لقـّيت قصيـدتي بعُيونـك ياغـرامي

21

عاصف: بسم بالله عليك ابشر مو بس يومين خمس ايام
سند : تراني متزوج تبي اترك مرتي واقابل وجهك المخنز
عاصف ضربه على خفيف : عيب انا اخوك الكبير
سند : امحق اخوه بس ولا يهمك يا اخوي الكبير عشرين يوم وراجع
عاصف: بلا غباء استمتع وش عليك مني واساساً بفتك من وجهك
سند وهي يمشي  : طيب طيب تفتك مني اجل انقلع بروح لمرتي احسن لي
عاصف: تزوجت وصرت تتكبر
سند وقف ولف عليه : ايه بتكبر ،،،رفع يده ،،،مع السلامه
عاصف : مع السلامه يابو هذال
سند : صامل على ابو هذال
عاصف : ايه

اما عند الجازي
غلا : يلا بنروح مع السلامه ،،وسلمت على الكل الا ان وصلت للجازي : يابنت ابتسمي محد غاصبك لا تخليني اخيس بالجسور عشانك
الجازي : انقلعي سافري شدخلك فيني
غلا: كيف شدخلني فيك ،، انتي قطعه من قلبي
الجازي : الله واكبر نبرتك تقول انك مصلحجيه
غلا: حرام عليك والله اني احبك
الجازي ابتسمت وحضنتها : حتى انا
بعد لحظات ،،،مجد: اخلصو يابوي لي ساعه واقفه ترا مابسلم عليك
غلا : طيب يالازعاج
مجد: شدخل
غلا: اجل غيوره
مجد بثقه : الجازي محبوبه من حقي اغار
غلا : وجع تراها بنت عمي مثل ماهي بنت عمك
مجد: ذي مو بس بنت عمي ذي اختي
الجازي : اذا بتتهاوشون عشاني تهاوشو ماعندي مانع
عمار : يلا يبنت زوجك ينتظر
مجد حضنتها: ياحبيبتي انبسطي ولا تنسين الهدايا
غلا : بجيب لهم كلهم الا م ج د
مجد : طسي بس من زين هديتك الجازي تجيب لي صح؟
الجازي : ايه ايه واذا ما جبت لمجد اجيب لمين؟
مجد اعطتها بوسه في الهوا
غلا : يلا انا رايحه توصون على شي ؟
الكل كانت ردودهم بين (سلامتك، الله يستر عليك ، انتبهي على نفسك وختمتها غاده وهي تقلد نبرته مجد: لا تنسين جيبي لنا هدايا
والكل ضحك
مجد شهقت : انا يا غاده تكرهيني كذا ،،. بزعل : طيب طيب
غلا بنفس النبره : معليك واهم وحده مجد
مجد : مابي هديتك
الجازي : خلاص لحد يزعل مجد
مجد ابتسمت وهي تتصنع الزعل
ام محمد : ايه احسن ازعلي
مجد: حرام عليك يمه ذا القمر يزعل
ام فايز : فمان الله يا غلا
غلا : امين،،، مع السلامه
الكل : مع السلامه

اما عند عناد
دخل بيتهم وسكر الباب بقوة : يــمه!
ام عناد : هاه وش فيك ،،وبنبرة فرح : يالمعرس ،، وتغيرت النبره من شافت وجهه شهقت بصدمه : مين سوا فيك كذا جعل يدينه الكسر جعله ينام ومايقوم !
عناد : شتبين بالولد تدعين عليه!
عامر : اخذوك مهزله لدرجه ما تبي عليه بشر !
عناد: انا الغلطان !
ام عناد: حتى لو غلطان شيبي فيك مشوه وجهك وانت بتعرس لعنه الله عليه !
عناد: على طاري العرس انتي خاطبة لي بنت سعود وهي عنيده!
ام عناد : انت تدري انها عنيده وقلت تتغير انت اللي وش غيرك!
عناد وهي يجلس : مابيها شيليها من القائمه
عامر: على كيفك قائمه يابابا اصحي خطبنا البنت
عناد : طيب بنرجع من قولنا ونغير راينا واقول مابيها
ام عناد : على كيفك ماتبيها خطبنا وخلصنا باقي رايها ونخطب رسمي
عامر : هذا اذا قبلت فيه
عناد: انت تدمدم "اسكت"
ام عناد : ليش لانه قال الحق
عناد : وشو حقه مين اللي ما بترضى فيني !
ام عناد : كل تراجعك ذا بيقولون مب رجال ويترك بنص الطريق
عناد : محد يسترجي يقولها وين هيلا !
ام عناد : شتبي فيها تطلع حرتك فيها!
عناد : لا ابيها تنظف جروحي ولا ذا كمان محد راضي فيه
ام عناد : الا راضين .،،، هيلا يازفت ياهيلا تعالي
هيلا : هاه شتبون ،،، شهقت بصدمه : وشفيك قلبت علبة الوان
انفجر عامر ضحك
عناد ناظرها بحده
هيلا : وشبغيتي يمه
ام عناد : ضفي وجهك وجيبي قطن وخوا جوا " عشبه تعقيم ونفس المرهم زمان يستخدمونها "لاخوك يتنظف جرحه
هيلا : يبشر
وراحت تنقذ اللي قالته امه