لقـّيت قصيـدتي بعُيونـك ياغـرامي

51

في احدى اسواق الجسور اللي جالس عاصف في احد القهاوي ،،،،
عاصف : بسم الله مين ذي ووش جايبها ؟
: السلام عليكم
عاصف : وعليكم السلام آمري وش بغيتي يا اختي ؟
: يا اخوي انا فاعله خير
عاصف : فاعلة خير ؟
: ايه فاعلة خير
عاصف : مين انتي ؟
: مو لازم تعرف من انا لكن اني فاعلة خير لـ أختك طيف
عاصف بـ قلق : اختي ؟
عاصف : اختي ؟
: ايه اختك ،،،، انا تحلمت ان اختك فيها سحر ،،،،
قاطعها عاصف : ايوه ومين اللي مسويه ؟
: سلوى بنت عوض الله
عاصف في صدمه اخته تضررت بسببه
: يا اخوي الحق اختك
عاصف : معليك رح الحقها واشوف شغلي مع سلوى ،،، بس وش الشيء اللي يأكد لي انها سلوى ؟
: اسأل نوادر الجيل
عاصف : ومن هم ذول ؟
: لو انك كفو عرفتهم
عاصف : اوصفيهم ؟
: نوادر الجيل مالهم مثيل
ينتبهون للصحيح ويتركون الغلط
على نياتهم يرزقون و يبون الخير للجميع
ما بقدر تلاقيهم الا اذا قويت فكرك
عاصف : صعبه ذي
: مافي شي صعب بتلاقهم ويمكن يكونون اقرب الناس لك
عاصف : واذا مالقيتهم وش اسوي ؟
: بتلاقهم ولا انت مو عاصف اللي مافي شي صعب عليك ؟
عاصف : انتي تعرفيني ؟
اردفت بهمس : اعرفك واعرفك واجد من كثر سلوى فيك
عاصف : وشو ؟
: ولا شي ،،، الكل عرفك من مواقفك وتعبك
عاصف : اها
: مابي اطول عليك لكن انتبه لاختك
عاصف : ابشري
و راحت وما شاف عاصف الا غبار رجولها
عاصف : مين ذي ؟ ومن هم نوادر الجيل ؟
وكمل تفكير والاسئله كثيره بعقله
لكن داهم اسئله سند وهي يتكي على كتفه : وش في الحلو ماخذه التفكير ؟
عاصف وهو اتكى على كتفه بنفس الطريقه : ابد وانا اخوك تعرف زي ما قلت لك عن طيف
سند : ما عليك ان شاء الله مافيها الا العافيه
عاصف : وضعها مو طبيعي ،،، واليوم جتني وحده تقول سلوى اللي سحرتها
سند : سلوى ماغيرها ؟
عاصف : ايه سلوى بنت عوض الله
سند : ايوه وش صار ؟
عاصف قال له كل اللي صار واللي قالته المجهوله
سند : نوادر الجيل ؟
عاصف : ايوه
سند : ذولي حريم ولا رجال ؟
عاصف : تستهبل اكيد حريم
سند : اجل امش جبل عايض نشوف الحريم ونحلل مين هم نوادر الجيل
عاصف : تشوف الحريم ؟
سند : لا ياذكي قصدي نشوف مين يعني بدون ما نشوفهم
عاصف : معليك فهمتك
سند : تفهم ولا ماتفهم اهم شي نيتي
عاصف : واضحه نيتك
سند : وش فيك انت !
