لقـّيت قصيـدتي بعُيونـك ياغـرامي

52

أولًا : السلام عليكم ورحمة الله وبركاته
اتمنى اشد التمني انكم بخير
واعتذر كثييرًا لاني وقفت وادري مو وقفت شوي الا واجد وانكم نسيتم الاحداث لكن راعوا ظروفي وعذروني والله كل ماقررت اكتب يمنعني
شيء واضطريت اوقف لفترة  فا اعذروني 🤍
.
.
في يوم جديد 
صبحت سهام على عاصف في الدرج
سهام : توني ما قلت بسم الله ولا قفلت باب غرفتي
عاصف : بلا كثرة حكي متى بتروحين ؟
سهام : شوي
عاصف : تم
طيف : حركات صرتم اخوان صدق
عاصف : ايوه اكتشفت ان سهام اخت بجد
سهام : اكيد عاصف طلع رجال
عاصف : وجع وش كنت قبل يعني ؟
سهام : كنت احسب انك بالاسم فقط
عاصف : ايوه واضح
طيف ضحكت بسخريه : وش كنتم تتكلمون ؟
عاصف : بالله عليك يعني وش ؟
سهام : اكيد نتهاوش
طيف : خاب ظني
ونزلو للفطور وبعده ما انتهوا
سهام : انا بروح السوق ياجده
نوره : ايه روحي وجيبي الاغراض اللي قلتها لك
نوف : بروح معك
سهام : لا انتي اجلسي
نوف : وليه ان شاء الله ؟
سهام : بس بروح لحالي
نوف : والله لا اروح معك
سهام : طيب يالنشبه تعالي
نوف : وش ؟
سهام : ياذكيه انا بروح لنجد
نوف شهقت بصدمه : طلعتي جاسوسه !
سهام : لاا انا بروح عشان سلوى ياغبيه
نوف : ليش سلوى ؟
سهام : اما عاد ذي ما عاشت كل ذي الاحداث
نوف : وش تقولين انتي ؟
سهام : مو سلوى يمكن انها سحرت طيف
نوف : وش دراك ؟
سهام : لاحول ولا قوة الا بالله لو رجعت قلت لك
نوف : طيب طيب روحي والله ما اروح
سهام : وش فيك خايفه ؟
نوف : مانيب خايفه
سهام : ايه مو واضح
-
فتحت باب
سلوى : مين انتي ؟
سهام : جني
سلوى : وش !
سهام : كذا تعاملون ضيوفكم ! والله طلع بيت عوض الله مافيه من الشيم شيء
سلوى : وانتي ضيفة مين بالضبط ؟
سهام : نجد
سلوى : نجد مو هنا
سهام : اجل وين ؟
سلوى : في جيبي
سهام : وع يا ثقل دمك
سلوى : وجع بمشيها هذي المره بس
سهام : جعلك ما مشيتيها والله بتطلع عن بنات عوض الله سمعةً شينه وش ذا ماعلموك كرم الضيف ؟
سلوى : انتي الحين عجوز ولا بنت
سهام بـ كذب : ثلاثينيه
سلوى : يعني عجوز
سهام : لا تمونين يالبزر
اشجان : مين جاء ؟
سهام : انتي واضح انك اجوديه
اشجان : شكرًا بس مين انتي ؟
سهام : انا ضيفه لنجد وذي ما بتدخلني
اشجان : بس نجد ما قالت بيجون ضيوف
سهام : طيب يعني لازم تقول لبزر مثلك
اشجان : خلاص ادخلي حياك الله
سلوى : ليش تدخلينها وهي مابتفتح برقعها " نقاب او لثمه "
اشجان : شوفي عيونها ماشاء الله واضح انها حرمة
سهام : بعطيك بعدين اسم كحلتي
اشجان : ايه بالله
سهام بهمس : وع ياكثر ميانتهم
اشجان : وش ؟
سهام : من وين ادخل
اشجان : الباب قدامك حق الضيوف
سهام : طيب لا تنافخين
اشجان : ما نافخت
سهام : نادو لي نجد بس
وبعد شوي جت نجد
نجد بـ ذعر: مين انتي ؟ ووش تبين ؟
سهام : شايفه لك جني عشان تخافين كل ذا المهم تعالي اجلسي انا سهام
نجد : سهام !
