لقـّيت قصيـدتي بعُيونـك ياغـرامي

31

طلعت من الغرفه وهي متوتره بتنزف بسرعه عظيمه الاحداث مره بسرعه قصوى شافت ابتسامه امها اللي غيرت عنها كل شي وفرحة امها بها غير ابتسمت من ابتسامه امها وهي تحاول ما تدمع وصلت للكوشه الانيقه المزخرفه بالابيض جلست بهدوء وبدت الدقاقه "اللي تدق الطار بالمعنى الاصح طبل وما الى ذلك" : هذي الاغنيه اهداء من حفيدات عمار لعروستنا الحلوه ،، وبدو بالغناء :
واليوم يمكن تقولي يامجد انك سعيده
تشهد على صدق قولي دقات قلبي الجديده
تسعه وعشرين عام ضاعت وسط الزحام
ليلي ونهاري وقلبي اصبح يحب الظلام
وانا في درب الهلاك ظهرت لي يامجد
غيرتي مجرى حياتي شفت السعاده معاك
وتساؤلات مجد المتوتره مستمره هل فعلاً سأغير مجرى حياته؟ ،، هو غريب وليس من اهل ديرتي هل سيهجرني؟
تقدمت لها الجازي وهي عارفه تساؤلاتها سلمت عليها وباركت لها : الف مبروك مجودتي لا تتوترين ولا تفكرين بأن قرارك خطا ترا كل شي صح بس لانه جاء بسرعه انتي تفكرين بطريقه خطا فالايهمك احد لا صار لك شي لا قدر الله بس قولي اول ثلاث احرف من اسمي وتلاقيني قدامك
مجد: ياحبيبتي انتي ،،، بتشديد: عقبالك يالمحجوزه
الجازي : هيا والله لو سمعت ميه حرف من اسمي ماني جايتك
مجد: افا ليه ،، امزح
الجازي : اللقافه شينه
مجد : تقبلي عاد من توتري مزحي صار غثيث
الجازي : انتي بكبرك صرتي غثيثه ويلا توتري احسن،ونزلت
وكانت حاسه بنظرات حصه اللي مراقبتها بكل خطوه
وبدا البنات يطلعون للكوشه يباركون لمجد