عاصف : وش فيك انت ؟ نيتك واضحه وأساسًا انا اعرفك زين تتوقع مني اشك فيك ؟
سند : لا بس وضعك مو طبيعي
عاصف : انت والله المختلف بس امش جبل عايض على قولك نشوف مين ذي ؟
سند : يلا
-
اما في منزل آخر عند عاطي
صقر : يبه
عاطي : نعم
صقر : وش فيك معصب ؟
عاطي : انا معصب ؟
صقر : ايوه كأن فيك لمحه عصبيه
عاطي : مافيني شي بس انت الغريب انك مرتبك وش مسوي من مصيبه ؟
صقر : ماني مسوي شي بس بكلمك في موضوع
فايز لف عليهم
عاطي : وش ؟
صقر ناظر فايز : خاص بيني وبينك
عاطي لف على نظر صقر على فايز : ذا اخوك معليك مايقدر يفتح فمه بشيء وعلي بزر مايعرف شيء بعد
صقر : لا حول ولا قوة الا بالله ،،، طيب
عاطي : قول وش عندك ؟
صقر : انا قررت اعرس
انفجر فايز بالضحك
وناظره صقر بحقد : سلامات فيه شيء يضحك ؟
فايز : لا لا بس شكلك يضحك
عاطي : فايز ! اسكت لا اسمع لك كلمه
صقر أبتسم بإنتصار
عاطي : وانت صامل يعني ؟
صقر : ايوه
عاطي : ومن هي ؟
صقر : امي قالت لي فيه وحده اسمها اسماء اتوقع
عاطي : وطيب انا وش ابي بـ اسمها ؟ مين ابوها ؟ ووش اصلها ؟
صقر : بنت ذياب
عاطي : ذياب ؟
صقر : ايه
عاطي : خلني اتذكر ،،،، اها ذاك العسكري
صقر : اييوه هذا هو
عاطي : والله انه رجال
صقر : بس المشكله بنته صغيره
عاطي وفهم صقر : عادي وانا ابوك نخطبها لين تكبر
صقر : صدق ؟
عاطي : ايه ،،،، انبسط
صقر ابتسم
علي بتدخل : دام صقر بيعرس حتى انا يبه
عاطي لف عليه : هاه ؟
علي : ايه والله
عاطي : وانت من هي ؟
علي : اماني بنت عمي غازي
عاطي : ماشاء الله بعد ما وطيت راسنا
علي : يبه ذاك زمان وانا ندمان
عاطي : يصير خير ،،، يصير خير
صقر : معليك يبه من صقر توه بزر احنا متى نروح ؟
عاطي : الصبر زين ياولدي انا اشوف بكره
صقر : ان شاء الله
دخل غازي وعياله
غازي : سلام عليكم
عاطي : وعليكم السلام ورحمة الله ،،، صقر قم صب لعمك قهوه
علي : استريح يا صقر انا اقوم
الجميع مصدوم من علي اللي يالله يشد حيله ويقوم والحين يقهوى لا لا شي غريب
محمد وخالد يناظرون فايز بحقد
فايز : نعم ؟
خالد : نعامه ترفسك
محمد : ترا ما نسينا خاطر اختي لو ماتدخل جدي كان غصبًا عنك اجيب رضاوة
فايز ضحك بسخريه : الحمدلله ان جدي تدخل
محمد : ياقو عينك يالوصخ
خالد : تراك كنت رافس نعمه كبيره وهي اختي وبناتها وهذا كله عشان تبي ولد يحمل اسمك ياشيخ دز انت والولد اللي تبيه
محمد همس لخالد : تصدق ماجت في بالي
خالد : وش ؟
محمد : انه يمكن تزوج وحده عشان تجيب له ولد ! وصالح اختي عشان ابوه !
خالد : ايه والله كيف مافكرت فيها
محمد : لازم نعرف سر ابو راس مربع
خالد : لازم الحمار
محمد : هذا وش فيه يتبسم لنا ؟ "يقصد علي "
خالد : بيغطي على غلطه اخوه المروح
محمد : بس .... ليش ؟
خالد : حتى ذا وراه سرًا كبير
محمد : الحين ما علينا من ذا علينا بالكبير
خالد : ايه معليك
-
سند : لا حول ولا قوة الا بالله
عاصف : كيف نلقاها !!
سند : نرجع نفكر ؟
عاصف : راسي بينفجر من كثر التفكير
سند : تهون عشان اختك !
