عِقد الغَسق.
#نورية علي.
” العِقد الواحِد والعِشرون “
وليسَ لنا فِي الحنين يَد
وفي البُعد كان لنا ألف يَد
سلامٌ عليك، افتقدتكَ جدًا
وعليّ السَلام فِيما افتقِد..
......
”رَنين“
شلت استكان الچاي ونور الدين مچلب بدشداشتي وبيچي
رنين:- ماما وخر بَس خلي أنطي الچاي الأبوك وأجي شبيك ثولتني.
عفته ورحت انطيت الجاي الـ ضرغام وأني اعيط
ضرغام:- شبيج ياروحي.
رنين:- منا وهيج أنتَ تخدم روحك مو كُل شوي جاااي اريد استكان جاي عيوني رنون جيبيلي استكان جاي
عندك رجلين وإيدين وتگدر تمشي ما بيك كساح هذولي جهالك يكفون، هاك اسمع بس يبجون وأنتَ هنا تشرب چاي ولا کأنك تسمعهم.
عفته روحت حتى بدون مايحجي، شلت نور الدين وبس يرفس حرت شنو يريد تعبني وبزعني نانيس بالگوة نامت وگعت على صوته تبچي وعلى بچيهم گابلتهم وكعدت ابچي اريدهم يسكتون ماكوو
ملخت نفسي ألطم وازلغ وجهي، اعض اصابيعي بدون صوت وبَس أريدهم يسكتون أنفتح باب الغُرفة ودِخل ضرغام
ضرغام: هاي شبيج رَنين.
جاوبته بين دموعي:- بَس يبچون تعبوني نانيس نامت ونور گعدها شسوي مثلاً أرکص وأنتَ ولا چن تسمعهم ألي يگول جهالي مو جهالك..
ضرغام:- اشش اشو مسحي دموعج، لا تصيرين هيچ يبچون سكتيهم مو تگعدين تبچين تخبليهم بالزايـد.
شال نور وهو فاحط، طلع برة ونانيس تبجي تريد أبوها تغار من نور...
گمت غسلت ورجعت شلتها وأفتر بالبيت وأطبط على ضهرها بهدوء لحد ما ثگلت انفاسها نومتها وطلعت لملمت البيت وغسلت مواعين العَشة..
شوي وإجا ضرغام ونور نايم بأيده راح نومه وإجا للمطبخ ما باوعت عليه ولا حجيت ظليت انضف وأرتب وهو عينه تمشي وراي لحد ما بزع، لزمني من أكتافي رفعت عيني اباوع بعينه گال
ضرغام:-رنرون ما قصدي أعوف الجهال عليج بس والله العظيم من شغلة الشغلة وأنتِ تعرفين غير على حسابكم دا أشتغل حتة ما مرتاح، منا وهيج أخذ واحد من الجهال اخلي يم بيت أهلي ومن ارجع من الدوام اجيبه.
رنين:- مداعي توديه يم أهلك هم جهالي وأني أدير بالي عليهم، لا تنقهر ولا تضوج بَس أني أنفجرت ابچي لان جنت مخنوگةة لا أكثر.
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
