عِقد الغسق.
#نورية عَلي.
"العِقد الثاني"
يَتَحدثْ عَن بُكاء الأشجار
واضِعاً قَدمه علىٰ مِنضَدة خَشَبية
ومِن ثُمَ يَتحَدث عَن الحُرية
ومَنزلهُ مَليئ بالعَبيد.
- نُورية عَلي.
............
دار وجها تغطا ونام ثاني يوم الصبح گعدت على صياحه
يگول چنه ديچ هالسين ريشاته سويتلة ريوگ وطلع نار ريگتها ونضفت البيت...
صار الضهر وهو ماكو ! مو من عوايده يتأخر
تغدينا ونمنا وهو ماكو أتصل عليه تلفونه مغلق !
گعدت العصر علىٰ صوت دك الباب و عياط عمتي وصياحها ونحيبها طلعت مرة وتقاجئت من گالت ....
"احمـد مات"
داعمـته سيارة وهو ديرجع للبيت وصاحب السيارة شارد
ما بچيت ودمعة ما نزلت مني وكأن سمعت خبر تحرري فرحانة مثل سَجين تم افراجه بعد ماكان متهم زور راحوا دفنوه والبيت انترس نسوان وهي تدعي وتنوعي
أم أحمد:- يمه ولدي مات يمة انا منيلي ضنا
بعد وين اشوفك يمة عافيتي صارت جوة التراب أبو ضحكة الحلوة أحمدي يييييمة وين عفتني لك وليدي كتلك المايخاف ربه .
تبچي وتلطم وتزلغ بوجها ملخت نفسها حضنتها وأبجي مو عليه هو دمعة ميستاهل خاني وخذلني وثقت بيه وتركت دلال أهلي ومالهم وأجيت وياه عشت بفقر راضية بس ذيل الجلب ماينعدل مثل ما نهبني من أهلي خاني وية غيري.
بس أنقهرت عليها متت والبيت انهجم نسوان و زلم حتى نار نسيتها وأنشغلت وية النسوان هنا يطبخن ويعزلن انا مالي خلك لمحت نار واگفة بزاوية
وشايلة چيس جبس وعصير وأدعج وأكف يمها وهي كاعدة مبتسمة وشفتها مشگوگة أثر الضرب ...
أنتبهت عليه شايل مشط وقراصات وگاعد يريد يسويلها گصايب وهي تگرص بيه وهو عاقج ملامحه
عفتهم ودخلت جوة لگيت مرت حماي عبير
عبير:- مات خلصت منه فلوسه والورث كله
راح يصير إلها والبنتها...
زهراء:- ما جازت إلىٰ موتتة.
عبرتهن وفتت الغرفتي ما بية حيل غثة طبيت الغرفتي سبحت وطلعت وإسمعهن أيعيطن وأسم نار يلج بحلوكهن
لفيت شالي وطلعت لگيت عبير روحها مفرفحة وأبنها يبجي و زهراء جارة نار من أذنها...
رحت ركض جريتها منهن وصحتت
سمية:- گطيعة كون وخرن عوفنها السعاللي جاهلة شمسوية وهيج تضربنها؟
كمزت عبير من مكانها
عبير:- باعي شوفي شمسوية شلون مدمية أيد كرار اكو واحد هيج مسوي شوفي الكلبة شلون غاضتنه شالعة جلده، أنوب جيت دا أضربها جلبت بية وغضتني
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
