لقـّيت قصيـدتي بعُيونـك ياغـرامي

the end

.
.
.
.
تتسابق الايام والليالي والسنين يكبر اشخاص ويأتي اشخاص جدد للحياه فتتغير  وتنقلب الاحوال ورغم المشاكل التي لا تنتهي سنظل اسر متكاتفه لا نفترق نواجه المصيبه ممسكين بيد ايدينا نشارك لحظاتنا الجميله سويًا سبقتنا الايام الى ان وصلنا الى هنا ....
.
بعد سنوات عديده من اخر لقاء ذكرناه وياكم
..
في بيت شارككم فيه لحظات جميله وطمأنينة
بيت نوره واهلها
الجازي : ملاذ ! تعالي وين رايحه برا
خرجت ملاذ الي تبلغ من العمر اربع سنوات للخارج بمرح وهي تلحق اخوها وبلغه مبعثره : همام انتظر
مسكها عاصف : وين رايحه مداوية ابوها ؟
ملاذ : بلحق همام شوف راح البقاله وما اخذني
عاصف : افا عليك انا اوديك
رزق عاصف بأربعة ابناء وبينهم اميره صغيره
< همام وهتان وملاذ وبهاج > ثلاث اولاد وبنت وحده ولكنهم العالم وكله عند عاصف
و بجهه اخرى عند طيف وسيف اللي متجهين لبيت نوره ومعهم اميره ثانيه صغيره (وتين)
حملها سيف : وتيني وش فيك ؟
وتين : ابي جده
سيف : الحين رايحين لها وشوفي وصلنا
وتين نزلت من حضن ابوها وراحت تركض لبيت نوره
طيف : انتظريني ... يلا مع السلامه
سيف : استودعتك الله
ابتسمت طيف من الكلمه المعتاده
دخلت البيت وهي تسترجع الذكريات وما امداها الا ابن نوف الاكبر (فيصل) نط عليها : ياكثر مشاكلك انت ماتتوب
فيصل ضحك : لا
طيف : وين امك بس ؟
فيصل : بالصاله مع خاله جازي وجده نوره
طيف : ملاذ موجوده ؟
فيصل : لا طلعت دوبها مع ابوها
طيف : ووتين جايه عشانها
فيصل هز كتوفه بـ مايدري
دخلت طيف وشافتهم متجمعين وابتسمت على لمتهم
بس استغربت من عدم تواجد سهام : وين سهام ومجد غريبه ؟
سهام طلعت من خلفها وهي حامله صينيه الفناجين : انا هنا
طيف : هلا والله
نوره : يامرحبا بنور هالبيت
طيف : اما عاد الحين صرت نوره وقبل وش كنت ؟
نوره ضحك : كنت ظلامه
طيف : اعوذ بالله ماصدقت على الله يجيني شوق منكم
نوره : نمزح معك
الجازي : اي والله نمزح معك ولا انتي مو بس نور هالبيت الا شمسه
طيف : ادري
نوره : شفتم هذي ماينفع لها المدح
طيف : شدعوه ياجده خلي نرجسيتي تطلع
جت وتين تحضن نوره بعمق
طيف : ذي توها تجيكم اجل وين كانت ؟
سهام ضحكت : بنتك ولا تعرفين وين هي ؟
طيف : الا دخلت قبلي
نوره وهي تسلم على وتين بحراره : ياوتين وتين القلب الي مابه احد يقدر يعيش بدونتس
طيف ابتسمت
ولكن استغراب وتين عم واتجهت تسأل امها اللي كانت بالنسبه لها كنز المعلومات : ماما وش تقصد جدتي ؟
جلستها طيف بحضنها وسألتها وهي عارفه رغم عمرها الصغير الا انها فطينه : حبيبتي الحين لو وقف قلب احد وش يصير ؟
وتين : بموت ؟
طيف : ايوه الوتين هذا شيء متصل بالقلب لو انقطع يموت الشخص
وتين : اها بس جدتي وش تقصد ؟
طيف : تقصد انك اخذتي من اسمك نصيب
وتين : كيف ؟
طيف : مو العرق اسمه الوتين ؟ هي تقصد انك زي الوتين لو سافرتي بدوننا بنموت
وتين ابتسمت : بس انا مستحيل اترككم
سحبتها سهام : وااازين اللي مابتتركنا
.
وفي جهه اخرى في البقاله عند عاصف اللي قابل سند
عاصف حضنه : معاد صرنا نتقابل الا بالسنه مره !
سند وهو يشد على حضنه : يالكذاب انك امس متكي في بيتنا
عاصف : بس يعني مو زي قبل
سند : ودك نرجعها ؟
عاصف : ليه لا بس ذي بتنشب لنا
ملاذ : وين بتروحون!
