يوم الله بلاني بالحب حبيت طفلة

البارت 23

المكان : تقنيه ابوظبي
الزمان : الثامنه و نصف
سلطان : سيف وين رشود ...؟
سيف: ما ادري عنه و الله اظنه برى الاكلاس
سلطان : اوووه الحينه سير لؤي بيحطه غايب << هذا استاذهم بالكليه ..؛<
لؤي : هاي بويز
الشباب : هاي سير
بدى الاكلاس .. و راشد هب موجود به وين سار هذا ...؟
لا تستغربون ان سلطان و راشد بنفس الاكلاس ..
سلطان اكبر من راشد .. بستين
بس راشد ماشاء الله وايد شاطر و اول ما حدر التقنيه رفعوه دبلوم عالي .. دون ما يدرس اساسي ..
و في نص الكلاس يحدر راشد
لؤي: راشد وير ار يو ...؟
راشد : سوري سير .. ا فورغت ماي الابتوب ان ماي كار ..< نسيت الابتوب في السياره <
لؤي : اوكيه يو كان سد < حسنا يمكنك الجلوس <
راشد يلس يم سلطان
سلطان : انته خرطت ع لؤي بس ما اتروم تخرط علي انا شفتك انك نزلت الابتوب .. من السياره وين كنت ..؟
راشد : اسكت الحينه و بخبرك بعد الكلاس ...

جاسم شاف الضاربه و ياي من الطابق الاول يركض و صرخ : طلاااااااااااااااااااااااااال
طلال : وقف
جاسم : مسك سعود و جه رمسته للطلال: الشو مسوي بالريال افى بس يا طلال ما اتوقعتها منك ,,؟
طلال بكل عصيبه : هذا المحترم اللي ادافع عنه كان يتحرش برضعتك يا جاسم يتحرش بمزنه و انا كنت اراقبه من كم يوم و اليوم ما رمت اتحمل اكثر ,,؟
و عطاهم ظهر و ركب سيارته و حرك
مزنه : عضت شفايفها و كانت بتصيح و توقعت جاسم يذبحها في هاي اللحظه لكن جاسم كل اللي سواه انه ساعد سعود يمشي ع رايله و رجعه البيت و رجع للمزنه اللي ما تحركت من مكنها و منصدمه
جاسم : اركبي السياره خل اوصلج
مزنه بخوف: لالا م,, ما,, ما بدوام
جاسم : امشي يا مزنه و لا اتزغين
مزنه ركبت السياره بتوتر واضح و ايدها ترتجف
جاسم : صدق اللي قاله طلال
مزنه يمعت قووتها : ا ا ا ايه
جاسم : استغفر الله العظيم ,, وليش ما اتقولين لنا
مزنه : خفت ,, خفت ,, و صاحت اهنه ,, خفت تضربوني
جاسم : و امنو قالج بنضربج
مزنه : العادات و التقاليد اتقول..و المنطق يقول انه البنت دوم الغلطانه ...,,!!
جاسم : لا يا مزنه العادات و التقاليد ما اتقول جذه ابد انتي مالج خص في السالفه
مزنه : يعني انته هب زعلان مني
جاسم : لا هب زعلان و طالعها و ابتسم
مزنه ابتسمت له : لكن طلال خذى فكره غلط عني
جاسم تغيرت ملامحه : لا حبيبتي طلال كان محرج بس ,, و رد طالعها بس انا اخوج ما حرجت جيه هو حرج وايد ليش تتوقيعن ..؟
مزنه قفطت ويها انعفس: ما ما ادري ,, ؟
جاسم :ههههههههههههههه يمكن انا ادري < هي لا تستغربون ترى هو ما يدري وله شي بس يحب ينرفز مزنه ,, كل اللي يعرفه انه مزنه كانت في صغرها متعلقه بطلال و طلال متلعق بها و اكيد حرج يوم شاف سعود يتحرش بها هاي السالفه كلها <
مزنه زااااغت : الشو الشو اتعرف..؟
جاسم : امزح وياج يلا انزلي فكينا,,
مزنه : انزين يلا مع السلامه < خذت نفس طويل من الراحه <
جاسم : مع السلامه
وصلت مزنه المدرسه و كانت بعدها فاضيه روحت الحمام و عدلت جحلها و كلوزها و حست بحزن كبير ,, افى بس يا طلال اتشك فيني ,,؟ حرام عليك كل يوم تجرحني اكثر
طلال كان محرج وديه يقطع الشارع
حتى شي واحد مر من صوبه و سواله حركه يعني هدي هدي
طلال : استغفر الله العظيم ,,, و حط قرأن عسب ترتاح نفسيته ,,
وصل طلال مقر عمله و اي حد يسلم عليه ما يرد السلام دخل مكتبه و سكر الباب بكل ما اوتي من قوه ,,
حتى المراجعين تموا فاتحين عينهم ,,!!!
