عِقد الغسق

"part 5"

عِقد الغسق .
#نورية علي.

"العِقد الخامس"

أنا فقِدتُ نفسي فحسب لا بأس بهذا.

.........

وكل ما صارت عصبية وكالت:- أنتِ سبب دمار حياتي،كلج على بعضج غلطة شكد انقهر احترك
حرك بس أبين عادي وما مهتمة ...

حتى كلامها حفظته گد ما تعيده

حضرت العجينة وخليتها بالفرن، حصؤت غراض التزيين وكعد اسوي باقي الحلويات وانشتلت إلى 2 الضهر أنا أسوي بيهن شنو عازمين العراق كله !

حتى غدة مثل الأوادم ما أكلت أجوي اخذوهن وأنطونا الفلوس رحت تمددت على القنفة جسمي متكسر تكسر كد ما مدنكة ...

للعصر سمعنا صوت عياط وهوسة بالشارع لبست حجابي بسرعة وطلعت ونصدمت من عرفت حجية سراب جيرانا ماتت !

مرة كلش طيبة وحبابة وبعمرها ممأذية أحد حتى جناينها واولادها وأحفادها وحتى الجيران يموتون عليها...

أباوع باب بيتهم ما ينطب كد ما ناس متجمعة وبناتها وجناينها متحاضنات يبجن ولدها يبجون ما تحملت المنضر الله يساعدهم

دخلت أكعد ماما ... دنزتها بكتفها وأردفت

- يمة يمة كعدي بيبي سراب ماتت .

ماكو لا حس ولا نفس صحت بصوت عالي وأني انغز بيها

- يمااااااااااااااااااااا كعدي عااد .

فزت وتحرك وجها ...

سمية:- ولج شصاير .

- هاي شبيج يمعودة دا اكعدج ما تكعدين بيبي سراب ماتت

سمية:- شنوووو

- هسة شنو شنو المرة ماتت كومي بدلي دا نروح البيتهم .

وسعت عيونها وأردف ..

سمية:- عززا الله يرحمها كلش خوش ادمية .

- قابل ما أدري.

سمية:- شكد تناكرين.

عفتها وصعدت بسررعة بدلت ونزلت لكيتها متحضرة
رحنة البيتهم ولكيناهم توهم طالعين للدفنة

البيت هوسة هاي التبجي وذيج تتعارك وجهال يبجون ويدورون على أمهاتهم رحت دا أكعد جتي يمي جمارة ...

جمارة:- عيوني نار بس كومي ساعديهن بالطبخ متعاركات ولا همهن شي اروحلج فدوه لو بيه جان
ماخليت أحد يمد أيده والله.

نار:- لا ولو فد نمونة هسة أكوم بس تعاي وياي ذني الحياية ما أتحملهن ..

ضربتني على ضهري وأردفت ..

جمارة:- لا يسمعنج .

رحت للمطبخ واشوفهن كاعدات يسولفن

تشلهت وشديت الشال على راسي وكعدت أطبخ ...