عِقد الغَسق.
#نورية عَلي.
" العِقد العِشرون "
يا غَائبِي فَاض الشَوق لرؤيِتكَ.
........
حچة رامي تمنيت ميته ولا سامعته اردف بمقت...
رامي:- مو تريدها إخذها ولا تشوفنا شكلها ولا إلنا دخل بيها بـ؏ـد هاي اللحظة ماعندي أخت بعد شتسوي بيها سوي كبعها واخذها اذا بقت هنا عشر دقايق ادفنها عدلةةةة تفهم.
وهنا من الوجع والهول الكلام الي سمعته أغمى علية...
فتحت عيوني راسي دينفجر من الوجع گاعدة بالسـيارة إلتفتت الـ ضرغام وأني أردف بألم.
رَنين:- وين رايحين؟
حجة بدون ما يباوعلي
ضرغام:- للشقة مالتي، هسة البيت هوسة والحياية ملتمات.
ماجاوبته غمضت عيوني وإحس كُل عضلة بية متكسرة، استاهل كلشي صار كله من إيدي لازم أتعلم ما أثق بأي أحد بسرعة وأبين مشاعري وبعدها وبكُل برود يستغلوني.
والطريق هادئ ماكو ازدحامات مرورية وصلنا للشقة صف السيارة ونزل بسرعة ساعدني انزل ذبيت ثگلي عليه وبالگوة أدوس على رجلي...
فتـح الباب ودخلنا، ماركزت بتفاصيل الشقة أو الأثاث
خلة ملابسي على التخم واردف..
ضرغام:- طبي سبحي بين ما انزل اجيب علاج من الصيدلية قريبة هنا.
عافني بدون مايسمع جوابي دخلت اسبح وجسمي يحرگني لما خلصت طلعت روحي گعدت على كيفي
ابدل وبالگوة أرفع أيدي...
طب ضرغام أنطاني الدهون والكبسول وطلع يصب العشا...
گعدت أدهن جسمي وأون وية كل وجعة أدعي على روحي لو ميتة ولا مسوية هيج علمود علاقة عابرة دمرت سمعت وفقدت ثقة أهلي لدرجة شمروني بدون مايرفلهم ﺟـفن!
خلصت وصاحني اتعشة كعدت اكل بدون نفس بس حتى اشرب العلاج انتبهت عليه من گال
ضرغام:- باجر نعقد سيد، أما المحكمة من أخوج ****
يهوبد شوية عود.
نزلت دمعتي وأني اردف..
رَنين:- والله علاقنتا چانت شريفة حتى صوري الدزيتهن مابيهن شي صح بدون حجاب بس والله بس وجهي.
أختنگت وهو إجة گعد بصفي ضغط على أيدي قوي وهو يگول
ضرغام:- شي صار وراح لاتضلين تفكرين بيه كلشي ماراح تغيرين بس تقهرين نفسج، كلنا بشر ونغلط عادي شنو حلال علية وحرام عليج...
المهم تعلمتي وبعد ماتعيديها وتحاسبتي على سوايتج وهذاك الـ **** خليتهم *** وابو فاضل، ولاتخافين من احد الي يدوسلج طرف منا وهيچ، أدوسه كله...
أنت تقرأ
عِقد الغسق
Mystery / Thrillerجَسَدها مَليئ بالندوب والحروق كَمقطوعة كلاسيكية قَديمة تراقصت بِخلخال مُلتَف حَولَ خِصرها فعُزِفت مُوسقىٰ تَعود لقرون ماضية نظراتها مُعرضة للأخطاء لا تأخذ ولا تعطي، ثائرة مُتعبة ذلكَ النَقص الغَريب في جَمالها جذاب كَملائكة تَتكلم وكأبليس تؤدي...