< طخ طخ <
طلال: لا تتفضل
سهيل فتح الباب
طلال : ما تفهم عربي قلت لا تتفضل
سهيل يشتغل في نفس مقر شغل جاسم و طلال لكنه يشتغل في قسم بعيد عنهم اشويه
سهيل: افى بس يا طلال
طلال حس انه مكبر الموضوع : سامحني يا سهيل مزاجي ما يساعد
سهيل: و انا من جذه ياي خبريني واحد من الموظفين انك متضايج خير عسى ما شر
طلال : لا اللحمد الله هب شر
سهيل: اللحمد الله ,, تبى ترمس الحينه وله اخلاف
طلال < صحيح انه سهيل يتساخف وايد و عليه حركات لكنه رزين في الجد و ريال و النعم به < : لا ايلس فعلا انا محتاج ارمس مع حد
سهيل: قول فديتك
طلال : < يقوله السالفه <
سهيل: الله يهديك يا طلال ,, انته جيه بتنبه اخوانها و بتخليهم يحطون العين عليها
طلال : ما رمت امسك عمري سكت مره اثنين ثلاث خلاص بنفجر
سهيل: و الشو صار بالريال,,؟
طلال : ما ادري عنه
سهيل: اليوم اتسير اتزوره و تتأسف منه مهما كان هذا بعيد عن ابلاده و اهله و منقود اللي سويته
طلال تم صاااخ : فعلا انا المفروض كنت افكر
سهيل: و الله لو الحب جذه يسوي في الخلق يخسي احب ,,؟
طلال : ههههههههههههههههههههههههههههه ضحكتني و انا ما ابغى اضحك,,
سهيل: هيه جيه اضحك
طلال : تذكر نظره للمزنه و عبس ويه
سهيل: ها الشو صار الحينه بعد..؟
طلال : حرام اللي سويته بها
سهيل: هيه والله حرام ليش طالعتها بحتقار صدق ما تستحي ع ويهك مافيك دم
طلال يقلده: لا فيني تبى تفحص.,,؟
سهيل: و الله انك حرامي ليش تسرق جملتي,,؟
طلال : مالت عليك و ع جملتك اقول قم اظهر خاري,, عندنا شغل
سهيل: مالت عليك و نش و سكر الباب وراه
مزنه يالسه في زايه من زاويا المدرسه و خاطرها اتصيح ,,!!
المدرسه بعدها فاضيه فيها كم طالبه بس لان بعده الوقت
اشويه اتشوف وحده اتعررفها وله منال يايه من بعيد و شاقه الحلج
منال اتبوس مزنه ع خدها : صبااااااااااااااااح الورد
مزنه بدون نفس: صباح الخير
منال استغربت : ليش هب فاصخه عباتج
مزنه : اترياج
منال : انزين امشي اروح صفوفنا انحط عبينا و قشنا
مزنه : يلا
و هم يالسين يمشون
منال : مزنوتي بلاج حبيبتي خير شو صاير احس ويهج مقلوب..؟
مزنه لفت ويها تطالع المنظره اللي في الصف
منال : الشو اتشوفين
مزنه : انتي اتقولين ويهج مقلوب اشوف عيني وين روحت تحت وله فوق
منال : هههههههههههههههههههه سخيفه
مزنه : طالعه عليج
منال : لا جد ارمس
مزنه : اممممم ,, اعيونها حمرت و نزلت دمعه منال حطت ايدها ع راس مزنه و حضنتها
منال : فيه شي ,,؟<< سؤال غبي يعني لو ما فيها شي بتصيح ,,؟<
مزنه : اتصيح
منال : مزنه رمسني هب من عادتج انج اتخشين عني شي ,,؟
مزنه .: اليوم الصبح ,,,,,,,الخ
منال : طلال ,,,!!!!
