد يدي وصلت له
نوره : لا حول ولا قوه الا بالله تبين تطسين طسي ولا تزعجيني
طيف سلمت على راس نوره : مابغيتي
نوره : وش؟
طيف: ولا شي ماتقصرين
نوف : على وين ان شاء الله ؟
طيف: السوق
نوف : تو الناس صاحين شفيك مطفوقه ليكون .....؟
قاطعت كلماتها نظرات نوره : ليكون وش؟
طيف: ياجده تفتري علي عيني عينك
نوره : انا سألت نوف
نوف : امزح بس ياجده
نوره : وش المزح اللي كنتي بتقولينه؟
نوف بتردد: تقابل احد ؟
طيف : ايه بقابل اسماء
نوره : والله اني خايفه منك يالسوسه
طيف: حرام عليك ياجده تشكين فيني عشان مزحها
نوره : طيب روحي وان دريت بشي،،،،،
طيف : مو صاير الا كل خير
طيف راحت تلبس عبايتها ولحقتها نوف
نوف: منجد رايحه عشان اسماء؟ تراني خايفه احد يكسر قلبك وانتي توك بالعشرين
طيف: وش فيك انتي شاكه فيني؟!
نوف : مين يروح السوق من ذا الصبح الوقت بدري توها تسعه؟
طيف: اول شي الاسواق تفتح ثمانيه ثاني شي عشان ابو اسماء يوديها لان ما عندها احد ويخافون عليها
نوف : والله اني جربت ونفس السالفه
طيف : والله اني رايحه مع اسماء ونيتي زينه
نوف : مادري بس فيه شعور اني خايفه عليك
طيف: لاتكبرينها بس بطلع وارجع
نوف : لاتطولين
طيف: حسستني بنخطف
نوف : لا تستهنين بالموضوع
طيف: ابشر ماني مطوله بس بشتري كم غرض عشان بتجي وبنسوي حلا مع بعض
نوف : تجي!
طيف: ايه شفيها؟ وجدتي اللي قالت لها تجي
نوف : ونواف؟
طيف: بمحله
نوف : انا غاسله يدي بس ترا نواف بيجي العصر
طيف : يعني اروح بيتها؟
نوف : ببتها زان لك الموضوع؟
عاصف نزل عليهم : شفيكم؟
طيف : بروح مع اسماء السوق وبعدها برجع وبتجي بيتنا وتقول الاخت نواف بيجي عشان زوجته قلت نروح بيتها وابوها واخوها بيكونون مع عاصف عندهم شغل مايرجعون الا باليل
عاصف : موضوعكم مايستحق النقاش روحي انا اعرف ذياب ،،،، وطلع
نوره : افطر
عاصف : مالي فيه
نوره : براحتك
وطيف طلعت وراه
~>
خارج البيت
عاصف : شفيك ؟
طيف: ابد بس نوف شاكه فيني ومخليه جده شاكه فيني
عاصف بصدمه : يشكون بوشو؟
طيف: اني مو رايحه مع اسماء
عاصف : افا معليك انا موافق تطلعين وانا ولي امرك
طيف: ترا عمري ١٩
عاصف : حتى لو
طيف : احس من كلام نوف بديت اوسوس
عاصف : توسوسين بوشو؟
طيف: اني زي ما قالت نوف اطيح بالحرام
عاصف : اعوذ بالله من فالك وقال نوف ان شاء الله مو صاير الا كل خير شوفيني انا وحده متوعده علي بالشر
طيف بفضول كبير : مين ؟
عاصف: السالفه طويله بعدين اقولها لك
طيف: قول الحين مو انت اللي تبدي موضوع وتتركه بنصه
عاصف : والله تفاصيل كثيره والحين مشغول لا رجعت اقولك
طيف : طيب
وافترقوا عند وصول طيف لبيت اسماء

اما في بيت عمار
رغد : ابوي يبيك
غاده : انا؟
رغد : ايه
غاده : تعرفين ليش؟
رغد : لو اعرف يعني ما بقولك
غاده : طيب وينه؟
رغد : بالمجلس الاول
غاده : طيب
نزلت للمجلس وشافته منور وابوها متوسطه
صالح  : ياهلا باميره قلبي
غاده ابتسمت : هلا بك يالغالي
صالح : كيفك وكيف امورك؟
غاده : الحمدلله بخير دامك بخير
صالح : بفاتحك بمواضيع
غاده بحماس : تفتح محل؟
صالح ضحك : وش هوسك ذا؟ بس ولا يهمك فكرت وبشتري بس وش فكرتك؟
غاده : ابي يكون المحل مافي مثله بالجسور
صالح: وش فايدته؟
غاده : باقي ماقررت
صالح : تبين نفتح محل وانتي ماتدرين وش بتسوين فيه
غاده : بسوي مكتبه كبيره والسقف بيكون كتب والانوار شموع مو كهرباء والجدران بنجيب لوح ونخليها على جنب واللي يبي يرسم يرسم ويعلقها
صالح : شكلك من سنه تفكرين وتخططين
غاده ضحك : ماتوصل
صالح : موضوعي الثاني تعرفينه؟
غاده : لا؟
صالح : يابنتي مافكرتي ولا قررتي؟
غاده بفهاوه: بأيش؟
صالح : باللي خطبوك اختاري عطيتك مده كبيره عيب مانرد عليهم اختاري ولد عمك ولا الغريب
غاده : مادري يبه اخاف اختار شي غلط
صالح : استخرتي ؟
غاده : هاه؟
صالح : اقولك استخرتي ؟
غاده : والله نسيت اساساً نسيت ابو الموضوع
صالح مط اذنها بمزح : شفتي اذونك ذي بمطها كيف تنسين
غاده : اح يبه ،،، هو مانسيته بس ماكنت ابي افكر واجد
صالح : ولانك مابتفكرين واجد الحين القرار قدامه ولد عمك والثاني
غاده: حتى انت نسيت اسمه
صالح : طيب انا اللي بتزوج ولا انتي
غاده : مد يدينك ،،،، وبدت تعد حقره بقره
صالح: لعنبو بليسك مواضيع نفس كذا وتختارين اي شي
غاده مكمله على العد الا ان وصلت اليد الثانيه : خلاص يبه مابي ذا ابي محمد
صالح : الحمدلله قررتي
غاده : يبه محمد ولد اخوك فا اثقل عليه خلينا نشوف يحبني ولا لا
صالح : تعرفين تطسين مجلس الحريم؟
غاده : ايه
صالح : طيب طسي
غاده : ابشر