يوم الله بلاني بالحب حبيت طفلة

البارت 33

السبت الصبح ,,
نشوا البنات مع بعض ,,هذا اليوم اشويه كان كئيب < يسمونه البنات يوم الرحيل<
كل واحد يسير داره
تغسلوا البنات و صلوا و نزلوا تحت طبعا المقطاعه للحينه موجوده ,,,خخخخ
الشباب يالسين يترقيون اكبر طاف خبروا البشاكير يحطون لهم الريوق في الحديقه
مزنه : الحين من زين الجو يعني ,, عسب نيلس في الحديقه
غدير: غبيه انتي ما تفهمين غااايض بالشباب
مريم : بنات ترى شي وحده خاينه
كل البنات طالعوها و خلود ركضت و حطت ايدها ع حلج مريم
خلود : سكتي الله يفضحج
كل البنات تموا يطالعون خلود
غدير : هديها خل ترمس
مريم : هييييييه برمس ,, ترى خلوووود اممممس تمت ترمس مع سالم طووويل الليل و ما سكرت عنه الا ع اذان الفير
كل البنات منصدمات
العنود : ما اقول الا مااااااااالت يا الخاينه
مريم : خلاص بنات بنسوي حزب بروحنا
غدير: صح لا تلسين عندنا شلي ريوقج و روحي عنا
خلود تضحك ,,
مزنه و غدير رفعوا حوايبهم
خلود صخت : انتو من صدقكم الحين
البنات صاخااات
خلووود شلت اكلها و روحت داخل يلست مع الحريم
حميده : غررريبه ,,,.!! جيه مخليه البنات و يايه عندنا
خلود تستحي اتقول راغوني ,,,
خلود : هأ لا يدوه خلاص انا غديت حرمه الحينه و لازم ايلس مع الحريم صح امايا
ام عبدالله : صح فديتج
خلود احذال امها و تمت تاكل
صوب البنات مقهووورين من خلود و يتحرطمون عليها
مزنه : صدق خاينه هالبنت
مريم : خل اتولي ما بنرمسها
امل : الحينه لا تعكرون مزاجي ابا اكل انا
صوب الشباب
كان طلال و حمدان اول ناس من الشباب نشوا و يلسوا يتريقون اليوم سفر ,, حمدان
طبعا ,, حسن ,, تخيلوا انه مره من عند طلال وو
طلال : صباح الخير حسون
حسن اكتفى بنظره احتقار و روح
طلال استغرب ,,,!!
و ما علق ع الموضوع
حمدان : ,, طلال تعال ساعدني اشويه
طلال تحرك
طلال : هأ
حمدان : دخيلك خذ مفتاح السياره من جسوم و عط حد من البشكاير و خل ايون يشلون الشنط
طلال : متى طيارتك انته
حمدان : ان شاء الله 4 العصر
طلال : توصلون بسلامه
حمدان : الله يسلمك
طلال ظهر و ناد البشكاير و البشكاير بدورهم نقلوا الشنط للسياره
حدرت عليهم ام حمدان الميلس و سلمت ع طلال
ام حمدان حاسبه طلال شرات ولدها لانها هي مربيتنه
حمدان : مبتسم لامه ,, هأ امايا الشو سويتي ع السالفه
ام حمدان : ^_^ ليش ما سمعت الحشره امس
حمدان لمعت عينه : يعني وافقت
ام حمدان : هيه ولدي
طبعا طلال زي الاطرش في الزفه ,,!!
ام حمدان : الف مبروك يا ولدي الف مبروك
حمدان : الله يبارك فيج يمه ,, الله يبارك فيج الفال لاباقي اخواني
طلال منصدم : انته خطبت
حمدان : و الفال لك يا رب
طلال : قرب منه و باسه ان شاء الله الف مبروك يا اخوي الف مبروك
ام حمدان : هأ يا طلال متى دورك اي
و مرت مزنه في هاي اللحظه مع البنات و كان يصرخون ,,!!!
طلال : ابستم ,, و كان يناظر مزنه ليش خالوه عندج عروس حقي
ام حمدان : ,,,^_^ البنات وايد يا ولدي اختار و انا بنفسي بسير اخطب مع امك
طلال : حتى لو كانت بنتج ,,,
حمدان : فتح عينه
و ام حمدان : هههههههههههههههههههههه الله يهديك امنو مزنه
طلال < يتكلم بجديه < : و ليش لاء مب قد المقام
ام حمدان : افى عليك ولديه الا انته اتشرفنا وين انحصل ريال شراتك بس مزنه بعدها صغيره
حمدان جان يضرب طلال : هيييييييييييه انته ,,, اخاف صدق حاط عينك عليها
طلال : يبى يلطف الجو و ضحك ,,,
ام حمدان حست انه جاد ,, استاذنت و ظهرت لكن حمدان ,,!!