مزنه : هيه
منال : مستحيل
مزنه : اقولج طالعني بنظره حقيره جني وحده من هذيله البنات بنات الشوارع
منال : ما عليه يا طلال
مزنه : لا حلفتج لا اتيبين له طاري ولا اتقولين اصلا اني رمستج بالسالفه ابليز
منال : لييييييييييش حلفتي و الله طلال كلب يوم قلت انه كلب محد مصدق جان مزنه تضربها
مزنه : احترمي نفسج عاد
منال : هع ,,,؟ خبر اخوج و زين اخوج ظهر انسان عاقل و ادافعين عنه صدق مالت عليج
مزنه : انا عذارته
منال : حطت ايدها ع راس مزنه لا الحاله صعبه ,,,!!
مزنه ضحكت : هههههههههههههه
منال : يلا تعالي خل نظهر و انغير جو البنات يو
ظهرت مزنه و منال و سلموا ع ربعهم و الكل تم يطالعم ع استايلهم و الاشياء اللي مسوينها في عمرهم
صوب غدير فهي يالسه مع بدريه و يالسين يتحرطمون
غدير: و الله العظيم الله يالس يصير حرام شو يعني يكتبنا غايب
بدريه : انا ادري ,,؟
تبون اتعرفون السالفه
بختصار غدير و بدريه كانوا ظاهرين من كلاس مس الين رايحين كلاس سير حسام
لكن كلاس سير حسام بعيد اشويه و ياخذ وقت و ع ما مشوا ع راحتهم وصلوا متاخرين 5 دقايق قام و كتبهم غايب جان يقهرون و اشويه بيصحون يعني حرام << ع فكره صارت هاي الحركه في مرت اخويه <
غدير : بوريه بسير اشتكي
بدريه: روحي زين اونه شو بشتكي شو بتقولين متاخره عن الاكلاس بيلعنون خيرج
غدير: و الله محد قال لهم يخلون الاكلاسات بعيده عن بعض مب ذنبا و الله حلوه هاي ايلس اركض عسب اكلاس ,,؟
بدريه : خلاصي هدي اعصابج و اللي صار صار و هو كتبنا غايب خلاص
The end
غدير : اوف
بدريه : لا تتأفين في ويهي ,, انا بنش ايب لج شي وياي تشربينه ,,.؟
غدير : هيه يبي لي اي شي بارد ابرد ع قلبي
بدريه : اوكيه
من طرف ثاني امل يالسه في كلاسها سرحانه و خاطرها اتنام ,,
موزه : هيه امل
امل : شوووووو
موزه : انتبهي لا اتسويلج حشره المس
امل: خل اتولي زين
موزه : شو بلاج اليوم انتي ,,.
امل : تعبانه نفسيا و جسديا
موزه : كككككككككك
امل : قايله نكته انا
موزه : حلوه هاي نفسيا و جسديا
مس سوزان : موزه & امل استوب توك
امل : زين جيه ,, سوري مس
موزه : حشى هب عليج اذن و هذا و انتي لافه ظهرج و سمعتنيا كيف عيل لو مجالبتنا
كل البنات يلسوا يضحكون
مس سوزان : وت يو سي,,.؟< شو قلتي ,,؟<
موزه : نا ثغن مس ,, سو سوري
مس سوزان : امممم و لافت ويها و تمت تشرح
خالد كان يالس في دوامه شرات مااتعرفون خالد طلع من دراسته ما كمل و دخل جيش و هو في الدوام
يالس يفكر
خالد كان لازم اعرف من الاول انج تحبينه يا غدير لازم كنت اكتشف كيف كنت غبي
لكن ع قص ارقبتي لو خذيته ,,,
<< احم احم سبرايس <
صوب مزنه الحلفه توها بدايتها ,, و الفقره الاول طبعا كانت تحيه العلم تحيه العلم كانت غير هاي المره ,, كانت طريقه مميزه حتى االاصوات اتحسها طالعه & نابعه من القلب و الخاطر
بعد النشيد
حطوا اول فقره و كانت صور عن دوله الامارات و اهم المباني الموجوده مثل قصر الامارات في بوظبي و برج العرب في دبي ,,الخ
و كانت مع هاي الفقره اغنيه
الله يا درا زايد
عاد مزنه و ربعها تموا يرقصون و عبط في نهايه القاعه ام مزنه كانت موجوده
ام حمدان : وين راحت هاي البنت ,,, لا حول وله قوه الا بالله
اخر القاعه
يوم خلصت الفقره
مزنه و البنات ويها : لا يوقف لا يوقف لا يوقف لا يوقف
منال : و الله الحفله ربشه
مزنه : هيه وايد وناسه اللحمد الله غير جو اشويه من الهم و الكدر من الصبح ,,!!