سهام : ايوه عندك مانع
نجد جلست : وش تبين وجايه لين نص بيت عوض الله
سهام : ياكثر هرجك المهم هذا مو موضوعنا وليش جيت
نجد : يعني وش موضوعك اكيد فيه سبب في جيتك
سهام : بختصر عليك لانك صدعتي راسي
نجد : هذا اللي ابيه انك تختصرين
سهام : طيف مسحوره
نجد : منجدك !
سهام : ابد قاعده استظرف معك و اتفاول على البنت ،،، انت صاحيه ؟ فيه احد يكذب في ذي المواضيع !
نجد : ماني قادره افهم ! كيف ؟
سهام : بس كذا وحده حبت اسوي فعاليات وتسحرها بالله عليك شغلي مخك !
نجد : تراني مصدومه اسكتي
سهام : لو انك ما تركتيهم كان ما انصدمتي
نجد متجاهله كلام سهام : طيب وش بتسوون ؟
سهام بهمس : نبيك تراقبين سلوى
نجد بنفس الهمس : ليه سلوى ؟
سهام : لانها هي الحماره اللي سحرتها
نجد : وش تبي منها !
سهام : والله مادري اللي اعرفه ان الهدف عاصف كيف صارت مادري واحنا نبيك تراقبين حركات سلوى عشان نتأكد
نجد : تمام طيب ومتى نتقابل ؟
سهام : لا عرفتي شي روحي لعاصف
نجد : ووين القى عاصف ؟
سهام : حطي ورقه تحت بابنا انك في السوق واحد يجيك
نجد : تم بس طمنوني عن طيف
سهام : رح نطمنك اذا علمتينا
نجد : معليك بقول لكم اول بأول
.
في سوق الجسور
الشيخ : ماني فاهم عليك الحين البنت مسحوره كيف تعرف مين سحرها ؟
عاصف : انا اعرف بس ماني متأكد
الشيخ : طيب ليش مسوي انك تعرفها
عاصف : ركز معي الله يسعدك فيه وحده جاتني وقالت ان فلانه اللي سحرت اختك وهو محد يدري انها مسحوره أساسًا ماندري
الشيخ : طيب طيب بجيك اليوم العصر واشوف
عاصف : عصر مشغول
الشيخ : طيب يا ابو اشغال وين بيتكم ؟
عاصف : تعال
وجا معاه
،
طيف : وماشاء الله جايب الشيخ بدون ماتقول لي افترض اني مشغوله
عاصف : معك انفصام انتي قايل لك
طيف : قلت بنروح مابيجي البيت
عاصف : اقول استعجلي بس
طيف : لا حول ولا قوة الا بالله
عاصف : في المجلس
طيف : طيب !
دخلت المجلس بعبايتها : السلام عليكم
الشيخ : وعليك السلام ورحمة الله
طيف : ترا اخوي موسوس ياشيخ مافيني الا العافيه
الشيخ : فيك ولا مافيك لازم نتأكد
طيف بهمس : وش الشيخ ذا اللي يمون
الشيخ بدا يقول اعراض السحر إلخ....
وطيف تجاوب بـ لا و نعم
الشيخ : اسال الله رب العرش العظيم ان يشفيك ويردها كيد الساحرين
عاصف : وش يعني ياشيخ ؟
الشيخ : فيها سحر بس مابلغ فيها
عاصف : اذا يعني ما طول تقدر تتعالج بسرعه ؟
الشيخ : اكيد
عاصف : كيف ؟
الشيخ : شوف هذا ماء مقري عليه يوميًا تشرب منه وفي الصباح والمساء تقرأ الاربع سور هذي ،، الكافرون الفاتحه الصمد و المعوذتان
عاصف : ان شاء الله
الشيخ : ولو عرفت اللي سحرتها اقل شي تسويه توديها عند قسم الشرطه
عاصف : تراني ضابط
الشيخ : مابي اغلط عليك لكني اعرفك يا عاصف فيك طيش
عاصف : مرحله طيش ولا مو طيش انا عارف الحكومه بتأخذ الاجراءات اللازمه وهي القصاص
الشيخ : اكيد مابيقصرون بس تأكد
عاصف : ما عليك
وبعد ان خرج الشيخ من بيتهم
طيف : وبالله الحين تعرف من ساحرني ؟
عاصف : سلوى ،،، وخرج متجاهلها
طيف وهي تلحقه : وش فيه ؟ وكيف !
سهام : بعدين بتعرفين كيف
عاصف : كلمتي امي ؟
سهام : ايوه
طيف : وش دخل امي !
