عِقد الغسق.
#نورية علي.
"العِقد الخامس عشر"
". واني احارب بحنجرتي اشواكاً مخفيا "
..........
أحس روحي تناثرت والدم تجمد داخل عقلي ما كمت اربط بس اتخيل اشياء ابشع من الي صارت وياي تصير !!!
فجأة صار صوت طگطگة برة وأنفتحت الباب غمضت عيوني بسرعة ونمت على بطني بحيث دحست وجهي بالمخدة صوت حذاء يرن بأذني حسيت على احد دخل على الغرفة و تصلبت من حسيت الغطة أنجر من علية وهو تمدد بصفي
وأيديه محاوطتني وراسه على كتفي تنهدت بحسرة حسيتها جرحت كلبه ...
غمضت عيوني قوي وكلبي يدك سريع وهو جعصني جعص بحضنه وأنفاسه على وجهي أردف بتعب ...
... اخخخ ولجج ناري من التعاركت وياج لسى ما فارگتي عقلي ضنيت ماراح اشوفج بعد بس ههههه رجعت شفتج بأنگس مكان والوادم الغشمة تعبوج بچوا عيونج ضيگوا خلكج، تعبتيني تعبتي كلبي وعقلي و روحي خبلتيني ماعدت أعرف شنو أسوي وشنوو أريد بس أفكرر بيج بس أريد أكمل شعلي حتى أرجع أتأمل تفاصيلج الي ما ترضى تهدني وأنتِ نايمة، خايف عليج رحمتي ...
سكت شوية ورفع وحدة من أيديه ويمسح راسي من فوگ الغترة ويحركها بهدوء ...
قربني إله أكثر بحيث أنلزك جسمي بجسمه حسيت شفايفه
صارت على خدي طبع قبلة رقيقة وأبتعد بسرعة..
... رحمتي الأدبسزز شسويتي بيه أني كاعد بهل خيسة شكول حب هااا، تعبتيني حيل خاايف عليج خايف تطلعين وتعوفيني خايف تتأذين خايف من نسمة الهوى عليج أحبج يناري نار أحب كُل شي بيج حتى أثرج أحبج وحق كُل شيء على وجه الأرض أحبج عبرت وتجاوزت الهَوس بيج حتى وأني نايم أردد أسمج بنص الضرب والرمي والرصاص والهاونات أنا أتذكر تفاصيلج بعز الموت تمرين أبالي .
كلبي يدك والدمعة متجمعة بهدب عيني ...
تحرك ودارني عليه وجهي صار بوجهة فتحت عيني وصارت بعينه الضوة الأحمر صاير عليه بلع ريكه ومسح دمعتي الخذلتني ونزلت بأصابيعه الخشنة..
تقرب مني بهدوء وكأنه يفكر يخطي الخطوة القادمة أم لا
صافن بعيوني وأني بصفه جمدانة أباوع بعيونه بدون ما أرمش حتى هو أصابيعه تتحرك على تفاصيل وجهي بهدوء ورقة وكأن حابب يحتفظ بشكلي عيونه نعسانة يباوعلي بهيام وصوت أنفاسه ونبضات قلبه وقلبي الشي الوحيد الي ينسمع ...
غمضت عيوني من حسيت شفتة إحضنت شفتي بخفة وبعدها تعمق دفعه على كيفي جسمي يرجف وكلبي أحسه يريد يوكف عَن النبض ...
لكن، چنت من داخلي رافضة ابعدة جنت أريده يستمر نزلـت ايـدي على صدرة وقُبلته صارت أرق جسمي يرجف بين إيده
حسيت بشعور أول مرة احس بي كأني حمامة تحررت أخيراً
بعد ماكانت محبوسة بقفص مُنذ ولادتها ..
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