منال : هههههه
روضه : مزووون شوفي شوفي يزوي بتغني
منال : صفقه بناااات يزوي يزوي ,, يزوي من فوق الخشبه تضحك ع ربعها
و غنت يزوي حبيبه قلبي
و البنات ورها يردون
و تمو يصفقون و يصفرون يوم خلصت
عبير : مزنه ,, مزنه عبيد
منال : شوفي عبيروووا اتناديج شوفي الشو تبغى
مزنه : هأ عبير
عبير: تعالي مس الهام ادورج بعد اشويه فقرتج
مزنه اتحب تلقي الشعر و حصلت شعر روعه بالنت عندها اسلوب رووعه في الاقاء ..خلف الكواليس
مس الهام : ها مزنه لا ترتبكين اوكيه
مزنه : لا ان شاء الله
<< مقدمه الحفله : و الان نقدم لكم شعر يوصف اهل الامارات مع الطالبه مزنه عبيد
<< تصفيق و تصفير من عند منال و شلتها
الشله : مزنه مزنه مزنه مزنه مزنه
مزنه حمر ويها الله يفضحكم يا رب امها تضحك عليها
مزنه ماسكه المكرفون : خلاااااااص خلوني ارمس
الناس تموا يضحكون
مزنه : ريت البدو من ناس طبين ,, و قلوبهم للصاحب وساع < الشله ورها وساع و هاي الحاله اخر كلمه يردونها
لو زرتهم كل ساعه و حين ,, تسمع بكلمه مرحبا الساع
الضيف له معهم قوانين ,, و الجار له عادات و اسناع
في كل واجب مستعدين ,,يوم الخوي يشرى و لا يباع
على السرا والدوب ظارين,,, ما همهم دنيا ولا اطماع
تفرح بهم ان يوك عانين ,, يوم الخصيم يبات مرتاع
اهل الكرم و الجود باقين ,, و المدح في الطيبين ما اضاع
اهنه صار تصفيق .. كملت مزنه
اهل الكرم و الجود باقين ,, و المدح في الطبين ما ضاع
ووصلت وين أما مشتين ,, و بيت الشعر في راس مطلاع
و اعرف دروب المورد امنين ,, ما بين رمل و سيح قاع
احيدهم للضيف راعين ,, محروز لي ضافي بلجناع
لو في الدجا و الناس هيعين ,, ظاينهم تسفر في لبقاع
و الين و اصوات الفناجين ,, تسمع لهام و البعد قرقاع
و صوت الحور و حنه الهين ,, و الدرا خصب و موسم فقاع
وقت الحيا و الموسم الزين ,, فيه العشب و اكاله انواع
يوم الحبارى و الشواهين ,, ما بين جفير و تباع
و اهدي سلامي للمحبين ,, لي هب شرتا البرد ذعذاع
لي زرتهم و الناس واعين ,, تسمع بكلمه مرحبا الساع ..........و سلامتكم
تصفيق حار و تصفير و اتسركت الستاره و مزنه تضحك ع هباله اربيعتها
مس الهام : ماشاء الله عليج ابدعتي الصراحه الله يحفظج
مزنه ابتسمت : و يحفظ المسلمين جمعيا و نزلت من ورى الكواليس و شافت منال بويها
منال من شافتها تمت اتصفق و اتصفر
مزنه : هههههههههههه فضحتوني ,,هأ دورج ,,؟
منال :كككك هيه
مزنه : تعالي شو بتسوين انتي ما خبرتني
منال : سبرايس
مزنه : لاجد
منال : عرض ازياء
مزنه : حلفي
منال : و الله
مزنه : و انتي بتعرضين الشو
منال : نحن تسع بنات كل بنت بتعرض عن دوله انا بعرض عن الامارات
مزنه : روضه مشتركه وياج ,, دخيلج روضه اي دوله ,,؟
منال : ههههههههههه قطر
مزنه : حسيت و الله حسيت < ترى روضه اتحب قطر و لان اختها بعد خذت اقطري
منال: يلا انا بسير ابسررررررررعه
ظهرت مزنه و قربت صوب امها
ام حمدان : ربي يحفظج ابدعتي حبيبتي
مزنه باست راس امها : بيضت الويه
ام حمدان : بيضتي فديتج
مزنه : عيبتج الحفله ,,؟
ام حمدان : هيه واااايد حلوه
مزنه : انا بسير ورى اوكيه
ام حمدان : اوكيه
مزنه روحت و حصلت يزوي و نعوم يالسين مرتبشين و يغنون و يرقصون و تحدر مزنه بالوسط
مزنه : عاااااشو
اليازيه : بص شوف مزنه بتعمل ايه
اليميع : بص شوف مزنه بتعمل ايه