اما في جهه اخرى
الهنوف : يمه شفيك اكلتي الجازي بنظراتك
حصه : الحين صار النظر حرام
الهنوف : لا بس نظراتك غريبه
حصه : الحين بزر توها والده تبي تعلمني كيف اناظر
الهنوف قامت
حصه : على وين ؟
الهنوف : بروح اشوف الناس ولا تبين اصير مقروده
حصه : طيب طيب يام لسان
والهنوف لحقت الجازي اللي راحت لدوره المياه وانتم بكرامه دخلت بعدها وهي تشوف حرمتين بالنظر يمكن يكون عمرهم في الخمسينات
الجازي وهي تعدل روجها ناظرت الهنوف بأبتسامه
الهنوف اقتربت من المغسله اللي جنب الجازي وبدت تغسل يديها
وحده من الحريم قالت للاخرى بهمس: شوفي ذي حرمه سند لها اكثر من ثلاث اشهر متزوجه ولا حملت شكل فيهم بلا ولا عله
: ايه والله شكله مره طولو
لفت عليهم الجازي بنرفزه : ياخي وش حارك حملت ما حملت بينها وبين رجلها
الهنوف انصدمت من مدافعه الجازي لها وزاد شكها
: طيب يختي ماقلنا شي
: شوي وتأكلنا امشي بس
الجازي لفت لتلم مكياجها : معليك كلام الناس يروح ويجي لا تزعلين
وكانت متجهه للباب بتخرج لولا يد الهنوف اللي مسكتها
الجازي : هلا بغيتي شي؟
الهنوف : اي بكلمك بموضوع
الجازي : هلا
الهنوف بتوتر: مادري كيف ابدا بس لو ماطلع نفس اللي فبالي انسي كل شي قلته
الجازي ناظرت بأستغراب
الهنوف : تعالي برا احسن
طلعو من دورات المياه وجلسو في احد الكراسي البعيده عن حصه ،،، الهنوف : يعني امي قبل ما تتزوج ابوي كانت متزوجه من واحد ثاني وعندها منه ولد وبنت واعرف ان اسم البنت الجازي ،،،
قاطعتها الجازي : وانتي شاكه ان انا اختك؟
الهنوف حكت يدها بتوتر : ايه
الجازي كانت ملاحظه توتر الهنوف: طيب بس عشان اسمي نفس اسمها جيتي ولا فيه اسباب ثانيه؟
الهنوف: فيه مية سبب
الجازي : طيب ياحبيبتي قولي لي امك وش قالت عنها يمكن انا؟
الهنوف : يعني انتي ماتعرفين امي؟
الجازي : الا اعرفها بس ابي اعرف وش قالت عني ؟
الهنوف : عنك ؟ يعني انتي هي؟
الجازي : قولي لي اقول لك
الهنوف : طيب ،،،. اول شي عرفت امي متزوجه قبل ابوي من حريم الديره ورحت تصارح امي قعدنا كذا مادري كيف استجمعت قوتي وقلت لها ان هي متزوجه او لا قبل وقالت لي ايه ومات وقلت هل عندك عيال منه يعني اخوان لي ؟ قالت ايه عندك الجازي والغيث ومن اسمائكم ونظرات امي لك شكيت المهم قلت لها طيب قولي لي عن الجازي قالت انك عاقه والدين وماسمعتي كلامها وتركتيها بعز حزنا ورحتي عند اهل ابوك و اشياء مو مهمه ،،،
الجازي : ممكن اعرفها؟
الهنوف: يعني قالت عن جدتك قبل لا تموت حطت لامي وابوك سحر ويعني تشويه سمعه واما عن الغيث قالت لي انه طعن ابوي وانه عدونا ومن ذا الكلام لكن انا جاني احساس غير حسيت انكم طيبين وذي السالفه كلها يوم كان عمري ١٧ وليومك ذا ادور عن الجازي والغيث وابي اعرف السالفه منهم ،، والحين اذا كنتي هي ابي اعرف الصدق اذا كانت امي تكذب
الجازي : تبين الصدق؟
الهنوف: ايه
الجازي : الحقيقه دايم تضايق
الهنوف : معليه
الجازي : طيب ،،، ابوي مات وعمري ٦ والغيث ٨ وفي هذه اللحظه امي تخلت عننا وصدقيني ان ابوي ماقصر مع امي ولا ذره المهم امي تركتنا عند جدي عمار وجدي الله يطول بعمره ما قصر علينا بشي وكل هذي المده امي تحاول تأذينا وسالفه عقوقي بالوالدين كذب وثاني شي الغيث صح حاول يطعن ابوك وعمره ١٦ وطبعاً دفاعاً عنه لان ابوك كان في فتره طيش وجنان وكان اخس من امك يحاول يأذينا وموضوع الطعن دخل بشرف اعز الناس على الغيث وطبيعي انفعال مراهق ومن حقه ينفعل الصراحه
وغير كذا هدده
الهنوف انصدمت وكأن احد كب عليها مويه حاره حرقت قلبها ابوها اللي تحبه وتعده يطلع مأذي ناس ومهددهم يالله وش بيكون عذابهم في الدنيا والاخره : ابي منك طلب
الجازي : وش ؟
الهنوف : تسامحيني
الجازي : وش دخلك؟
الهنوف : انا ما اكذب الصراحه شكيت فيكم ودعيت عليكم بفتره مراهقتي يوم كان عمري ١٧ لان امي عبت راسي وماسمعت من الطرفين
الجازي: عادي يحياتي تهون شوفيني الحين قويه وماحتاج احد
الهنوف ابتسمت بضيق