عِقد الغسق.
#نورية علي
”العِقد الثالث عشر“
يُحاول زَرع السلام فَوقَ خصري، ناسياً إني التؤام الثاني للحَرب!
-نورية علي.
...........
النسوان يبجن وصوت الشباب يغلطون ويسبون و هذول المجرمين يضربون بيهم واحد يصيح بأسم الأمام "علي" «عليهِ السلام»
والنسوان ملفلفات ارواحهن خاف واحد يحاول يطخهن واني واكفة أباوع وگلبي يدگ قوي ولشتي تنتفض ما حسيت إلا أسير دفعني يمهن فاكة عيوني واكو حجار بالگاع راح ضهري من الوگعة وشاغت روحي احس کأني لبوة أنقضوا على أسدها ونهشوا لحمه أمام ناظرها وهي عاجزة!
أباوع على أسيـر الحقير شلون واگف مبتسم ومكيف
و اكو واحد واكف وراه يحرك بعيونها ويأشر للشخص الي يياوعله أسيـر تقرب منه و بدون مينبه أطلق رصاصة استقرت بمنتصف رأسه!
جمدت بمكاني وحدة تعيط وتلطم ومرة حاضنة مجموعة بنات مخلية روسهـن بحضنها وهو راسه وكع بالگاع وملامحه
وجها مثل ماهي فاتح عيونه ومبتسم..
صاحت وحدة وهي ترجف
... عيونو مفتوحي غاح ياخذنااا يمههههههه وينج.
حضنتها وحدة بصفها وهي تمسح على ضهرها وتحجي بحنية.
... أشششش ما يگدغ ياخذج مساع هم قتلوه مات يعمغي مات.
... غوحو تحوم حولينا والله يجوز ياخذنا.
حضنتها قوي وأنا رغم بهل ضيم غرت منها..
... قمغ شو باوعيلي أنا هين يمج لا تخافين ما أموت ما أغوح وأعوفج وحدكي.
درت وجهي عنهم ودموعي تنزل اخذوه وأنا صافنة أجوي أثنين أخذوا العجايز وحدة من البنات گلبت الدنيااا.
... أمي ما تاخذذوها يا سفلة حقررارء أولاد الزناااا روحوا أطلعوا للجبهاات واجهوا الرجال لاتضلون تبيعون تشترون وتغتصبون النسوووان گدرتگم علينة لانكم بلا رجووولة
أجة واحد عليها مثل الثور لزمها من رأسها وأردف.
... مولاي هاي الـ**** إلي أني أريدها..
المولا:- أنها ملكك يا أبو قرضاب.
أخذها وهي تدفع بيه وهو چهرته تلعب النفس شعره برتقالي نازل على وجهة وملابسة متربة وريحته الي يگول سابح بسيان..
صاحت وحدة وهي تزلغ بوجها.
... كِناز لا تعوفيني الله عليج أختي أبوس ايدكم لا تاخذوها
ما أهتموا الكلامها وأخذها الي أسمه أبو قرضاب !
مر وقت بين الصياح والعياط وهم يفصلون النسوان ويوزعونهم على بعض إجة واحد من بعيد يركض وشايل
سلاحه وهو يصيح إجة أبو الغسق يا مولاي
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