مزنه : لا تستعبطون جيه اتسون فيني كل ما بقول القصيده << اتقلدهم < مزنوووه مزنوووه فشلتوني
نعمه : مالت عليج خل اناديج مره ثانيه
مزنه : ههههههه مالت عليكم
يزوي : خلونا من هاي الرمسه نبى نستانس صح شماني
مزنه اونها ما اترمس شماني من سالفه ملاك يمكن ما اتحيدون السالفه
,, مزنه تم صاخه و هب عارفه الشو اتسوي ,,؟
مزنه:< اخاف اجرحه اذا قلت ما احبه و اكيد بتحسس يوم بيشوفني و يوم يتفادني و يوم التجمعات و هالشي اكيد بيلاحطونه الاهل يا ربي شو هاي المصيبه ,,.؟ <
من طرف ثاني ...سلطان : اااخ اسميني تعبان بسير اخمد
راشد و هو يفتح السياره:قلت اتسير ترقدهههه احلم بابا اول ما نوصل بنقبض الخط الشارجه ع طول
سلطان : اعناد فيك الحينه بنام في الدرب
راشد : خخخخخخ اركب اركب عز الله انته ابد مب صاحي .. ركبوا و اتجهوا للبيت
المكان : مقر عمل بو حمدان الزمان : 2:30
بو حمدان يرفع ايده و يمسح ويه و مجابل الكمبيوتر و يددق و يددق
بوحمدان يضغط ع زر: كومار ... كومار: نعم سير
بو حمدان : اسمع انا بروح البيت الحينه و انته بعد روح بس تاكد انه كل شي مسكر هو يقصد اضواء يعني و اقفل الشركه زين ........ كومار : ان شاء الله سير ... بو حمدان : يلا مع السلامه
سكر بو حمدان كمبيوتره و نش و ظهر من الشركه و قبض الخط و هو راجع للبيت دق ,,
< اموت انا < جاسم : مرحبا طووويل العمر .... بو حمدان : هلا بويه هلا فديتك اشحالك
جاسم : بخير و سهاله من صوبك
بو حمدان : الحمدلله ع كل حال ارمسك زهبت اغراضك انت و اخوك لان ما بنرد من دبي
جاسم : ان شاء الله ابويه نحن زاهبين و نترياك و سلطان و راشد و صالح يوصلون عسب نظهر
بو حمدان: جيه ما دوامت انته اليوم ..... جاسم : بس روحت اخلص اوراق الاجازه و رجعت
بو حمدان : امك و مزنه ظهروا ....... جاسم : هيه ابويه
بو حمدان : زين زين يلا مع السلامه .....جاسم : الله يحفظك ابويه مع السلامه
حمدان : هأ ابويه كان يرمسك ........ جاسم : هيه كان يتأكد انه شلنا اغراضنا
حمدان : اي اغراض انته خلتني اشيل شي اصلا كله اتقول لا اصبر بنسير نتشرى من الشارجه كل اللي شلناه بنطولين و كم بدي ع كم جاكيت ........ جاسم : هيه هيه انته ترانا راحين علاج هب سياحه ويه ويهك ................ حمدان : يا سلام و اللي رايحن علاج حرام يتكشخون .......جاسم : لا تيلس اتذلنا الحينه خلاص هذا هو الكبت يدامك و شيل اللي تبغاه اوكيه ............ حمدان : لا لا وله تزعل فديتك بنتشرى من الشارجه شرات ما اتفقنا ............ جاسم : اول نشي بنسير صحارى عقب الميغا عقب بنسير السوق الجديم ................ حمدان : حشى الحريم ما يتسوقون جيه ................... جاسم + حمدان : ههههههههههه < الله يديم الابتسامه < ,, اشويه و يسمعون صوت هرن
سلطان : و الله انك ما اتعرف السوق بس انا ابى اعرف امنو هذا الاحمار اللي عطامك الليسن ,,؟
راشد : جب زين من زين سواقتك الحينه مره عاد مسكت
سلطان : ع الاقل احسن عنك بغيت ادخلنا في الرصيف مرتين
راشد : يااا معوود فكنا عاد ............ سلطان : معود ,,؟؟ .... راشد : متأثر من مزنه و اربيعتها
جاسم يطالعهم و يبوس ايده:الحمدلله و الشكر ع نعمه العقل....سلطان+راشد : ليش شافينا ميانين
جاسم : لا الخبايل محشومين ............
