يوم الله بلاني بالحب حبيت طفلة

البارت 45

صوب سالم كان يالس يطالع ,,صور ملجته نص الصور ما كان مبتسم فيها و كان فيه مسافه بعيده بينه و بين خلود لكن الحينه كل شي تغير
سالم : عسى الله لا يفرقنا
< تصدق قد ما حنيت اشوفك في زوايا البيت <
سالم : الو
مبارك : هلا و الله معرسنا هلا و الله
سالم ضحك و عرف ليش سهيل متصل: هلا و الله بنسيبنا مقدما
مبارك ابتسم و قف : يعني وافقت
سالم : ههههههههههههه هيه وافقت الف مبروك
مبارك : الله يبارك فيك يا رب
سالم : عاد هأ يا النسيب اجل سالفه الملجه ,,الخ لين بعد عرسي
مبارك : اكيد يا سالم ,, الحينه عن اذنك بسير اخبر امايا عسب اترتب امورها
سالم : خخخخ خلاص عيل اخليك مع السلامه
مبارك وحيد امه و ابوه ,,, و اول ما خبر امه ان بيعرس استانست وايد
$$$$$$$$$$$$$$$$$$$$$$$$$$$$$$ $$$$
تقريبا ع الساعه 2 الظهر وصلوا قوم بيت ,, ام حمدان و كانت حميده مجدمتهم ,,,
ظهرت امل و خلود و ام عبدالله يسلمون
مزنه حضنت امل : هلا مرت اخويه هلا و الله
امل ضربتها ع راسها بسج حركات ,, انتي
مزنه : ههههههههههههه اشتقت لج
امل : مي 2 حبيبتي
يوم مزنه شافت مريوم حضنتها : اشتقت لج و الله واااايد
مريم : هيه واضح اشوف تلفون بيتنا محروق
مزنه : لا و الله انا اخر مره داقه جان دقيتي انتي ,, اتشوفيني حيه ميته
مريم : كاج مثل الحصان
مزنه : ما عليه احسابي وياج بعدين
مزنه لفت صوب خلود : هلا و غلا بعروستنا هلا و الله باللي فلستنا ,,!!
ام حمدان : ليش انتي دافعه شي من جيبج
ام عبدالله : هيه و الله
مزنه : حلوه هاي و تبوني ادفع من جيبي ليش شافيني اشتغل و معاشي 50 الف
ام عبدالله : السانج اطول عنج
ام حمدان : صدقتي
حميده : خلو البنت في حالها ما قالت شي غلط
امل و خلو و ام حمدان و ام عبدالله فتحواا عينهم
خلود : اشوفها راضيه عليج شو السالفه
مزنه : قردتنها اليوم اصبح بستها ع راسها < طبعا صوت خفيف <
ام عبدالله : اه يا مسوده الويه بس لو تسمعج
بو عبدالله يحدر الصاله : السلام عليكم
طبعا الكل نش يوم شافه و قربوا منه بناته و سلموا عليه
بو عبدالله قرب من عمته < حميده و طاح ع راسها: شحالج عمتيه
حميده : بخير ربي يعافيك ,, انته شحالك ,,
بو عبدالله : الحمد الله تمام
حميده : مبروك ع عرس بنتك ان شاء الله تفرح في الباقين
بو عيدالله : الله يبارك في حياتج عقبال كل احفادج يا رب
حميده : يا رب
بو عبدالله : شخبارج ام حمدان
ترى بو عبدالله يصير حق ,, ام عبدالله ولد عمها ,, ^_^
ام حمدان : بخير ربي يعافيك
بو عبدالله : بو حمدان اخر مره رمسته قال انه بيرد يوم الخميس
ام حمدان : هيه نعم
بو عبدالله : عيل بنسير ناخذه من المطار
ام حمدان : ان شاء الله
بو عبدالله : هأ يا ام عبدالله شو الغذى اليوم
ام عبدالله ببتسامه : مجبوس سمج
بو عبدالله : يب عليه خلاص اول ما يوصل بو حسن لانه خبرني انه بالدرب حطي الغذى
ام عبدالله : من اعيوني
امل & خلود & مزنه & ام حمدان : اووووووووه
ابو عبدالله : زين جيه ,, الحينه تتغزلين فيني يدامهم
ماتوا ضحك ,,
حدر بو عبدالله يغير ملابسه ,,
و حدر وراه عبدالله و خالد و محمد
خالد كانت اعيونه في الارض و هو يسلم ع ام حمدان و ا حط عينه بعين مزنه لانه يدري انها تدري ,,
مزنه تطالعه بنظراات احتقار و امل لاحظت بهذ الشي و قالت بينها و بين نفسها < لا يكون اتعرف <
ترى غدير ما خبرت امل ان مزنه اتعرف