بسـم الله
عِقد الغسق.
# نورية علي.
”العِقد السابع“
بعد كُل هذا الثَبات، سَقَطتْ أثر لَمسة!
- نُورية علي.
........
أنزل وفجاءة حسيت واحد دفعني وگعت بالگاع وعطت أيدي شاغت غمضت عيوني وفتحتهن أباع على الدرج مثل الظل صعد والطفل يحوم دايـر مدايري ...
فوگ الرهبة والخـوف وحدي !
ماما ماخذة علاجها وبيـه مُنوم هسة لو البيت ينگلب ما تگعد سمعت صوت شي أنكسر والصوت جاي من المطبخ التفتت للمطبخ وأشوف الرجال نفسه إلي بالصورة واكف وملابسه وصخه وخازرني كلشي بية أرتعد رجعت ليورا وأني أزحف
وهو وآگف بمكانه ما تحرك أبد أطرافي ترجف والطفل واگف بصفي وبتسم يأشر علىٰ الرجال خوف مو طبيعي شعر جسمي كُله وگف من شفت عيونه توسعن وملامح وجهة أختفت وضهرن ملامح أخرى كأنه حيوان وعنده جناحات بس بعدها ما حسيت على روحي ومن الخوف أغمىٰ علية ....
فزيت وگمت وكف على حيلي وأنا سادة أذاناتي على صوت صياح جهال ونسوان اريد أتحرك ما أگدر دموعي تجري وراسي يريد ينفجر أحس گلبي حيوگع من مكانه رفعت رأسي وأشوف الرجال نفسه واگف يباوعلي جمدت بمكامي وأردفت بصوت عالي...
نار- دخيلككككك يا علي نادي علياً مظهر العجائب تجده عوناً لكَ في النوائب كل هم وغم سيجلي بولايتك ياعلي.
وأنا گلت هيج البيبان گامن يتراگعن ورياح قوية ملت البيت رحت ركض الغرفة ماما ما أدري شنو صار بس كلشي صار سريع أدك على الباب أنثولت أريدها تنفتح ماكو والرجال واكف يباوعلي والطفل يضحك والبيان مالت البيت تتراگع والرياح القوي وفجأءة....
ماما فتحت الباب ولايت بأيدها باوعتلي موسعة عيونه
وأردفت بخوووف.
سُمية:- ولج شبيج؟
لزمت أيدها وحجيت وانا أرجف
نار- يمةة رااح اتخبل گوليله خل يعوفنيي الله عليج.
ختمت كلامي وأنا أبچي وأرجف من الخوف أردفت وهي تِمسح راسـي ...
سُمية:- أشش ماما ماكو شي هذا تخيل يجوز من التعب والأرهاق هاي أنا مدا أشوف شي.
وسعت عيوني وأردفت بأنفعال...
نار- صوت البيبان ما سمعتيهن يوووووووم الله عليج لا تخبليني !!!
سُمية:- ولجج شبيج يا بيبان أنا غير تخبلت من وراج أدگين
بالباب هي مو مفتوحة گلت هسة طب حرامي للبيت.
نار- لو طاب حرامي أفضل
ما أدري شلون وأجتني كفخة على راسي منها فرت راسي
فر لزمت رأسي بألم وأردفت ...
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