سلطان و راشد رفعوا حوايبهم
جاسم : ما علينا الحينه احدور و اتزهبو بنظهر اول ما يوصل ابويه
راشد : خير خير خير و الغذى ,,
حمدان يطلع من وراهم ,,و انت كله جيه هم ع بطنك
راشد : هيه انا واحد مب ماكل شي من الساعه 10 الصبح و الحينه 3 قريب الاربع بعد
حمدان : و امنو زخك و قال لك لا تاكل من الكانتين
راشد : الكلاسات زختني
حمدان : تبى اتفهموني انه الكلاساتك من 10 لين 2 ما وقفت
راشد : هأ هيه هيه
حمدان : انزين عن اتموت عيلنا يوم بنظهر بنمر ادنوك و خذ اللي تباه
راشد : هيه جيه زين
اشويه و ابوهم يحدر البيت
بو حمدان : ها تزهبتوا
حمدان : هيه ابويه
بو حمدان : و انا زاهب يلا تعالوا
سلطان : صبر ابويه توك واصل نحن بعدنا واصلين بنسير انزهب كم غرض و اني
بو حمدان : عيل انا بنزل ارتاح اشويه ... زهبوا اغراضهم و ظهروا من البيت الى الشارجه
من ناحيه ثانيه .........ام عبدالله : امل يمه وين خلود
امل : خلود في غرفتها نايمه
ام عبدالله : الله يعينك يا سالم ع خلووده يا حبها للنوم سيري قوميها وقت غذى هذا .... امل : انزين
روحت امل صوب غرفه خلود > طخ طخ
خلود و هي تنجلب للصوب الثاني : اممممممممممممم شووو
فتحت باب الغرفه امل و يلست ع ريل اختها : يلا نشي غذى
خلود : مااا بى هب مشتهيه ....... امل : نشي احسن لج ...............خلود : قلت ما ابى
امل : ليييييش عااد .......... خلود : جيه بس كيفي .........امل : اوف برايج و الله و يت بتظهر
خلود : اموله ..........امل : هلا ,, .........خلود : قوم امايا ما بيرحون التجمع
امل : امبله بس هب اليوم باجر لانه عندي دوام انا نسيتي باجر الخميس و اليوم الاربعاء بس مريوم الهبله مأجازه ......... مريم و هي واقفه ورها : سمعتج هأ ..........امل : اقصد مريوم الحلوه
مريم : حسني الفاضج وله اخبر ابويه تراني اخر العنقود و دلوعته ....
