صوب الحريم ,, كل الاعيون ع البنات و انه مطقمات ,, في البس
و حده من الحريم اتأشر عن مزنه و كانت ام عبدالله واقفه يمها
عقب ام عبدالله مشت بسرعه و سحبت مزنه و امل
و دتهم عند ام حمدان
ام عبدالله : اقري ع بنتج يا ام حمدان توه حرمه تطالعها و اتقول عليها جمال مو طبيعي و له شعرها طووووويل
مزنه طالعت خالتها و امل نقعت ضحك
اما ام حمدان زاغت من قلبها و تمت تقرى عليها حتى يدتها حميده قرأت ع وحده وحده
البنات واقفات يم اليلسه اللي مسوينها حق العروس
غدير: اقول الساعه كم بتي العروس
امل: هم قالوا ع الساعه 9 و نص و ع طول بيحطون العشى
مزنه : زين عيل
مريم يايه من بعيد
مريم : اقول خالوه ام حمدان تقول ليش واقفات جيه جنكم معزيات ليش محد يرقص
مزنه تطالع مريم : اقول ,, شو نرقص ما نرقص نستحي يدام الخلق
مريم : هههههههه عيل خالوه ام حمدان يايتنكم بعد اشويه
مزنه اتعرف امها ما بتخليها في حالها لفت صوب العنود
و قالت بصوت خفيف : عنوده تعالي نشرد و انروح عند خلود بسرعه
العنود : خلاص يلا بنسير بس بروح ايب عباتي حاطتنها ورى
مزنه و هي اتشل عبتها من الكيس : انا بي وياج
العنود : لاء اخاف تنتبه لج امج ترها واقفه نفس المكان اللي بسير اخذ عباتي منه
مزنه : يعني هي ما بتشوفج
العنود : بقول لها انه خلود دقت و تباني اسير عندها لكن لو انتي وياي بتقول وحده بس اتسير
مزنه : وياج حق
العنود : من جيه انتي اتريني عند باب الخيمه و انا بي و اذا اتاخرت روحي
مزنه : انزين ظهرت مزنه وقفت عند باب الخيمه
و في هاي الاثناء
بو عبدالله : طلال ,, سير ناد وحده من البشاكير خل يحطون العشى في غرفه الطعام
طلال : ان شاء عمي ,, و ظهر طلال راح صوب البشاكير
مريانا : هأ طلال شنو يريد
طلال : حطي عشى حق الريايل في غرفه الطعام
مريانا: اوكيه ,,
و في هي الثواني مزنه حست انه العنود تأخرت و تحركت بتجاه البيت
و بيما انه الحوي فاضي فعبتها عادي مفتوحها و هب لافه الشيله عدل و تمشي بسرعه
و يظهر طلال من ورى فجأه
مزنه بسرعه عطته ظهر و سكرت عبتها و لفت شيلتها و يت بتمشي
و طلال عرفها: مزنه
مزنه ما تبى اترد
طلال : مـــزنه
مزنه اطالعته
طلال : شحالج
مزنه : بخير ربي يعافيك و كانت منزله راسها
طلال: وين رايحه
مزنه رفعت راسها و طالعته : عند العروس عن اذنك
طلال تم يطالعها لين حدرت
و مبتسم < قمـــــــر و ربي قمــــــــــر <
و حدر ع الريايل
مزنه اول ما حدرت الصاله حطت ايدها ع قلبها زايغه و مشت بسرعه
و دقت غرفه خلود
مزنه : انا خلود فتحي
خلود : حدري يا مزنه الباب مفتوح
حدرت مزنه و شافت خلود حاطه ملابس الحنه و مخلصها شعرها و طالعه مثل القمر ما شاء الله عليها وايد محلوه غير عن باقي الايام
مزنه ابتسمت يوم شافتها
خلود : ههههههه امي اتخوفين جنج بويه
مزنه : ههههههههههههههههههه
خلود : زين انج يتي ,, تعالي ساعديني ,, بلبس ملابس الحنا
مزنه : من الحينه
خلود : ^_^ هم قالوا 9 و نص بحدر صح
مزنه : صح
خلود : الحينه 9
مزنه : صدق الحينه الساعه 9
خلود : هيه
مزنه : بسرعه مر الوقت
خلود : شفتي عاد
مزنه : وين اللي بتصورج عيل
خلود : في الغرفه الثانيه قالت لي البس و اي اتصور
خلود : بتساعديني وله البس بروحي
مزنه : لا بساعدج
< طخ طخ
خلود : امنو
العنود : العنود
خلود : حدري
العنود حدرت و هي تاخذ نفس كبير
مزنه : هههههههههه اشويه اشويه شو بلاج ليش تأخرتي
العنود : يوم رحت باخذ العباه امج صادتني عقب تعذرت انه خلود تباني فقالت روحي ,
توني يت بظهر نادتني ,, اكيد بغت تسال عنج بس انا ظهرت بسرعه و بعدين طليت حصلت يالسه تسحب امل عسب ترقص
خلود : هههههههههههههههه حلفي
العنود : و الله
مزنه : ما بسير عيل انا
العنود : وله انا
خلود : انتو ساعدوني البس عقب يحلها الف حلال
أنت تقرأ
يوم الله بلاني بالحب حبيت طفلة
Romance( مزنه ) طالبة فالصف الثالث عدادي ، شخصيه حبوبه لسانها اطول عنها .. تصير مواقف وياها فالدراسة و تتعقد حياتها يوم تكتشف انه ولد جيرانهم اللي هو بطلنا الثاني ( طلال ) يحبها و هو اكبر عنها بوايد ؟
