يوم الله بلاني بالحب حبيت طفلة

البارت 31

كل البنات تموا يصفقون و يصفرون
خلود : ماشاء الله صوووتج عجيب عجيب يا مزنه ,,!!
حسن : مزنه ,,!!
العنود : وايد مؤثر
مزنه ابتسمت ,,: خخخخخخخخخخخخخ بسير اشترك في نجوم الخليج عيل
غدير ضربتها ع راسها : اتخسين عاد
البنات تموا يضحكون
و حسن ,, واقف : < صوتها ماشاء الله ما عليه رمسه وايد مؤثر <
و تجدم و دق باب الغرفه
غدير : امنو ,,,؟
حسن ,:,,,,,,
غدير : امنووو
حسن : ,,,,,
غدير: اووه ع حركات اليهال نشي العنود فتحي باب الغرفه
العنود نشت و اصدمت شافت حسن يدمها اونهم عاد مسوين مقطاعه يت بتسكر الباب
لكن حسن حط ايده و الشرر ظهر من اعينه : تراكم وايد زوديتها و انتي العنود تبغين اتسكرين الباب في ويهي ,,!! لو كنتي بس مكمله و مسكرتنه شوفي شقايل بكسر حشمتج يدامهم ويهج ما بيتم فيه شي صاحي
<< يعني الحينه ابد ما كسرت حشيمتها
حسن : اقولكم زهبوا اعماركم و انزلوا لان قومي امي يحترونكم تحت و رقع الباب بصوت قوي
البنات تموا صاخين
غدير: حلوووه هاي هم الغلطانين و بيصرخون علينا بعد
خلود : الحينه استويتي شطاره جان رمستي يوم كان موجود
العنود اعيونها حمرت ,,, و صاحت
مزنه حضنتها : عادي حبيبتي شي طبيعي هذا اونج الحينه ما اتعرفين اخونا
خلود : خلاص لا اتكدرونا مزتجي الحينه نشوا خل انغير ملابسنا و نظهر السوق
طبعا غيروا ملابسهم و ظهروا السوق اول شي اتجهوا حق دبي
ابو حسن : اول شي وين تبون اترحون في دبي
ام حسن : انسير البستان
ابو حسن : عيل بدق حق بو عبدالله و حق بو حمدان
تراهم ظاهرين 3 سياير
و صلوا للبستان و مريم و مزنه دوخوهم ع ما حصلوا شي عيبهم
مزنه اختارت فستني لونه عنابي حرير و من فوق كله كرستال ,, و الظهر عاري
ابو حمدان : اويه الشو هأ ,,؟ لا بنتيه هذا وايد عاري
مزنه : عادي ابويه كله حريم
ابو حمدان : ايه بس لو شافتج يدتج بهذا الفستان اتعرفين شو بيستوي بج
مزنه : خلها ع الله
ابو حمدان : الشو رايج يا ام حمدان
ام حمدان : و الله انا قربت اصيح بنتك هاي ما يعبها العيب و لا حتى الصيام في ريب ,,! صار لنا ساعيتن و بالغصب عيبها ها حتى اللي يشتغلون بالمحلات دخوا خلها تاخذه راسي يعورني ارواحي حامل و تعبانه
مزنه حاست بوزها : يعني شقايل امايا ,, تبني اظهر هب شي في العرس يعني باباتي يرضيك بنتك تظهر هب كاشخه
ابو حمدان : لا ما يرضيني برايج سيري جربيه