سهام : عشانها قريبه من سلوى
لفوا على دق الباب
عاصف : تنتظرون احد ؟
سهام وطيف بنفس الوقت : لا
طيف : حتى جدة نوف ومجد مو فيه
عاصف : يمكن
سهام : ما اتوقع شفتهم وانا داخله رايحين مع ام سند للسوق
عاصف : اجل مين يعني ؟
طيف : على بال ما تخلص تحليلاتك قدنا فتحنا الباب وعرفنا مين !
عاصف : طيب بشوف
وفتح الباب وهنا كانت صدمة من شاف بنت متلثمه وكانت تشبه اللي جاته في السوق
.
صقر : هاه يبه نروح ؟
عاطي : ياكثر هرجك اصبر
صقر : خير البر عاجله
عاطي : لا تتحمس تراك بس بتخطب بنت عمرها ١٩
صقر : معليه سنتين واتزوجها
عاطي : متحمس الله يهديك
صقر : بالله يبه استعجل
عاطي : نذاله فيك بطول زي ماتسوي فيني وتقعد ساعات عشان تضبط شماغك
صقر : افا يبه انا ولدك
عاطي : انا ابوك احترمني واسكت
صقر : ابشر وسكت
وظل ساكت لين وصلوا بيت ذياب
ذياب : يامرحبا نور البيت
عاطي : بنورك يابو سيف
وبعد مادخلو وصب لهم سيف القهوه
عاطي : مابنطول عليك يابو سيف وندخل في الموضوع بسرعه .. عاد اعذرني متحمس يكون بيننا صله
ذياب : هاه ؟ وش العلم ؟
عاطي : جينا اليوم وبكل الشرف نطلب يد بنتكم الغاليه لولدنا صقر
سيف همس لابوه : ما ارتحت له
ذياب : اصبر نشوف ،،، من صقر ؟
صقر رفع يده : انا يا طويل العمر
ذياب : ماشاء الله ،،، بنتنا غاليه والله احنا بنسأل و نتؤكد عنه ونشوف شور البنت
صقر : الله كل ذا !
ذياب : ايوه
سيف : بنسأل كمان امام المسجد
ذياب : ايه ذا اهم شيء ،،، وبعد اهل السوق نشوف وش يسوي بالسوق
صقر بلع ريقه بخوف
واردف عاطي بثقه : اسالؤ لا تقصرون حتى بواب المدرسه ولدي مافي زيه
صقر يهمس بينه وبين نفسه : يبه وش ذي الثقه الله يهديك
ذياب : عطني صورة لك عشان اعرف اسأل
صقر طلع صورة من صور الهويه واعطاه
سيف : صورة الهويه مره وحده
صقر : ايه
سيف : احسك مرتبك كانك خايف من شيء ؟
ذياب : لا يكون خايف عشان بنسأل عنك
صقر بتلعثم : لا وين ؟ بس توتر عشان بنتكم صغيره واخاف ماتوافق
سيف : ليه تخاف ! نصيب ومكتوب
صقر ادرك انه جاب العيد
ذياب : مو عاجبني وضعك
عاطي بتدخل : لا الله يصلحك يا سيف وش فيه الولد مافيه الا العافيه بس توتر
فايز وهو يحاول يغير الموضوع : تدرون انا متضايق
الكل انصدم من تدخل فايز الغريب
علي : اسكت الله يفشلك
ذياب : ليه ؟
فايز : عشان اني ندمت ان زوجتي جابت بنت وابتعدت عنهم ياقوة البعد
سيف تذكر انهم بيبعدون عن الجسور ويروحون للمدينه القريبه من الجامعه
وكملو سوالف
.
عاصف : الحين انتي نفس اللي جيتيني في السوق ؟
ساره : ايوه
عاصف : اخت سلوى !
