عِقد الغسق.
#نورية علي.
” العِقد الأول “
جَسَدها مَليئ بالندوب والحروق
كَمقطوعة كلاسيكية قَديمة
تراقصت بِخلخال مُلتَف حَولَ خِصرها
فعُزِفت مُوسقىٰ تَعود لقرون ماضية
نظراتها مُعرضة للأخطاء الإملائية
لا تأخذ ولا تعطي، ثائرة مُتعبة
ذلكَ النَقص الغَريب في جَمالها جذاب
كَملائكة تَتكلم وكأبليس تؤدي أفعالها
أمَّلَت كُلُّ الجَوَارِحِ وَجهَهَا ولَم أرىٰ
سِوىٰ الهَلاك في غياهب عَيناها
قاسيه، متعجرفة وأنانية كأنثىٰ عَجمية غارِقة في الشِعر...
انثى قهريه، ترعرت مَع حَظها العاثِر الذي تَوارثتهُ عائلتها جيل بَعدَ جيل...
مُتعبة كَرئة تَدغمت أثر التَدخين
كالسمِ في ناب الإفعوان .
- نورية عَلي.
................
بغداد في إحدى الأحياء المُتوسَطة
ندخل إلى إحد المَنازل القديمة لنرى طفولة تَلكَ
الجَميلة ومَن ثُمَ نَهرب إلى الحاظر الذي
يُزينه الأسى !
بَغداد 1999 الساعة التاسعة صباحاً
كاعدة أني وأطفال المنطقة ولد وبنات
نلعب ونگمز بالشارع ..
شادة شعري گصايب وگاعدين نلعب
"دعبل"
صاح عباس الأثول ... وهو يكمز ويرعص مثل الما شايف
هيج التراب علينة.
_ فزززززززت هههههه ولكم فزت عليكم علىٰ عنادج رقية الهايشة فزت أني عباس ابو لباس فزت عليكم ...
مو جنتوا تضحكون وتگولون محد يگدر
يفوز عليكم اني فززززززززززت ...
تخصرت ورحت بأتجاهاهه اريد اهجم ما حسيت غير واحد جرني من كصيبتي.
_الصخلة شگاعدة تسوين أهنا..
جريت گصيبتي من ايده دفعته واردفت...
... أدعج الأعوج شتريد مني.
أدعج:- ولي منا.
...ما أولي وأذا انتَ زلمة تعال بلة..
ضربته علىٰ رأسه ونهزمت أركض عاط علية وهو يلحگني...
... ناااار الصخلة بالعباس أشكج تعاللي.
دا ألتفت عليه عثرت ووگعت وهو شافني وكعت اجا يركض... وهو عاقج ملامحه الوصخ...
أدعج:- الصخلة مو گتلج لا تركضين.
لزم ايدي دا يگومني وما أحس غير انشاليت من فانيلتي وأنسحلت بالتـراب والشارع كُله حَصو ضهري راح باوعت عليه بابا سحلني سحل للبيت
وإني أبچي وأصيح جسمي كله تجلغ وتجرح اصيح وأبچي وهو ولا چن ...
فتح باب البيت وطببني شمرني بالحـوش وگعت على وجهي وخشمي أنضرب وهو يصيح ويغلط عَلىٰ ماما...
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