عاصف : افا تهون وزياده
سند : احنا ما تكلمنا عن اهل بيتكم ؟
عاصف : ايوه كيف فاتنا
سند : نبدأ بـ مين ؟
عاصف : جدتي ؟
سند : يلا ،،، بس جدتك مو من ذا الجيل
عاصف : اوه صح ،،، نوف
سند : يمكن ؟
عاصف : ايوه هي على نياتها ترزق بس ،،،،
سند : وش ؟
عاصف : مفهيه
سند : اجل استبعدها
عاصف : الجازي ؟
سند : لا
عاصف : ليش ؟
سند : يابوي انت توها البنت بعرسها كيف تدقق وتعرف
عاصف : صح ،،،، مافي اجل من اهل بيتي
سند : مو كأنك نسيت وحده ؟
عاصف : مين ؟
سند : سهام ؟
عاصف بـ نفي : مُستحيل في سابع المستحيلات
سند : وليه ان شاء الله ؟
عاصف : ذيك ماتبي لنا الخير
سند : وش دراك ؟ سوت لكم شي ؟
عاصف بتفكير : لا بس ،،،
قاطعه صوت البرق وبدايه الامطار
سند : امش لا تمرض
عاصف : طيب
وطبعًا عند بيت عاصف افترقو راح سند لبيتهم بس قبل لا يروح
سند : فكر زين بس لا تتعب نفسك
عاصف ابتسم : معليك
سند : ترا منجد لا تسلك لي
عاصف : وانا اسلك ؟
سند : مادري عنك
عاصف : تتوهم كثير
سند : لا ما اتوهم
عاصف : الا
سند : انت شكلك تبيني امرض وما اروح بيتنا
عاصف : وانت مشخصنها معي
سند : امزح معك ،،، لو احتجتني تعال
عاصف : اجيك بذي الامطار
سند وهو يمشي متجه لبيته : ايوه
دخل عاصف وشاف طيف كعادتها في الحوش والمطر يمطر عليها لكن كانت تكتب
عاصف بصوت مرتفع : المطر قوي ادخلي
طيف : انقلع حتى اجمل لحظاتي مع المطر تخربها
عاصف : انا يا منافقه !
طيف : انا منافقه ! اجل انت ايش ؟
عاصف : تدورين مشاكل صح ؟
طيف : ايوه ،،،،
قاطعتهم نوره وهي تصرخ : ادخلو ياللي ماتستحون تصارخون بالحوش
طيف : شفت خربت علي
عاصف : عاد خربت عليك وش تكتبين ؟
طيف : وش دخلك ؟
عاصف : بالله وش ؟
طيف : اكتب الا ابي ولا صار الكتابه حرام ؟
عاصف : وش فيك يا نفسيه
طيف وهي تطلع من الدَرج : مافيني شي
عاصف دخل عند نوره وهو يشوفها تلف ازرار الراديو اللي يقطع الصوت بسبب المطر
عاصف : ياجده دام فيه مطر ربي وش تبين بـ هالراديو
نوره : بشغل اذاعه القرآن يا وليدي
عاصف : تبين علمي ؟
نوره : وشو ؟
عاصف : ماهو مشتغل شوف المطر والهواء كيف البرد ذبحنا
نوره : سبحان الله انت طلعت عكس ابوك كان يحب المطر حتى لو قوة المطر بتموته
عاصف : طيف اخذت هالوراثه ،،،، وجاء تكى بالمركى اللي جنبها وأمامهم الشباك
نوره بحزن والدموع في محاجرها :
امطري يا مزن فوق ذيك القبور
والله لي فقيدًا عاشق لصوت الغيث
عاصف اللي اول مره يشوف جدته حزينه ومو عارف كيف يواسيها : حال الدنيا يا جدة
نوره وهي تمسح دموعها : ايه والله حال الدنيا ،،، انت علامك ؟
عاصف : انا لو بتكلم من اليوم لين بكره مايخلص
نوره : افا ! قل لي وانا جدتك وش فيك ؟
عاصف :
متغير حالي من اسبوع لأسبوع
والناس كاني كاره مجتمعها
بلا شعور اجلس مع الناس و أفوع
و أكتم جزع نفس تزايد جزعها
فقدت لي حرّن على الصيد باتوع
والارض عقبها ضاق بي متسعها
ماكني الا اللي على الوجه ملفوع
أقدار والاقدار محدً منعها
.