عاصف : بنروح نكشت
ملاذ : بجي
عاصف : آمري
سند :  صادق انت ؟
عاصف : ايه نكشت كلنا
سند : ماعندي مشكله اهم شيء نرجع ايام قبل
عاصف : تم جب مرتك وعيالك وانا بتصل على سيف وذياب
رُزق سند ( بالتؤام نواهل وهذال ورزق بأخت لهم سُميت هاجر )
.
اما في منزل اخر
دخلت اسماء بعد يوم مرهق حاولت انقاذ مريض وقدرت بحمد الله ارتمت على السرير بأرهاق وتعب وجهد اغمضت وعيونها وفتحتها من حست بأبنتها تلامس عيونها
اسماء : النوري
النوري : هلا
اسماء قامت لتقبلها : وش سويتي اليوم ؟
النوري : ولا شيء رحت عند جدة ولعبت مع البنات غميضه
اسماء : كويس اهم شيء انبسطتي ؟
النوري بحماس : ايوه وكثير جو اخوات جدة كلهم اليوم كانو فيه بنات كثير وكانت الغميضة صعبه !
اسماء : بس انتي قدرتي لها
النوري بغرور : اكيد دامني بنتك
اسماء انفجرت ضحكت وبدت تلاعبها : متى بتبطلين جنون العظمه ذا !
النوري ضحكت زياده
ودخل عليهم صقر : افا جلسه ضحك بدوني !
النوري راحت تحضنه وحملها
صقر : ايوه وش صار بيومك ؟
وصارت النوري تحكيه وش صار ومع مين لعبت
كانت اسماء تناظر الحنيه اللي عايشينها وتبتسم وهي تتذكر كيف بدت وكيف كل يوم ترجع من الدوام مرهقه لكن النوري وصقر يغيرون نفسيتها حمدت ربي وقامت تسولف معهم
.
وفي جهه نجد اللي ما سمعوا اخبارها من مدة طويله لكن بعد ان خسر عوض الله الشيخه قررت تذهب وتسافر لمكان مو معلوم وتغير اسمها وكل حياتها وعاشت مستقره وتناظر ابناءها من بعيد
.
وفي بيت عمار جاتهم الجازي
عمار : تو ينور البيت
الجازي : بنورك ياجد
الغيث : علامك اخر مره شفناك قبل يومين
الجازي : اجيكم كل يوم بس ياسيد غيث ما القاك
غلا : ايوه منشغل هالايام
الجازي : وش عنده ؟
عمار بسخريه : يربي في هالغنم
غلا : وناسي عياله وبيته
عمار : ماقدر لبيته راح لبيت الجيران
الجازي : واضح كلهم عتاب عليك
الغيث : هذي جزات اللي يوفر لكم فلوس ويسعى عشانكم
عمار : اسعى بس اربع وعشرين ساعه برا اتق الله !
الجازي : تهادوا كلها يومين
غلا : جت على اليومين ؟ له اسبوع
الجازي شرقت بالمويه : يالظالم من حقهم يعاتبون
الغيث : طيب وش اسوي ؟ نسيت نفسي
الجازي : راضهم واضبط نفسك
الغيث : طيب
الجازي قامت تسلم على راس جدها
عمار : وين رايحه بدري ؟
الجازي : لا والله اني ودي اجلس لكن ورانا كشته
عمار : ايه زين مع السلامه
.
في احدى الصحاري او تقريبًا فيه احد صحاري الجسور وتتعالي الاصوات المتخلطه بالنسيم البارد ورائحه الفحم منتشره بالمكان وصدق من قال (بالجليس لا بالمكان )
عاصف اللي على كحيله ومتلثم بالشماغ وامامه بنته ملاذ اللي مسوي لها ابوها عمامه وفرحانه فيها واجد كان مسرع بالخيل ومتمسك باللجام ووبنته كان منظر ملِئ بالحنيه
اما بجهه اخرى في الجلسه المقسومه نصف للنساء ونصف للرجال وعند الرجال بالضبط سيف ماسك العود وهو يغني لوتين اللي كانت جدًا حساسه  :
لالا وحرام من عقب الرضى تزعلونه
لالا شوفوا عيونه كثر نوحه دمرها
لالا اغليه لو كل الملا يرخصونه
لالا ولا حل في دنيا غرامي عمرها
لالا مايفهمون الحب ! مايفهمونه
لالا فوق الخيال وعنهم الله سترها
لالا ولا صرت انا محروم لا تحرمونه
لالا خلو هبايب نجد تنثر شعرها
....... وانهى اغنيته وهو يناظر بالكل ويقول :
لالا تضايقون الترف لا تضايقونه
لالا خلوه يجني من حياته ثمرها