ساره : ايوه ابي الخير لكم
طيف : كنت احسبك كريهه بس طلعتي حليله تبين الخير لي
ساره : وانا كنت احسب دمك ثقيل وطلع اثقل مما اتوقع
طيف : لا تغلطين بس
ساره : اخلصو علي تبغون اشهد على اختي ولا ارجع بيتنا
سهام : لا خليك
ساره : سلوى كانت بتسحر عاصف عشان يبتعد عن الجازي وانا اقنعتها انه حرام صح مهما صار اني احب اسوي مشاكل بس ما توصل اسوي سحر
عاصف : اصبري بروح اشوف ذياب
ساره : استعجل قبل غروب الشمس ترا برجع بيت
طيف : حركات تجين متخفيه لاخوي بالسوق وبعدها تطلعين لين غروب الشمس حبيت الصراحه
عاصف رفع ثوبه على خصره وهو يسارع خطواته على بيت ذياب
،
فتح الباب ولقى عاصف امامه وكان واضح عليه تعب الجري
سيف : عاصف ! وش فيك ؟
عاصف : وين ابوك بكلمه ؟
سيف : عنده ضيوف
عاصف وهو ينفض ثوبه ويعتدل : اما ! مين ؟
سيف : عاطي بن عمار
عاصف : يعني وقتي غلط
سيف : ايوه
عاصف ناظره بحدة
سيف : امزح يولد لو تجي بالليل عادي
عاصف وهو يمشي معاه نحو المجلس : وش جاب عاطي لكم ؟
سيف : يخطب لولده
عاصف : من عندكم ؟
سيف : ايوه ،، وانت ليه جاي ؟؟
عاصف وهو يضرب كتف سيف : عرفت من سحر طيف
سيف اخفى ابتسامته : مبروك ومن هي ؟
عاصف : بنت عوض الله الله يهديها بس
سيف : وش عرفك ؟
عاصف : الحين تعرف مع ابوك بس مادري كيف اتكلم وعاطي فيه
سيف : معليك بقول اني كنت انتظرك
عاصف :  لازم اروح قبل غروب الشمس
سيف : ليه سندريلا وانا مادري ؟
عاصف : تنكت انت ووجهك
سيف : لا امزح
عاصف : امش بس
دخلوا المجلس وعاصف سلم على عاطي وابناءه
وعاطي استئذن منهم وخرج
ذياب : وش فيك ؟
عاصف : عرفت من سحر اختي
ذياب : وكيف عرفت ؟
عاصف : اختها جات اعترفت
ذياب : ومين طلعت ؟
عاصف : سلوى بنت عوض الله
ذياب : معك دليل ؟
عاصف : اقولك اختها بتشهد
ذياب : ماشاء الله اجل امش عند عيسى
عاصف : اختها تقول برجع بيتنا قبل غروب الشمس
ذياب : طيب امش وش تنتظر وسيف خليك مع اختك
سيف : ابشر
ذياب : يلا مشينا
عاصف : يلا
وتوجهوا بسرعة للبيت واخذو سارة للقسم عند عيسى
عيسى : اختك تعرف وش عقوبة السحرة ؟
ساره : لا
عيسى : القصاص وغير كذا عذاب الاخرة الله يعينها بس لف على احد الحراس روحوا جيبوا سلوى بنت عوض الله من بيتهم خلونا نحقق معها
.
عوض الله : وين سوير ؟
اشجان : مادري والله قالت بتروح عند صديقتها لين اذان المغرب وتجي
عوض الله : شكلها نست ان عندها اب تستأذن منه !
اشجان : مادري عنها هالنفسية كمان
دق الباب ولف عوض الله على فهيد : قم افتح
فهيد : قم افتح يا فهاد
فهاد : ابوي كلمك انت
فهيد : انا اخوك الكبير
عوض الله : وجع قومو انتم الثنين
فهيد قام يفتح الباب بـ ملل
وهنا كانت الصدمه يوم شاف الشرطه : انا وش سويت ؟
: ماسويت شي بس نبي سلوى بنت عوض الله
فهيد : ذي مصايبها ماتخلص ادخلو حياكم الله
: يالطيب ندخل بيتكم وش نبي فيه جيب اختك وانت ساكت
فهيد : ابشر من على هالخشم
فهيد بخطوات سريعه دخل الصاله اللي متواجدين فيها كل اهل عوض الله بخطواته السريعه تزحلق وسقط
عوض الله : وجع يالمطفوق
فهيد بتلعثم : الشرطه الشرطه تبي سلوى
سلوى فزت بخوف : ليه !!
فهيد : وش دراني عن مصايبك
سلوى : يبه مابي اروح
عوض الله : انا وش خلاني اتزوج وابتلي فيكم !
وطبعًا اخذو سلوى وبعد تحقيقات اعترفت وكمان اعترفت على اللي سوى لها السحر وتم اتخاذ الاجراءات اللازمه ضدهم ورجع عاصف بيتهم وهو مرتاح
،
سيف : الحين تبغينه ولا لا ؟
اسماء وهي تسوي قهوه : من هو ؟
سيف : ذا صقر اللي خطبك
اسماء : خطبني !