نوره : كلنا على نفس الحال كلن فقد له غالي محد قدر يحل مكانه نبي نقوى لكن ما باليد حيله دام الفقد موجع
عاصف : كلنا في ذا الحال وهموم تكثر على الفقيد
نوره : وش اللي مضايقك غير الفقد ؟
عاصف وهو ينفجر ويقول لها كل شيء
نوره تبدأ تواسيه : وانا جدتك لا تخلي العرب يدوسون عليك خذ حق اختك وانت قائد نفسك محد يديرك وانا حلي بعدمه ماهو مفيد انت مدبر نفسك وعقلك قم ولا توقف اسجد ربك وهو اللي بيدلك على الصحيح بس لا توقف لا توقف وخذ حقك غصبًا عنهم جميع
عاصف : ياجدة انا وقفت على حيلي لين انهديت
نوره : تنهد وتوقف وتكمل
عاصف : ابشري ياجدة ،،، وقام عاصف بتردد مُتجه لسهام
نوره : الله يقويك ياوليدي
عاصف : امين
-
خالد : نواهل حلوه
سند : وش دخلك فيها !
منى : ترا بزر ويمدح ما ذم
سند : حتى لو ذا اللي يمشي على ميه حيل مره مع ملاك ومره مع شريفه
خالد بـ مزح طفولي : معليك نواهل ملت عيني
سند: ياللي ماتستحي وتتكلم قدامي !
خالد : ايوه
سند : انقلع بس عند ابوك
خالد : من زين بنتك عاد محد مالي عيني الا ....
سند : مسوي ما ابي اقول اسمها قدامك اقول بنتي احسن منك ومن نواهل
ابو سند : سند ! خلاص تحط عقلك بعقل طفل
سند : طيب يبه بس هو يذم على بنتي
ابو سند : بلا بس بلا هم ! خلاص اتركه
سند : لا حول ولا قوة الا بالله ،،، طيب بس عشانك
ابو سند : كبر عقلك مو عشاني
سند : ابشر
ام سند جت ومعها القهوه
منى : ايه والله مايصلح مع ذي الاجواء الا قهوه
سند : صدق والله
ام سند : خلودي روح نادي الهنوف
خالد : طيب يا جدة
ورجع خالد ومعه الهنوف وهذال
سند : لا تطيح الولد وانت صاحيه تعطين ذا البزر بزر ؟
منى : سند ممكن تروق وش شايف ولدي وأساسًا انا شفتها عطتها يوم نزلو من درج
سند : حتى لو تخيلي طاح ؟ يعني بتقدرين ترجعين ولدي ؟
منى : ولدك ريشه مابيطيح ان شاء الله واللي بيصير قضاء وقدر
ام سند : سند وش فيك اليوم ؟
سند : مافيني شيء
ابو سند : الا فيك اشياء ،،، قل وش فيك احد مضايقك ؟
سند : يخسون ! خلاص انا متضايق ؟ وش بيصير يعني ؟
منى : بتقلب علينا !
سند : مابسوي شي !
الهنوف : خلاص اهدو ما صار شي وخالد لا كبرت تقدر تشيله
خالد بحزن : طيب
-
فايز خرج من البيت
محمد : هذا ليش يطلع مع البرد والامطار
خالد : نلحقه ؟
محمد : اكيد وش ننتظر
خالد : يلا اجل امش
وبعد مُلاحقات دخل فايز بيت
خالد : بيت مين ذا !
محمد : قليل ادب داخل بيت غير بيته
خالد : امش ندرعم عليه
محمد : لا ياغبي تخيل لو ما طلع بيت حرمته ؟ ابوك يالفشيله
خالد : اجل لازم نتأكد
محمد : ايوه بس كيف ؟
خالد : نسأل الناس عن ذا البيت ؟
محمد : فكره بس يمكن بيت اخو حرمته وبيقولون اسم رجال اكيد
خالد : اجل ايش نسوي ؟
محمد : نراقبه زياده لين نتأكد وثم ندرعم عليهم
خالد : آه يا اختي كيف بسرعه سامحتيه
محمد : الله يهدي جدي ايش يدخل
خالد ناظر بـ محمد بصمت
محمد : تفكر باللي افكر فيه ؟
خالد : جدي ؟
محمد : ايوه مشينا له
خالد : تم
-
عاصف دق باب غرفة سهام ودخل وكانت تكوي ملابسها حالها حال نفسها
سهام : ماشاء الله المتكبر جايني اكيد فيه بلا
عاصف : شوفي انا جاي اكلمك وانتي تدورين مشاكل
سهام : امزح معك ،، وش تبي ؟
عاصف : في زواجي او يمكن مو زواجي المهم ،،،، وبدا يشرح لها الموضوع بالتفصيل
سهام : يعني انت جاي تبي مساعده مني ؟
عاصف : ايوه تبين تساعديني ولا اروح
سهام : اكيد لازم نشوف حال طيف ،،،، شوف 99% سلوى
عاصف : ليه ؟
سهام : لان زي ما قالت اسماء صديقه طيف انها شافت سلوى عند كوشه الجازي وكمان انا شفتها معها قماش اسود فيه شي حاطته جوا شنطتها بس ماكنت متوقعه انها بتسحرها
عاصف : وانتي ساكته كل ذا الوقت ؟!
