لقـّيت قصيـدتي بعُيونـك ياغـرامي

37

اعتذر عن تأخير البارت واعتذر ان كان قصير
-
-
-

راح الغيث يبحث عن الجازي : بنت وينك ؟
غلا : هلا ؟
الغيث: لا الجازي وين ؟
غلا: فوق
الغيث : ناديها
غلا: ابشر ،،، وطلعت الجازي
الجازي : شتبين تطالعين فيني كذا
غلا ضحكت : اخوك يبيك
الجازي : ووش اللي يضحك ؟
غلا جلست : ولا شيء
الجازي نزلت للغيث : زوجتك ذي ماتستحي
الغيث : ارخي صوتك عندنا ضيوف
الجازي : طيب ليش مناديني ؟
الغيث : جاك خطاب
الجازي بملل : مين بعد ؟
الغيث : عاصف بن محمد
الجازي فز قلبها : هاه ؟
الغيث : يعني مو موافقه
الجازي : الا موافقه
الغيث : اثقلي يابنت الحلال
الجازي : كم هرمت من اجل هذه اللحظه
الغيث : ياللي ماتستحين وقدامي
الجازي : ايه
الغيث : انقلعي بقول له انك مو موافقه ،، وراح مسرع
الجازي : لا تكفى
دخل الغيث عليهم وهو مبتسم
عمار : هاه يولد وش قالت
الغيث : تقول اللي يشور عليه جدي
عاصف انصدم وناظر عمار بترجي
عمار : انا اشوف ،،، وسكت بتفكير كاذب : فيه الخير والله يتمم عليكم
الغيث جلس جنب عمار وبهمس : تراها موافقه
عمار : ادري ،،،، الله يتمم بينكم وعليكم
عاصف : متى اجيب الماذون ؟
عمار : اقول الجمعه الجايه افضل
عاصف: ان شاء الله على خير
وبدو يباركون لبعض وما استوقفهم الا صراخ ملاك بنت ريم ،،،،
فايز فز من سمع صوت بنته
ملاك : م،،،ماما
فايز بتوتر : وش فيها ؟
ملاك : النونو ينزل
فايز قام مستعجل
عمار ناظر عاصف وبمزح متصنع للجديه : قلنا الله يتمم على خير ماودك تفارق؟
عاصف ضحك بهدوء : ابشر ونعتذر ان تدخلنا في خصوصياتكم
عمار : لا عادي
وطلعو عاصف ونواف وفيصل بكل كرامه من بيت عمار
والكل ببيت عمار استعجل للمستشفى
عمار : صاحين انتم؟
فايز: ايه؟
عمار : رايحين كلكم للمستشفى كأنكم جيش !
هنا غازي انفجر ضحك على ذبة ابوه
عمار : خلاص ابو البنت مو صاحي خذوه معكم وعالجوه مره وحده وامها ورجلها نروح كلنا ليه؟
غازي: شدخلني يبه انت تمزح بالوقت الغلط
عمار : اقول روحو بس البنت بتولد وتخلص وانتم واقفين قدامي
طبعاً واتجهوا للسياره فايز وريم وام محمد وغازي وعمار
والباقين بالبيت وبعد دقايق معدوده دخلت ريم غرفة العمليات تولد

وبعد ساعات خرجت من العمليات وهي مرهقه لكنها رزقت بفتاة جميله والجميع كان فرح الا فايز لانه كان يبي ولد لكن قدر الله يختلف عن كل شي
عاطي : ارضى بقدر الله واحمده فيه غيرك يتمنى الضنى !
فايز: ماقلت شي يبه بس عندي بنت صار وقت الولد
عمار: لا بالله ولدك يا عاطي مو صاحي !
عاطي: قلتها يبه مو صاحي شفيها البنت!
غازي : اقسم بالله لو دريت انك قايل شي لريم او مضايقها بذا الموضوع مابتعاين خير "مابتشوف خير"
فايز : وضح لي وش بتسوي يعني؟
عاطي: انكعم ولا اسمع لك كلمه ترد على عمك !
فايز: بعرف بس وش بيسوي ؟
عمار: بيسوي اسوء شي تشوفه لانها بنته وتعلم منه شوف انت ربي رازقك ببنتين ومتضايق
غازي: ذا يبي له من يعالجه
عمار : بيهجد وثم ياويلك تفرق بين عيالك لا اذبحك
فايز سكت بتكشير
غازي : كشر ولا اسكت