لقـّيت قصيـدتي بعُيونـك ياغـرامي

24

تغير موعد النزول صار كل يومين بارت 🤍
-
-
نوره: سم بالله وكل
طيف لفت القدر بحيث صار اسم ابو خلف ورا ومحد يشوفه
كلهم لف على طيف مستغربين من حركتها
طيف: شفيكم تبغون تشوفون اسمه؟
عاصف: كفو،،، مين مسويه تتوقعون؟
نوره: يمكن نجد
عاصف بدا ياكل ومادخل يده على صحن عوض الله

وعدت الليله وصار وقت الظهر طلع عاصف من البيت مستغرب على التجمع عند مدخل الجسور وكأنه زفه "وهنا الصدمه طلع خلف من السياره اتنرفز عاصف وهو يشوف خلف ومبسوط وهو سبب في قتل انسان واصابه مراهق مسك سند يده وهو بيروح يضربه
سند: استهدي بالله مو وقت مشاكل احنا برمضان لا تفسد صيامك على واحد ما يستاهل
عاصف: شف كيف مبسوط الحيوان
سند: لا تسب ولا تفسد صيامك
خلف تقدم لامه وسلم عليها الى ان وصل لنجد وسلم على راسها ليقهر عاصف
عاصف: ذا يسلم على امي صح؟
سند: لا ماشوف انها امك يمكن زوجة من زوجات ابوك ليش امك يسلم على راسها!
عاصف: بيقهرني ال،،، استغفرالله بس انا اوريه ،،،ودف سند وتقدم لخلف
خلف انصدم وتراجع لوراء وكأن عاصف كبر : يبه من ذا الطويل؟
عوض الله : عاصف وش فيك تختبي اطلع له يالرخمه!
خلف: يبه عاصف البزر كبر كذا
عاصف : ايه كبرت وصرت اعرف اوجب واعرف اضيف ،،،رفع صوته : وعشاكم الليله عندي ،،طلع ربطة خمسميات "دخل المحل" طلع ثلاث الالف ومدها ل عوض الله وبنبرة سخريه: خذها وش فيك مستحي ؟ ولا اول مره تشوف خمسميات حلال
عوض الله تنرفز وكان بيسب بس كل اهل الديرة كانو فيه : وش قصدك ؟ فلوسي حرام!
عاصف: اللي على راسه بطحا يحسس عليها ،،، بس خذ
اخذها عوض الله وبقوه تطلع الكلمات : ماتقصر تسلم ياولد محمد
ابتسم عاصف : خيرنا واجد وحلال واذا نقص عليكم شي تعالو لي
نجد مصدومه من فلوس عاصف دقتها حليمه: اشوف ولدك عنده قريشات ماشاء الله
نجد ابتسمت مجامله
واتجه عاصف للمسجد بحكم ان المؤذن اعلم دخول صلاة الظهر وبعدها الكل توجه للمسجد والنساء رجعوا بيتهم

في بيت عمار
مجد : قومي يابنت بشاورك بموضوع
الجازي : قولي اسمعك
مجد : صدق الموضوع مهم ومخوفني
الجازي : مجد تخاف!
مجد: ايه اخاف يلا قومي صلي لا اخذ ذنبك ماخره صلاتك
الجازي : ليه الساعه كم؟
مجد : ١٢ و٤٥ دقيقه
الجازي ومتى ياذن؟
مجد: ١٢ ونص
الجازي : طيب طسي عن وجهي
مجد: طيب يلا
وبعد ان انتهت الجازي من الصلاة جلست مجد قدامها
الجازي : يلا وش عندك
مجد: تخيلي امس كنت بعبايتي بالحوش وطلعت ورحنا السوق
الجازي : طيب اختصري ترا عشت كل ذا معك
مجد : المهم انرمت على ورقه و،،
نرجع لليله امس عند مجد قبل يرحوا السوق يشترون الحلويات:
مجد: طيب جايه
وهنا شافها نواف وهو يعلق العقد واعطاه عاصف وطلع يكتب لمجد
مجد: ما حسيت الا بشي ينرمي عليها حسته حجر واحد الاطفال رماه لفت وشافت نواف وحست بشعور غريب وفتحت الورقه،،
الجازي قاطعتها: شعور غريب كيف؟
مجد: قلت غريب يعني مو عارفه كيف؟
الجازي : طيب طيب كملي
مجد: فتحت الورقه وكان كاتب فيها " وهب الإله بك الجمال تجملا،،،، حتى كأنك للجمال جمالٌ"
الجازي : اوف الرصافي مره وحده طيب وش سويتي ؟
مجد: احمدالله واشكره مية مره ان امي نادتني تمنيت الارض تنشق وتبلعني
الجازي : والله عارفه ذا الوجه مو وجه حب
مجد: ايه والله ولا وجه غزل ولا وجه شي ،،سكتت شوي : بس قلة ادب صدق ! عيب لو بغاني خطبني !
الجازي : صح صادقه بس ردي رد نرجسي ومفصح زيه لايكون غزل ولا شي منا منا لا زي مادخل بالموضوع سيده ادخلي سيده
مجد ضحكت: من وين جبتي مفصح ؟
الجازي : من قاموسي
مجد: طيب وش اكتب
الجازي : انا شدخلني مشاعرك ولا مشاعري
مجد: حسبتك بنت عم واخت
الجازي : طيب اعطيتك نبذه خليه بيت نرجسي روحي دوري بالكتب ولا طلعي من عقلك
مجد: كش عليك بروح ادور بالكتب
الجازي : يلا بس خليه ليل لان الحين بتساعدين على الفطور
مجد: طيب عارفه
وراحو المطبخ وتقسمو الشغل بينهم