لقـّيت قصيـدتي بعُيونـك ياغـرامي

41

في بيت عمار
ريم وصلت البيت وهي حزينه وتبتسم للمجامله دخلت البيت بتعب شديد ماحست الا بصراخ البنات
البنات كلهم متجمعين حول كيكه وكل شي كان بالون الوردي
امل بأبتسامه حضنت ريم : حتى لو بنت المهم انك اجل ام واهم شي عندك نسل
ريم ابتسمت بشبه فرح : اكيد يعني بهتم للغثيث فايز
مها: اي والله انه غثيث ناشب لي لين تزوجك والحين بينشب يالله سترك
اريام: احمدي ربك انتي الكبيره انا اصغر العنقود وكلهم ناشبين لي
مها: الله يصبرنا بس
اريام: يبي لنا نقنع ابوي كل وحده تستقل لحالها وش نبي  بالزواج والعيال؟
مها: فكره بطبقها
غلا: اتركو عنكم ذي الافكار وسلمو على زوجة اخوكم
الجازي : اتركيهم يتحلمون
مجد: احلامهم لن تتحقق خلينا نرجعهم للواقع افضل
الجازي : لا ياحبيبتي انا اتفق معك بكل شي الا ذي النقطه تقدر تحققها حتى ولو بيئتها ماتسمح
مها: اطلق بنت تكلمت
اريام : اي والله احد قدر مشاعري
ام فايز : ياكثر هرجكم تعالو سلمو على اميره البيت ريم ولا اجي ،،،
قاطعوها وهم يسارعون خطواتهم عند ريم
مها : كيف ما اسلم على عزيزه القلب
اريام : ايه صحيح
مها لفت على اريام : الحين او طحت بالنار بتطحين معي ؟
اريام : منزينك عشان اقلدك بكل شي
مها : الا والله ان فيني كل الزين
ام فايز : لا حول ولا قوة الا بالله
الجازي : وراكم ماتسكتون
غلا: قسم بالله لا اصفقكم انطموا
مجد: هدي انتي حامل مايحتاج
غلا:والله لا انسى اني حامل واطلع عرق العصبيه
مها : انتبهي بس لاتسقطين
غلا : اقول فكوني عليها
اريام : محد ماسكك
غلا: يعني تبينها كذا
ام فايز : وجع مسوين لي معركه اليرموك
مها همست لاريام: طلع عرق معلمة الاجتماعيات
اريام انفجرت ضحك
مها : الله ياخذك بالنكبه
ام فايز : وش اللي يضحك!
ام محمد : اتركي ذول الجاهلات وخليني ننبسط بمولادتنا
ام فايز: ايه والله اطلق من وجيههم الشينه
اريام : جرحتني يمه
ام فايز : احسن

الجازي طلعت بلا سبب للحوش وشافت الغيث : افا جالس هنا وفيه حريم
الغيث: طيب محد داري عني
الجازي : وش جايبك
الغيث : ابد متضايق ومابي احد يشوفني وجيت هنا
الجازي : ليش هنا بالضبط ؟
الغيث : تبيني اقوم يعني ؟
الجازي : لا خليك
الغيث: اشوا
الجازي : شفيك مكتئب
الغيث : مافيني شي
الجازي : كذاب من عيونك قول ترا ماني مثل زوجتك تقول لها شي واليوم الثاني تلاقيه بكل مكان
الغيث : حدك عاد الا زوجتي
الجازي : اوف زوجتك اهم مني
الغيث : كلكم عندي نفس الشي
الجازي : انا اختك!
الغيث : انتي محتله عيوني وما اشوف اخت غيرك
الجازي : شطور اخوي ،، طيب وش مزعلك ؟
الغيث بحزن : بصير ابو وانا ماعرف كيف الابوه
الجازي : اما عاد كل ذا الحزن وذا السبب؟
الغيث : انتي ماتحسين
الجازي : ياخي مافي مشكله تتعلم
الغيث : اتعلم على ولدي
الجازي : ايه ،، انت مو كان عمرك ثمانيه وتهتم فيني بدال امي ؟
الغيث: الا
الجازي : اعتبر بنتك انا يوم كنت صغيره وبتتيسر ان شاء الله
الغيث: ان شاء الله
الجازي : اي افتحها كذا بأبتسامتك
ابتسم الغيث