عِقد الغَسق.
#نورية علي.
"العِقد الثالث"
الرصاصة التي تقتلك لن تسمع صوتها.
...............
كلش زين تعرف أجراس تغار من شعرها وهي تتعمد تسوي كصايب وتلعب بيهن حتى تقهرها أجراس شعرها قصير حيل إلى درجة وخفيف بس الحلو بيها !
شكرة هي وإخوانها إما "نار" طالعة زرگة
على أبوها الي حتى ما تعرفه أو شايفته
بحياتها كُلها ...
التعنيف الي تعرضتله ما يتحمله طفل عمره ست سنوات فقط ! بس هي قوية وعندها طاقة تحمل عجيبة
وكلش نبهة مو مثلي !
كتلة "غباء" لا طالعة على أبوها كُل صفات
الذكاء والأستغباء بيه ...
وعلى كولتهم الي من إيده الله يزيدة
أنا ركضت ورا أحمد وما شفت غير بس طيحان
الحظ !
تذكرت مرة إمي الله يرحمها كلتلي من جنت
أحب فقار "أبو نار"
" كل علاقة غير شرعية يا يمة، هي محرمة... لو تقاسمتم الليل قياماً و سجوداً، حتى لو چان يگعدچ الـ صلاة الفجر، الي يحبج يخاف عليج من عذاب السعير، ويسعى حتى يخليج غالية ! ما يدنسج... يا يـمة حتى لو تزوجتوا راح يبقىٰ هذا الذنب على عاتقكم !!
اذا ماطلبتوا من الله الرحمـة والمغفـرة ها عمري علاقة بدايتها ما ترضي الله عزة وجل ما ترضي صاحبها !!
أقطعي هاي العلاقة لانها أعاقة، أعاقة القلب أذا تعلقت بغير خالقها "
بس أني أسمع منا وأطلعها منا فزيت من صفنتي علىٰ صوت أبو أجراس.
... تفضلي أختي وصلنا.
نزلت وبأيدي نار البيت چان متوسط المساحةومن الخارج جيـد...
دخلنا للبيت بيه حديقة صغيرة وغرفة نوم وحدة
جوة، مطبخ صغير وأثـاثه كامل !
صعد فوگ وأنا ونار وأطفاله ألتفتت اباوع الـ أدعج حاضن نار من أيدها وهي تدفع بيه وعاقچة ملامحها وهو ولا کأن وهو الأبتسامة شاگة حلگه وأجراس تخزر بيه ...
هي لمحت أجراس ! أبتسمت بغرور سحبت گصيبتها ليگدام وتحرك بيها.
إنتبه أدعج عليها وأردف
إدعج:- حلوة تخبل گصيبتج.
نار:- مثلك الهبل.
كرص خدها وهي مبتسمة هسة عسىٰ ما يموتها أدعج عادي عدها...
صعدنا فوگ جانن اكو بس غرفتين وصالة وبعدها أعتذر أبو أدعج وراح.
ضلينا بس أنا ونار وحدنا.. رتبت الملابس وفرشت ونمنا وهيج مرت أيام
مُرَ بكُل ماتعني الكَلمة...
بيوم طلعت أدور شغل منا منا ماكو !
اللگمة صارت حصرة علينا إلىٰ أن شفتنا جيرانة
وگالت عندها شغل يفدنا...
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