حمدان : اقولك تراك قصيت ع امي بهاي الابتسامه بس علي لاء
طلال صخ ,,, و اربط السانه ,,!!!
حمدان : شوف يا طلال انته بس قول انه ما في بينك و بينها علاقه بس انك تبها بالحلال و صدقني ما بزعل منك بالعكس برتاح لان بعرف اختي بتكون ع ذمه ريال و النعم به
طلال ارتاح للرمسه : ارتاح يا حمدان مستحيل اخونك ,,,!!
حمدان : الحمد الله ,, و صدقني مزنه ما بتكون لاحد غيرك ان شاء الله
طلال : ارتاح لان حمدان عرف و قال امين
نشوا الشياب و يلسوا يترقون
و كل واحد زهب قشه
البنات في الغرفه كل وحده اتزهب اغراضها
مزنه : اووووووووووف ,,
مريم : ليش تتأففين ,,؟
مزنه : ما ادري وين ,, جوتي الاسبورت
مريم : يا رب عطها العقل و لا تحرمها منه هذا هو جدامج ..<<!
مزنه : خخخخخخخخخخ اسميني مدوخه
المهم نادو البشاكير و نزلوا الاغراض تحت و عاد بدى الوداع
احضان و غدير و مزنه صاحوا اشويه < فلم هندي و اتحركوا السياير
مزنه ركبت مع جاسم في سيارته و محد ركب وياهم
طلال و حمدان في سياره و ام حمدان و باقي الشباب و بو حمدان في سياره
مزنه : انزين جسوم بلاك صاخ سولف
جاسم : شو تبغيني اقول
مزنه : قول اي شي
جاسم : هييييييه ابى اقولج شي في خاطري ,, < ما يروم يزخ عمره < قولي حق بنت خالج غدير خل اتزخ عمرها ترى ريحتها فاحت و تحمد ربها اني ما فضحتها
مزنه انصدمت نفسيا و فتحت اعيونها ع وسعهم هذا الشو يالس يقول
مزنه : انته ترمس من عقلك
جاسم : مثل واحد مضغوط و ياه وقت التفجير ,, انا ارمس من كل عقلي يا مزنه
بنت خالج طلعت وحده حقيره و لو انا ما فيني نخوه جان روحت و قلت حق اخونها لكني انا ريال و اكبر من هاي الامور ,,
مزنه انصدمت اكثر: انته شو يالس اتقول
جاسم : بنت خالج المحترمه اترمس خالد
مزنه : اطالعته انته من وين عرفت
جاسم انصدم و طالع اخته و انتي اتعرفين يعني
مزنه : كل اللي اعرفه انه هو يبى يرمسها و تم يقولها احبج و طلع رقمها من تلفون امه و عقب هي ما رامت اترمسه و قالت له خلاص لا ادق
جاسم : لا ابويه هي مفمتنج السالفه غلط هي اللي كانت تركض وراه و تبى اترمسه و اطرش له رصيد كل بدايه اسبوع عسب يدق لها
مزنه : جاسم هو اللي قالك هاي الرمسه
جاسم : هيه هو قال و قال انه هي معترفه ,, انها كانت اترمس شباب قبل
مزنه اعيونها بدت ادمع
و تمت اتقول يا الله شو الشباب حقيرين يا الله شو الشباب منحطين ,,!!! كل هذا عسب قالت ما تبى يرمسه هذي و هي بنت خاله و جي الغريبه و جيه حسبي الله عليه حسبي الله عليه
جاسم : انتي اصغيره و ما تفهمين و انا متاكد .,, انه غدير هي اللي كانت تلحقه و تبى اترمسه
مزنه حرجت و ضربت ايدها بقوه ع مقدمه السياره و كيف تاكدت سمعتها و هي اترمسه وله شفت مسجات الرصيد ع قولتك
جاسم : لا شفت مسجاتها
مزنه : تذكرت مره و هي يالسه مع غدير ,, غدير قالت لها انه تبى مسجات حب و غزل و يوم سالتها ليش قالت خالد يبى هالمسجات يبى يطرش حق اربيعه عسب اربيعه يبى يطرشها حق اربيعته
مزنه : هاي المسجات خالد طلبهم من غدير عسب اربيعه يبى مسجات حب
جاسم : طالع مزنه بنظره ,,, : لا اتحاولين تسترين عليها فعلا انا كنت مفكر اخطبها لكن الحينه شطبتها من اللسته
مزنه انسدحت ع كرسيها و ادموعها بدت تنزل ,,!!!
ليش يا خالد ليش,,؟