عِقد الغسق.
#نورية علي .
”العِقد الحادي عشر “
ثم تجد نفسك مجهولًا في الوجهة الوحيدة التي اخترت فيها الوضوح.
...........
دخلنا للمكان وعرفت بيه مصح عقلي!!!!
اليأس محاوطني دخلنا للمصح وهم يجرون بيه نمشي بالممرات وصوت الصياح البجي وهوسة وممرضات يركضن دخلنا الغرفة الدكتور مدري المدير بلعت ريگي تزامناً مع كلام أجراس ..
أجراس:-لسلام عليكم دكتور.
رد السلام وهو يكتب
-وعليكم السلام.
دا يحجي ياسر گرصته أجراس..
اجراس:- دكتور هاي أختي مريضة نفسية لا مخبلة هم شوف شكلها
تگتل وتأذي بروحها باوع على راس اخوية البارحة كسرت التيلامب براسه وهو يحاول يسكتها گاضيتها بس تصرخ وتبجي واذا أشوفك جسمها كُله حروق هي تحرگ وتجرح نفسها حتىٰ إحنا تأذينا.
قطب حواجبه الدكتور وعيونه علية.
-أمج ابوج وين؟
جاوبته بقهر:- إمي متوفية وإبوية متزوج واخذ زوجته وسافـر وعافنة إحنا الثلاثة وهي أنجنت علينا اربع وعشرين
ساعة تتعارك وبهذا البرد تسبح بمي بارد تخيل دكتوور !
عضيت شفتي واستسلمت كُلشي ما بيدي.
دموعي نزلن وأني أشـوف أجراس تنطيه مجموعة تقارير تغيرت ملامحه وأردف.
- المريضة تعاني من مجموعة اضطرابات ليش ما تعالجوها عند دكتور نفسي أفضل من المصح رُبمـا حالتها تسوء أكثر وبالنسبة إلها أکو أمل إنها تتعالج.
لبكت أجراس بسرعة
- لا دكتور الله يوفقك خليها هنا لو تدري كم دكتور وديناها وإخر دكتور گال دخلوها مصح لذلك جبناها هناااااااا.
باوع الدكتور علية وأرجع نظره للأوراق وضغط على زر بصفهمر وقت قصير ودخلت مُمَرضة ماكو فرق بينها وبين المرضى اصلاً بسبب الأصوات إلي يدخل صاحي يطلع مخبل ...
... نعم دكتور.
- صبا أخذيها للمَريضة.
هو گال هيج باوعت على أجراس وابجي وأتوسل بيها
نار- الله يوفقج لا تعوفيني هنا والله اطلع وأعوفكم كلشيي تريده اسويه بس لا تتركيني وحدي أتخبل هنا حتى أدعج اذا رجع ما اكول أله اجراااس الله عليج.
تهسترت ابجي واهز يبها مجلبة بأيدها وهي ولا كأن حضنتني واردفت
أجراس:- أبقي هنا تتعالجين.
دفعتني عنها وطلعت صيحت رجيت الغرفة رج بصوتي ما اريد اروح وية الممرضة ملخت روحي تملخ گام الدكتور من مكانه وجتفني واني أرافس شخطت وجهة بأظافري...
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
