يوم الله بلاني بالحب حبيت طفلة

البارت 46

البنات مرتبشات من الصبح
مريم : عنوووووووووووووده ما صار سشوار ,,,,عطني اياه
العنود : اووه انا شعري طوويل و محتاي وقت
خلود : اذا شعرج خذى هذا الوقت الله يعين مزنه ,,!!
و بعدين حق شو السشوار ,,
العنود : بعد حق شو انتي تدرين انا توني متسبحه ,, و ابى انشف شعري عسب بنسير الصالون
خلود : ترى هناك بيسون شعرج
العنود : يعني ,, زين ,, يشوفون شعري معفوس
خلود : هههههههههههه خلاص حبيبتي و لا تزعلين بس لا تتضاربون انتي و مريوم ع السششوار
العنود : خلاص انا جربت اخلص صبري انتي الثانيه
مريم : صبر جميل و بالله المستعان ,, عيل وين غدير و مزنه و امل
خلود : هذيله ناشات من الصبح و اتسبحوا و الحينه يالسين يتريقون مع امايا العوده
$$$$$$$$$$$$$$$$$$$
حميده : هأ بناتي بتسيرن الصالون
مزنه : هيه امايا
حميده : انتو اروحكم غراشوبات ماله داعي الصالون< حركات ,, <
مزنه : السبال في عين امه غزال ^_^
امل ضربت مزنه ع راسها : ما اتعرفين ترمسين
حميده : ههههههههههههههههه ,, الله يهديج يا مزنه ,,
البنات ضحكوا
حميده كانت وايد مستانسه ع قولتها بنتي بتاخذ ولدي ,,!
نشوا البنت و راحوا الغرفه
و يتهم ام عبدالله : هأ بنات متى تبون اتروحون الصالون
مزنه : بعد الغذى صح بنات
ام عبدالله : خلاص عيل انا بسير بخلي السايق يوصلكم
مزنه ,: الدريول,,,؟
ام عبدالله : هيه
مزنه : بس خالتيه انتي تدرين ابويه ما يحب اني اركب مع دريول بيحرج لو درى
ام عبدالله : هيه و الله نسيت خلاص بنتيه انا بشوف واحد من الشباب يوصلكم او يركب مع الدريول يوم بيوديكم جيه اوكيه
مزنه : اوكيه و نص خالتيه ,
$$$$$$$$$$$$$$$$$
صوب < طلال <
منال : طللول مر ادنوك ,, دخيليك ما تريقت
طلال : ان شاء الله خل اشوف محطه وله كفتريا وله اي شي بوقف
منال : متى بنوصل تقريبا
طلال : نحن الحينه في ام القيوين تقريبا يبنا ساعه ع الاقل
منال : يالله وايد درب من بوظبي لين راك ,, اكثر عن ساعتين
طلال : شفتي عاد
منال : امايا امايا
طلال : خليها شو تبغين منها نايمه
منال : يعني انته سايلند ما اتسولف خل اتنش اتسولف وياي
طلال : لا و الله برشج بكف الحينه صخي وله ترى هأ شي محطه قريبه ما بوقف عندها
منال : خلاص خلاص بصخ بصخ