سيف :  اهنيك على تركيزك لي ساعه قاعد اتكلم هنا
اسماء : كنت افكر
سيف :  انا ما ارتحت له
اسماء : مهم رايك
سيف : ياللي ماتستحين اخوك انا !
اسماء : امزح معك وش فيك قلبت كذا
سيف : مزحك ثقيل مثل اللي جاء يخطبك
اسماء : وريني صورته ماعرفته
سيف طلع صورة صقر وكانت الصدمه لاسماء ماتوقعت ولا 1% انه هو لكن قدر
اسماء تلخبطت مشاعرها ماعرفت توافق او لا
سيف : وش فيك ؟
اسماء : مادري اوافق او لا
سيف : وش خاطرك فيه ؟
اسماء : توافق بس خايفه يطلع مو على ماتوقعت
سيف : اللي يريحك بيصير حتى لو تبين العرس بكره ارتاحي واستخيري ومايصير الا كل خير
اسماء : ابغا ابوي
سيف : يالدلوعه باقي أساسًا ابوي بيسأل
اسماء : اذا كنت بتزوجه بتزوجه قبل الجامعه عشان نروح مع بعض ونسكن لحالنا
سيف : عندك حركات الثعابين ماتبين تسكنين مع اهله ليه ؟
اسماء : اما تقول عني كذا وين الاخوة والعشرة
سيف : نمزح نمزح ،،، وسكت واردفت بصدمه : ولا ليكون عشان ما تبين اسكن معك تبين تتزوجين !
اسماء : لا حول ولا قوة الا بالله وش فيك متحسس كذا ؟
سيف : ولا شي
ذياب دخل : سلام
اسماء وسيف : وعليكم السلام
اسماء : وش صار ؟
ذياب : ابد كل الادله ضدها واعترفت هي بنفسها واتخذنا الاجراءات اللازمه
اسماء : وطيف ؟
ذياب : فكو السحر بس بتواصل مع شيخ وينتهي كل ذا الكابوس
اسماء : الحمدلله
ذياب : ايه والله الحمدلله
اسماء بحزن : منجد خطبوني ؟
ذياب : ايوه بس اذا ماتبين مو لازم
اسماء بمزح : لا وش يبه ما ابي
ذياب كبر عيونه بصدمه : وشو !
سيف : تمزح يبه ماتعرفها
ذياب : ايه احسب
سيف : بس طويله العمر عندها شرط
ذياب : وشو ؟
سيف : تعرس قبل الجامعه
ذياب : باقي اسبوع ! كيف بتخلصين !
اسماء : سهله بس يبي لها شدة
ذياب : بكيفك هذا قرارك
اسماء : هذا اذا وافقت
ذياب : يعني مو موافقه ؟
اسماء : مادري والله يبه ارتحت بس اخاف يطلع سيء
ذياب : لا معليك انا بسأل عنه
اسماء : اجل شوف اللي يريحك
-
صقر : السلام عليكم
حارس مدرسه ثانوي : وعليكم السلام امر وش بغيت يالغالي
صقر : ما يآمر عليك ظالم تذكرتني ؟
الحارس : لا ؟
صقر : اما انا اللي كنت انط اسوار المدرسه
الحارس : ياشينك تحسبها فله
صقر : كنت امارس هوايتي واوريكم مواهبي
الحارس : والله انها من الطيش مو مواهب
صقر : كذا انت تخرب سمعتي ياعم
الحارس : وش قصدك ؟
صقر : تعرف كبرت وتغيرت يعني راحت مرحله الطيش
الحارس : طيب وش تبي ؟
صقر طلع خمسين من جيبه : لو احد سألك عني منا او منا عاد لا اوصيك
الحارس : خمسين بس ؟
صقر : هاه كم تبي !
الحارس : اللي يجي خير بس زيد
صقر طلع ميه بملل : هذا اللي عندي
الحارس : طلع عندك فلوس وانا احسبك عاطل ماتفيد
صقر : معليك بس لا اوصيك
الحارس اخذ الميه : ابشر وانا عمك
صقر : لا تتقمص دور الطيب تراك ماخذ مني ميه ريال
الحارس : انت كم وقعت تعهد ؟
صقر : وش فيك امزح
الحارس : لا تمزح عندي
صقر : ابشر ،، ومشى تاركه لوجهته الثانيه وهم الزباين اللي دايم يجونه بمحل ابوه