عِقد الغسق.
# نورية علي.
”العِقد العاشر“
اشْمِئزُ مُخالَطَة الناسِ ، أهوى الجلوس بمفردي .
-فاطِمَة
........
ضحك وجاوبني...
أدعج:- نامي جعل لحد ينام غيرج.
أبتسم ورفعت راسي اباوع عليه چان أشـوف أجراس واگفة بصف الباب وأبتسمت وردتلي الأبتسامة ودگت الباب ألتفت عليها أدعج وهي أردفت..
أجراس:- أسيـر جوة يريدك.
أدعج:- هسة أنزل.
هزت راسها وراحت باوعلي وحجه.
إدعج:- ضلي هنا لا تنزلين أنا أجيبلج الغدا تمام؟
هزيت راسي موافقة بدون ما أحجي طلع وأنا ظليت
گاعدة أتلفت خنگة وضوجة مو طبيعية كارهة الوضع
إلىٰ درجة ...
مر وقت وأنا متمددة وفجاءة أنفتح الباب ودخـل أدعج
حط صينية الأكـل على السـرير وطلـع بدون كلام!!!
كعدت أكل بهدوء والتفكير نهش عقلي نهش !!
بحيث إريد أتقيئ من كثر ما فكرت نفسي لعبانة من
كلشي بحيث حتى روحي كرهتها گمت فتحت العلاگة الي بيها العلاج وأدور على المهدئ سمعت الدكتور من چان يعلم أدعج عليه اخذت أثنين وتمددت على السريـر أباوع للسگف أتفحصه عيني راحت على أركان الغرفة شفت طفل اشگر واكف لكن بس رمشت إختفـىٰ!!
عيوني بدت تغلگ أريد إنام بس ما أكدر أنام أصوات بالحمام لمحت واحـد واگف گدام المراية ومبتسم ما أدريبروحي نايمة أو گاعدة جسمي خدران صدري يصعد ويهبط...
أنفاسي بدت تتباطئ اصوات مشتته أجفاني ثگلن وبعدها ماحسيت علىٰ شي لليل گعدت أمشي وأطوطح چني سكرانة دخلت للحمام غسلت وطلعت شغلت الأضوية والبيت هدوء حطيت شال على راسي ونزلت ماكو أحد !!
رحت للمطبخ وأحس أحد يمشي وراي ألتفتت ماكو أي شخص دا أدخل المطبخ وسمعت صوت تكسير دخلت بسرعة وتصلبت بمكاني من شفت ماكو شخص بس بزازين سود أربعة صغار بس شافني طلعن البيت فارغ لو أنا أتوهم؟
رحت للأستقبال وأشوف اجراس گاعدة تنهدت براحة ورحت گعدت يمها ضليت ساكته وهي ساكتة أخر شي اردفت..
أجراس:- نار اذا تردين تعيشين أنهزمي.
نار- ها.
أجراس:- يربي شگد فاهية أنتِ ما مِنتبهة شنو ديصير شعندج هنا وفاقدة الذاكرة وناس متعرفيهم وسامعتهم يحجون على الجرائم شني مخبلة.
باوعت عليها بعيون ذبلانة بس اريد أنام وأردفت
نار- وين ترديني اروح ما أعرف أحد حتىٰ نفسي ومن فتحت عيني هو گال أنا زوجج شنو أسوي بلة؟
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