سهام : تكلمنا انا واسماء بس ماكنا متوقعين انه سحر !
عاصف : ابغا منك طلب شوي صعب
سهام : افا مافي شيء صعب على سهام بس قل لي ؟
عاصف : تكلمين امي "نجد"
سهام اللي انقلب وجها : وليه ؟
عاصف : عشان تسحب من سلوى كلام مو هي متزوجه ابوها ؟
سهام : صعبه ذي
عاصف : مو مافي شي صعب على سهام ؟
سهام : الا بس ،،،
قاطعها عاصف : مافي بس ولا غيره مو كل شي يهون لعيون طيف ؟
سهام : اكيد ،،، بس انت ليش ما تكلمها ؟
عاصف : انا رجال متزوج بيحسبوني اكلم حرمه ثانيه
سهام : يالكذاب بس يلا يهون عشان طيف بس عشانها
عاصف : يلا الحين ؟
سهام : شفيك مطفوق "مستعجل بفقد السيطره" وش يطلعني في ذا البرد والامطار !
عاصف : أجل متى ؟
سهام : بكره يصير خير
عاصف : ان شاء الله ،،، وخرج
نوره : بشر وش صار ؟
عاصف : بنكلم نجد تسحب من سلوى كلام
نوره : ومين اللي بيكلمها ؟
عاصف : سهام طبعًا
نوره : اها الله يوفق هالـ سهام سوت خير
عاصف : امين ،،، انا طالع
نوره : وين مع ذي الامطار ؟
عاصف : بروح القهوه اشوف سند وبيجيب الجازي
نوره : الله يقويك
عاصف : امين ،،، وخرج
-
وفي القهوه
كان عاصف يدق على سند بـ تلفون القهوه سمع احد الجالسين الذين كانو قريبين منه
بشير : تعرفون بن ذياب ؟
بسام : ايه وش فيه ؟
عاصف يوم سمعهم قاده الفضول وجلس معهم بمعنى انتظار ووافقو طبعًا
حاتم : منهو ذا ؟
بشير : ولد العسكري ذياب
حاتم : اها وش فيه ؟
بشير : يقولون انه موب صاحي
بسام : كيف يعني ؟
بشير : يقولون انه يتهاوش مع ابوه دايم وحالته النفسيه افهموها !
بسام : يالله فكنا شر العيال العاقين
حاتم : لاحول ولا قوة الا بالله ايه وش بعد ؟
عاصف : وش بتسمع بعد وهو يكذب عليكم ؟
بشير : لا والله اني صادق
عاصف : انت شفته بنفسك ؟
بشير : لا
عاصف : اجل انك كذاب انا اعرفه حق المعرفه ودايم اطلع معه وانت جاي تتطلع عليه سمعه شينه ؟
بشير : الناس اللي يقولونه انا وش دخلني ؟
عاصف : قول للي يقولون لك لو شفتوه بعيونكم تكلمو ولا لو تدري وش عقوبه الافتراءات انك لا تربط لسانك
بشير : ابشر بقول لهم
عاصف بعصبيه قام وطلع من القهوه
وبالصدفه قابله سيف اللي يمشي و متضجر من نفسه والمطر مغرقه
عاصف تقدم له وهو يسحبه من ياقة ثوبه
سيف : اعوذ بالله انت وش تبي ؟
عاصف : وش ابي ! يا ولد سمعتك في الحديد وش الكلام اللي طالع عنك !
سيف : هاه ! وش طالع عني
عاصف : يقولون انك عاق وحالتك النفسيه
سيف : حالتي النفسيه ايوه والله انها قافله معي بس عاق من وين طلعوها !