امل : امي خوفتني يالسه اصيح شوفي ........ مريم : ابووووويه ......امل : حطت ايدها ع حجلها خلاص خلاص صخي يرحم امج صخي ..... بو عبدالله : خير خير مريوم ليش اتبغامين ,,؟
مريم : خير خير ابويه لا وله شي بس اشتقت لك ما شفت لك عقب ما رجعت من المدرسه
بو عبدالله : فديت انا بنتيه و الله يلا تعالي غذى ..... مريم : ان شاء الله
مريم وجهت نظره لامل و رفعت حوايبها بشكل متكرر.... امل حست بوزها ع طرف و مشت ورها و اشوبه يسمعون حس واحد غريب في البيت .... بو عبدالله : هلا و الله هلا بريل بنتي توه نور البيت هلا سالم .........مريم + امل : سااالم ,,,,,؟؟؟؟؟؟؟
امل ركيض ع الغرفه
امل و هي اتهز خلود : خلوووود نشي يا الدبه سلوم ريلج عندنا
خلود : اوووه بلا هالمزاح الثجيل ... امل : و الله العظيم ما امزح ياي عندنا
خلود من حلفت صدقت لان امل ما تحلف الا اذا كانت صادقه .. خلود : شو يايبه
امل : و هذا بدال ما ترقصين من الفرح ........ خلود : وليش ارقص ,,؟
امل : لا الحاله صعبه يوم اقول انج مريضه محد يصدق .... خلود : مب متفيجه لج شو المطلوب مني
امل : قومي اتكشخي ...... خلود : اتكشخ ..؟ ..........امل : هيه و الله لو شافج بهاي الكشخه بيطلقج مالت عليج ........ خلود : جب يلا جب اظهر خاري الغرفه ..... امل : بظهر بس تكشخي ابليز
خلود : لبسج ابليس قولي امين
امل : مالت عليج و ظهرت و سكرت باب الغرفه ورها توجهت امل لغرفتها المشتركه بينها و بين مريم و لبست جلابيه طويله و لفت شيلتها و ظهرت و كان سالم يالس مع ابوها و امها
بو عبدالله : امممم ,, و الله يا ولديه لو انا هب واثق فيك كنت ما خليتها تظهر وياك لكنها حلالك و انا مواقف وله الشو رايج يا ام عبدالله
ام عبدالله ببتسامه : انا وياك يا بو عبدالله و لفت ويها حق امل
ام عبدالله : امل يمه قولي حق اختج تزهب ريلها عازمها برى ع الغذى
امل ببتسامه و فرحه لاختها : ان شاء الله
لكن مريم سبقت امل في نقل الخبر
خلود : مريوم قولي حق امي اني مصخنه و ما اروم اظهر مع سالم
مريم : ليش عاد
امل : خيبه انتي لاحقتي
مريم : هيه لاحقت بعدين صلي ع النبي اخاف اتيني جلطه و اموت
امل : عليه الصلاه و السلام اطعلي برى ابى ارمس اختج اشويه
مريم : اوووف و ظهرت و سكرت الباب و رها
امل : يلا حبيتي نشي اتزهبي و لا اتعطلين الريال
خلود : و ليش هاي الظهره
امل : صدقيني هو ياي يبى يتفاهم وياج مب عسب شي ثاني لازم تعطينه فرصه و تسمعينه وله انا غلطانه
خلود سكتت اشويه : وياج حق
امل باست اختها ع خدها و ظهرت
خلود و غيرت ملابسها لبست تنوره بيضاء و عليها بدي اسود حطت اجحال و جلوز تعطرت و ظهرت من الغرفه لابسه العبايه و الشيله
سالم فتح عينه يوم شافها ,, < و الله لو طلقتج يطلع انسان غبي كل هالجمال و اخليه لغيري مستحيل
سالم يمد ايده لل خلود عاد خلود ويها حمممررر و هي اتمد ايدها و امها واقفه تضحك
و ركبوا السياره و اتجهوا للمطعم و طول الوقت ساكتين و كل واحد بقلبه رمسه يبى يظهرها بس ما يعرف كيف
من طرف ثاني ........وصلوا قوم مزنه و استقبلتها غدير بالاحضان و البوسات
و حسن ما زال يوجه نظرات الاحتقار للمزنه ,,
غدير: بلاج مزنه ويهج جيه ..... مزنه : ماشي ماشي ..... غدير: امبله في نشي معاي
العنود : ع وين...غدير: ما يخصج انتي...العنود : مالت عليكم...غدير سحبت ايد مزنه ودتها فوق
مزنه تمت ساكته بس دمعت اعيونها
غدير انا اقول فيه شي حبيتي الانسان لازم ما يتم ماسك عمره يوم يكون متضايج لازم يطلع اللي في قلبه