ووتين المعززه لأبوها وهي ماتعرف وش السالفه ووش يقصد فقط مبتسمه وتصفق
ذياب : اتحدى فهمت شيء لو يقولها ابوها طيحي في النار طاحت
سيف شالها بحضنه : بسم الله عليها حبيبتي بنتي
ذياب : قصدي بمعنى مُجازي ولا ذي حبيبة الكل كيف نفرط فيها
سند : على انها تاخذ من غثاثة سيف الا انها تنحب
سيف : في بنتي قبول مو زيكم
.
اما في جهة النساء
نوره : يابنت شيلي الدله من النار .. وهي ترفع صوتها لطيف : ماتسمعين ؟
طيف اللي ماسكه اللابتوب وتكتب : وشو ؟
نوره : شيلي الدله من النار !
طيف قامت وهي متكسله انها تروح ولكن اضطرت
ولقت الجازي عند النار : وش تسوين؟
الجازي : شاهي ليه ؟
طيف : بس اسأل
الجازي : وانتي ليه جايه ؟
طيف : اشيل الدله من النار
الجازي : اوه شلتها شوفيها هنا
طيف : تمام
الجازي : فيك شيء ؟
طيف : لا بس متوتره
الجازي : عشان بكره ؟
طيف : ايوه
الجازي : ليه صدقيني الموضوع بينشهر وتكونين افضل شخص وقدوه
طيف : هذا توتر من جهه ومن الجهه الثانيه عندي قضيه لازم احلها
الجازي : اوف يلا عاد شدي حيلك فترة وتمشي
طيف ابتسمت بثناء للجازي : اكيد
ورجعت ولقت اسماء ماسكه اللاب : ياكثر اللقافه
اسماء : وش ذا يجنن
طيف : يلا بعدي رح اكتب اخر السطور
اسماء : اهم شيء تسربت لي
طيف : وجعاه ليش تقرين
اسماء : شدعوة عادي بس انصحك المره الجايه سوي روايه عني لاني طبيبه وتعرفين الاطباء ابطال
طيف : فارقي بس خليني اكتب النهايه
اسماء : ولا تصدقين اكتبي روايه عن حياتنا لانها اشبه بالروايه منجد
طيف : طيب ياصديقتي الحلوة ممكن تسكتين ؟
اسماء : خلاص درينا
طيف مسكت اللاب وهي تكتب
لم اعتقد نهايه السطور ستكون بهذه الصعوبه لكن لكل بدايه نهايه ولكل قصه بطله نعم انا تلك البطله ... انتظروا الامر ليس غرورًا أيضًا بعض الاشخاص ابطال نعم ابطال في عالمهم في حياتهم في قصتهم والبطل هو الذي يستمر ولا يتوقف عند اقرب محطة انتظار يستمر ويستمر الى ان تنتهي القصه مثلما اكتب لكم الان

قفلت اللاب وهي حزينه الروايه اللي عاشت معها معظم ايامها وسهرت عليها نعم ذلك اعظم فراق القصه بالراوي وأيضًا لا ننسى القصه بالقارئ

انتهى حبر قلمي للكلمات التي تمنيت بيومًا ان تنال اعجاب الجميع ولا تنسى وأيضًا لا تنتهي لكن لشدة اسفي انتهت الكلمات و عجز التعبير لم اعرف قط كيفيه الوداع لكنني الان اودعكم بـ استودعتكم الله وبأذنه نلتقي برواية جديدة وافضل

قـلم : طـيف العتـيبي
بدأت :1/8/2022
انتهت:18/8/2023
حسابي الكاتبة انستا : 9vit_y