عاصف : يا بروده دمك ترا ما امزح !
سيف : طيب مين اللي قاله عشان امسح فيه الارض
عاصف : وش عليك منه انا اخذت حقك بس انتبه لنفسك لا بكره يقولون متزوج واحنا ما ندري
سيف : ايش !! متزوج لا ذي بتخرب اشياء كثيره !
عاصف : انا علمتك و حذرتك
سيف : طيب انت واثق فيني ؟
عاصف : ايوه بس وش دخلني انا
سيف : انت اهم شيء بس قول لي مين اللي تكلم عني ؟
عاصف : وش تبغا به انا دافعت عنك يالغبي
سيف : طيب هد انا اعرف شغلي معهم انت طالع من القهوه فأكيد انهم بالقهوه ،،، فك يدين عاصف منه وراح مسرع بخطواته
وعاصف يلحقه : ارجع لا اوديك القسم اعلمك المشاكل
سيف متجاهل عاصف دخل القهوه وجات عينه على بشير اللي اول ما دخل قال بشير شوفوه جاء
سيف تقدم له ولكن تدخل عاصف وسحبه : مين قالك انهم ذولي ؟!
سيف : انا عرفت من صوتهم اللي وش طوله يقولون شوفوه جاء كأن داخل عليهم مجرم !
عاصف : حتى لو !
سيف : بعد عني ،،، ودف عاصف بشويش وتقدم لبشير وجلس مقابل له
بشير : نعم ؟
سيف : ياكبرها عند ربي تفتري علي وتقول نعم
بشير : اخلص بس وش تبي توك انولدت وجاي تتكلم
سيف : سرعه مين اللي طلع علي هذي الاشاعات
عاصف اللي كان حاضر الموقف وجالس مقابل بشير من الجهه الثانيه
بشير : وش دخلني ؟
عاصف : وش دخلك ترا يقدر يرفع عليك قضيه وتعرف وش دخلك !
سيف : الحمدلله تكلم ضابط مو انا اللي توي انولدت
حاتم : قول لهم مين قالها ولا تقروشنا
بشير : لا مابقول
سيف : يعني بتطولها ؟
بشير : ايوه واعلى مافي خيلك اركبه
سيف وهو يمشي اتجاه التلفون : ذحين نشوف وش تسوي اذا جت الشرطه !
بشير ناظر في عاصف : تكفى قول له لا يبلغ والله اني اسف وانا اخذتها بسياق موضوع ما كنت متوقع بتكبر يرحم والديك لا تجي الشرطه
عاصف سبق سيف بخطواته وقفل التلفون : امسحها بوجهي هالمره جهال يحبون يثرثرون
سيف : طيب مين اللي قالها !
عاصف : هو نفسه بس لا تسوي له شي
سيف : بيتمدى
عاصف : معليك لو تمدى انا بنفسي اللي اخذه القسم
سيف راح لـ بشير : ذي المره مشيتها عشان هالغالي طلب لكن لو اسمع ان طلع عني كلمه غلط والله انت اول من يتحاسب
بشير : معليك والله بقفل لساني
سيف : اتمنى ذا اللي يصير
بشير : بيصير وزياده
سيف وعاصف طلعو من القهوه
عاصف : يلا روح بيتكم مو ناقصني مشاكل
ضحك سيف : انت اللي جاي تعلمني
عاصف : مابي سمعتك تخرب
سيف : معليك انت قول لي وانا اتصرف
عاصف : تصرف بتفكير
سيف : ايه اكيد
وافترقوا عاصف راح لبيت عمار ،،، وهنا سيف ايقن ان الصديق الحقيقي هو اللي يدافع عنك قدام الكل وبالهجر وبالاخص انت لحالك يهاوشك وكأنه ابوك " وهذي الصداقه الحقيقه منجد " وجا هالبيت في باله وكان يقول : هو كذا معي كيف مع سند اكيد حتى لو غلط بيغلط معه ،،،،
"وانا والله ما تهنى بحلو النوم
ورفيقي عليه هموم الايام ملتمه
اشيل الحمل منه واحطه علي وقوم
مقام يورد ضامي الماء على الجمه "
-
لا اله الا انت سبحانك اني كنت من الظالمين