يوم الله بلاني بالحب حبيت طفلة

البارت السابع عشر

مزنه .. تمشي بسرعه .. في الشارع .. تبى توصل البيت ,..

مزنه :: حراااااااااااااام عليك اللي سويته بي يا طلال
و الله حراااااااام
ام حمدان : يااااااااا مزنه.. ياااااااااااااا مزنه

لا حياه لمن تنادي

دخلت .. مزنه البيت و سكرت ع عمرها باب غرفتها

و اتجهت بسرعه حق ستارتها و سكرتها ..

و يلست ع الارض و بدت اتصيح بطريقه هستريه ..

<< طخ طخ <<
ام حمدان : افتحي الباب يا مزنه .. بسم الله بلاج الشو صابج ...؟؟؟
مزنه تمسح ادموعها و اتحاول اتغير من نبره صوتها : ما صار شي امايا ما صار خلني ارواحي

ام حمدان : يعني شقايل اراواحج ..,.؟ ها افتحي الباب اشوف
مزنه : اماااااااااااايا ما في شي بس انا اتضاربت مع منال
ام حمدان : مع منال ..؟ معقوله عمرج ما اتضاربتي ويها ..؟
مزنه : لك شي بدايه امايا الا ربج ماله بدايه وله لا نهايه
ام حمدان : الله يهديج يا رب ... س فهمني الشو صاير
مزنه : هب صاير شي امايا الله يخليج خلني الحينه خلني ارواحي
ام حمدان اتهز راسها و اتروح
##################

طلال واقف بالغرفته و يتمنى بس تنفتح ستارت مزنه ..

لكن .. ابد ما انفتحت .. ,, يشوف ظلها يتحرك .. و اختفى فجأءه

و هو يلس ع شبريته ..و ما ظهر من غرفته

منال اتحس بالذنب و دقت ع مزنه كم مره و لا ردت ... لا ع البيت وله ع فون امها .. و قررت اتشوفها بالمدرسه و اترمسها

..

..

في صوب ثاني

<< طخ طخ <<
ساره : اتفضل
ام حارب تحدر ... و اتسكر الباب ورها ...
ساره .. حست حق الشو امها ياي .. ,, فحبت تستغل اللحظه
ساره : امايا زين يتي انا ابى اظهر اليوم مع اربيعاتي بيمر عليه ادريول اربيعتيه اوكيه
ام حارب تنهدت : يصير خير
ام حارب: بنتيه .. انتي بنتيه ا لوحيده و مالي غيرج انتي و اخوج حارب
ساره : و نحن بعد فديتج مالنا غيرج انتي و ابويه ربي يحفظكم خير فيه شي ..؟
ام حارب: بتردد واضح .. بنتيه امسات خالتج ام سعد يت و خطبج حق طلال .. ولدها .. ترى و الله طلال ر يال ينشد به الظهر و ما عليه رمسه
ساره : بحزن يملع بعيونها .... يصير خير امايا عطني فرصه افكر
ام حارب: خذي اللي تبغينه من الوقت بس اهم شي انا ما ابغى هذا ياثر بدراستج .. اهم شي عندج هالسنه دراستج لا تنسين انتي ثونيه عامه هالسنه ..
ساره : ابتسمت .. ابتسامه بهاته نشت امها و باستها ع راسها .. و ظهرت من الغرفه
<< اموت انا ؛؛<<
ساره : الو
نوال: ها الشو قالو اهلج طاعو
ساره : قالوا يصير خير
نوال : يعني الشو
ساره تبدل مزجها : ههههههههههه يعني هيه
نوال بفرحه : هههههههههههههههههه زين زين عيل بطرش لج الدريول .. بعد ساعه و نص
ساره : اوكيه
نوال : مع السلامه
ساره : مع السلامه
نشت ساره عسب تاخذ شور بس .. حبت اتسوي شي .... قبل لا تحدر الحمام عزكم الله
<< sms<<
سالم في الدرب رايح بوظبي .. عسب سالفه العرس ترى هم حاجزين الفرقه من هناك و يبى يسير يوقع كم ورقه و يعطيهم العربون .. و خصيصا انه ماخذ اجازه .. حق هاي السوالف اسبوع .. بس اللي قدره .. المسج اللي وصله من ساره