$ فــــي الخيــــمــــه $
كانت ام حمدان عقب ما خلت امل ,, و غدير و مريوم يرقصون
قامت ادور مزنه
ام حمدان: اكيد شردت
امل ويها احمر
و غدير خلاص شويه و بتموت
مريم كل ما وقفته يت ام عبدالله و دزتها
ام حسن : اقول الحينه تسع و ربع يلا انسير صوب خلود
ام عبدالله : انا ام حمدان بنسير و انتي يا ام حسن خليج مع ام حمد لانه لازم حد كبير يتم بالخيمه
ام حسن : خلاص روحوا الحينه
و رحوا للخلود
صوب الريايل
حمدان : تفضلوا ع العشى يا جماعه
و نشوا الريايل صوب غرفه الطعام
من جهه ثانيه $
اول ما وصلوا غرفه خلود حدروها و كانت خلود توها مخلصه لابس و شكلها ينن
لدرجه ام عبدالله اول ما شافتها قالت تبارك الرحمن فيما خلق
و ام حمدان يبتت ومزنه و العنود ابتسموا
ام حمدان : انتي اهنه
مزنه : هأ هيه اساعد خلود في البس
خلود مستحيه و منزله راسها و ام عبدالله رووحت غرفتها اتيب الذهب
و ام حمدان اتقول حق اللي بتصور تزهب
يت ام عبدالله و لابستها الذهب القديم اللي كانوا يلبسونه يوم الوحد بتعرس
اتعرفونه صح اللي يكون طويل
و اللي ينحط ع الراس
ظهرت خلود و روحت عند المصوره اللي صورتها عقب تصورت صوره جماعيه مع مزنه و العنود و امها و خالتها
,, و صار وقت انها تدخل الخيمه لابسوها العبايه و تاكدو محد من الشباب في الحوي و خصيصا سالم
و خبروا امل و غدير و مريم اللي وقفوا عند باب الخيمه يتريوناه مع ام حمد و ام حسن
حدرت خلود عقب ما شالوا العبايه و كانت ترتجف
و كانت اغنيه هاديه
< اقبلت <
غدير: اشري لها تبتسم ليش مبوزه
امل : اتاشر حق خلود عسب تبتسم
و ام عبدالله و ام حسن و ام حمدان و ام حمد يمشون وراها
خلود خذت لفه كامله بالخميه و هي تمشي برقه و دلع لين وصلت
عند يدتها حميده و باستها ع راسها و الحريم تمو ايببون
عقب مشت لين وين حاطين لها الكرسي و يلسوها
كانت لابسه لون احمر ,,
^_^
عاد اول ما يلست حطوا العشى و الناس بدوا يتعشون البنات راحوا عند خلود يسولفون ويها
و الحريم يشرفون ع الاكل
مريم : شو كان شعورج يو م حدرتي
خلود : اماااايا و الله يزيغ هأ يا بنات طلعت حلوه
كلهم قالوا : حلوووه بس اتخبلين
خلود استحت
العنود : يلا يبي ريلج
خلود : ليش,,؟
العنود : بقرصها عسب اعرس ما حصلت الا بكس ع راسها من غدير
غدير: خل اعرس انا اول
العنود : ههههههه لا و الله يمكن ما اتعرسين شو اتم اترياج
غدير: يا حيوانه احسابج بعدين
البنات تموا يضحكون
بعد العشى
حطوا اغاني و ام حمدان يتهم
ام حمدان : يلا مزنه انتي و العنود
العنود : ليش نحن بالذات يعني عمتيه
ام حمدان : لانكم شردتوووا
العنود : بس نحن ما انعرف نرقص
غدير و امل و النذاله : انتووو ما اتعرفون انتو اللي علمتونا يلا يلا
ام حمدان سبحتهم و مزنه خلاص
و الناس اعيونهم عليهم العنود ويها حمر
$$$$$$$$$$$$$$$$$$$$$$$$$$
عند الشباب بدوى الناس يرحون يعني ع الساعه 10
حمدان : اقول معرسنا
سالم : هلا و الله
حمدان : شو نفسيتك ان شاء الله مستانس ورى باجر عرسك
سالم : و الله اشويه متوتر لكن الحمد الله مستانس الفال لك
حمدان اتبسم : تسلم
سالم : متى بتملج ع امل
حمدان : عقب عرسكم ان شاء الله
سالم : عيل مبروك مقدما
حمدان : الله يبارك فيك
$$$$$$$$$$$$$$$$$$$$$$
و نفس الحاله صوب الحريم ,,بدوى الحريم يخفون ورى بعض
و الجواء كانت ربشه مع البنات
ع الساعه 1 بالليل نشوا البنات و حدروا داخل و قعدوا يتصورون مع العروس و ضحك
و من التعب ع طول ناموا
$$$$$$$$$$$$$$$$$$$
صوب الشباب كان طلال و راشد قاعدين في البلكونه
راشد : وين اخوك سعد ما شفناه اليوم
طلال : تدري رشود دوامات و ما طاعوا يعطونه اجازه بي باجر ان شاء الله او يوم العرس
راشد : ع خير ,, وين باقي الشباب
طلال : هههههه من التعب حطوا راسهم و ناموا
راشد : تعال عيل خل انام
طلال : صدق يلا انا بعد وايد تعبان اليوم
و رحوا راشد و طلال ينامون