امل : ها مزنه شو عيبج شي
مزنه : هيه هذا
امل : الله وااااااااااايد حلو حدري جربيه بي اساعدج
مزنه بهمس : يلا يا مرت اخوي المستقبليه
امل ضربتها ع راسها
لبسته مزنه و كان شكلها رووووووووووووووعه فيه لانها هي بيضه و لابسه عنابي فيه شغل بالفضي يعني عجيبه كانت فيه
امل : لا انا اعارض لا تشترينه بتصحكين علينا
مزنه : ترفع حويبها
امل : بناديهم خل يشفونج
يت امها و خالتها و مرت خالها و طبعا البنات و ينوا عليها
و اشتريته و خلصنا من مزنه مريم
عيبها فستان ذهبي فيه بعد شغل بالكرستال و الفصوص و كله يلمع ,,!!
و يوم لبسته طلع وايد حلو عليها لانها حنطاويه اشويه ,, فطلعت رووعه
عقب ما خلصوا من مريم و مزنه توجهوا حق راعيه فستاين العرايس و طبعا
خلود احتارت كل الفستاين حلوه عقب شافت فستان عيبها وايد يعني مودليه غريب
و حجزته و دفعت عربون و ظهروا
في الدرب و هم راحيين عند اخر مرحله تسوق ,,< بيشترون اثياب الحنا <
مزنه : وين الميكب امايا
ام حمدان : انتو البنات حجزنا لكم مع العروس عند هيفا انتو بتسوي لكم اللبنانيه و العروس بتسوي لها هيفا
مزنه : و انتو الحريم
ام حمدان : نحن بنيب خوله خبيره التجميل معرفه في الشارجه بتي لنا في الفندق و بتسوي لنا
مزنه : الله يعدي هاي السالفه ع خير
ام حمدان امين
ع فكره مزنه بتكون هاي اول مره في حيتها اتحط ميكب يعني ابد هب حاطه قبل يعني حدها حدها اجحال و جلوز ,,! و حتى مريم و العنود
وصلوا المحطه الاخيره و نزلوا
مزنه و هي ماسكه ايد غدير: اقولج غدير هذا المول اللي اربيعتج بدريه اتقول عنه
ترى بدريه يوم عرست اختها اشترت في حنتها ساري هندي وايد حلو و عيبهم و هي دلتهم ع المحل
مزنه : غديروا ردي بلاج صاخه لفت ويها ,, و له اووويه ,, هب غدير طلع واحد لابس كندوره سوده ,,!!
انصدمت مزنه ويها صااار احمر ,, و اتعلثمت بالرمسه : سمحلي اخويه اسفه
,,!!: الشاب ما نطق بي ولا حرف بس تم يطالعها و روح عنها غدير يرتها
غدير: انتي وين ,, نحن حدرنا المول و انتي واقفه اهنه و طالعت مزنه تطالع الشاب اللي يوم سمع حس غدير رد اطالعهم و رد اتحرك
غدير صفعت مزنه ع ويها : هييييييييييه انتي
مزنه : شو ,, غديروا حسبي عليج شو صاير فيني ليش خلتني و روحتي
غدير: ليش مبحلقه في هذاج الوالد
مزنه : لان ,,, < قالت لها السالفه
غدير: اووووووووووويه يا ويلج من سلوم اخويه
مزنه : سلوم اخوج شو يابه في السالفه
غدير: شو نسيتي هذا الفيس هذا اربيعه اللي ياه بيتنا امس اللي كان يطالعنا يوم كنا بالمطبخ
مزنه : جذابه لا اتقولين اوووويه ,,!!
غدير: امشي الحينه و الله يستر
مبارك : يا الله ,, شو هالصدف ,,!!
مبارك حدر المول ,, و اونه سو عمره يتمشى و شافهم في محل يطالعون الملابس
مزنه اختارت جيه تنوره هنديه لونها ابيض و ردي و معاه البدي التنوره كانت غريبه يعني شكلها غريب
و البدي الظهر كان نصه طالع من ورى
طبعا كلهم تقموا بس الاوان مختلفه العنود خذت اخضر و ابيض و مريم خذت بني و عنابي غدير خذت حليبي مدرج فيه لوني غامق و فاتح امل خذت احمر كامل و طبعا ما نسوا الاكساسورات الهنديه و اشتروا نعل هنديه بعد ,, ^_^
غدير ظهرت من المحل ,, و رحت عند ابوها
غدير: يلا بابا ايدك ع البيزات
ابو حسن : انتو ما اي من وراكم الا الخساير
مبارك ابتسم من بعيد :: ع الاقل عرفت هي بنت امنو ,,و ظهر من المول
< سبرايس<
ظهروا من المول البنات و الحريم و هم هلكانات خلاص بس ,,!!
ام عبدالله : خلاص يوم ام حسن ,, هي لازم انمر
ابو عبدالله < ززاغ < : وين بعد
ام عبدالله: الميغا بنسير عند الاختيار الاول بنفصل عبي ,,!!
ابو عبدالله : لا حول وله قوه الا بالله
مريم : اووه ابى ارد البيت خلاص