يوم الله بلاني بالحب حبيت طفلة

البارت 44

اما امل ,,
امل : اااااااااااه يا حمدان اشكثر اشتقت لك الله وحده يعلم بحالي
خلود : الله يرده بسلامه
امل : امين يا رب العالمين ,,
خلود : اقول متى هم بيون
امل : ما ادري بس هم قالوا قبل عرسج بيوم
خلود : زين الحمد الله انا خفت انهم ما يحضرون العرس
امل : لا مستحيل ريل خالتيه اصيل,,, مستحيل يفوت فرحه مثل هاذي
خلود استحت : ^_^
امل : اقول خلود اترمسين سالم انتي
خلود : خخخخخخخخخخخخخخ سكتي غلقت المبايل امايا قالت نو ويه و هو محرج سكتي حاشرني بلمسجات كل ما افتح الفون احصل 20 مسج كلهم سب
امل : هههههههههههههههه
امل قربت من اختها و حضنتها : و الله البيت ,,, بيظلم من دونج
خلود : ابتسمت و دمعت اعيونها
امل و يها < شو السالفه كلهم يصحون <
خلود : بس خلاص نحن في فرح مب في عزى
امل : هههههه هيه صح
خلود : قوم بيت خالوه و خالي متى بيون
امل : بيون باجر شو نسيتي انه حنتج بعد يومين ,,
خلود : لا ما نسيت بس كنت اسال
امل : و الله هذا الووويك بيكون ونااااااااسه
خلود : ههههههههههه انا ادري ليش وناسه لانه حبيب القلب بيرد يوم الخميس
امل : اكيد
خلود زخت المخده و ع راسها : يعني ما اتقولين عسب عرسي يوم اليمعه
$$$$$$$$$$$$$$$$$$$$$$$$$$$$$$ $$
$ صـــــــــــح ,,, ولــــه ,, غلــــــــــط <
صوب غدير .,, ما ادري شو اقول لكم يا جماعه ,, هاي البنت من خبرها ابوها عن سالفه الخطبه و هي ابد مدووووخه و استاخرت اكثر من اربع مرات و دوم اتكون مرتاحه ,, بس
< طخ طخ<
غدير: امنو
العنود : انا
غدير: حدري
العنود: ابويه يبغيج
غدير: هأ شو ليش ,,
العنود : و انا الشو دراني سيري شوفيه
غدير: الحينه الحينه نازله
العنود : لا ابويه في غرفته يلا قومي عاد
غدير : خلاص قلت لج بي
نشت غدير و رحت صوب ابوها
غدير : خير ابويه بغيتني
ابو حسن : هيه فديتج
غدير : خير
ابو حسن : قربي يا بنتي
روحت غدير و يلست صوبه
ابو حسن : شو قررتي يا بنتي انا من خبرتج صار اسبوع كامل ,, و الريال يبى الرد صار له فتره كله يدق و يسأل
غدير خذت نفس و قالت : الشو شوركم يا ابويه
ابو حسن : شوفي عاد الشو شورنا و ال ما ادري شووو لا اتقولين انا ابى اسمع رايج انتي ,, انتي اللي بتعرسين هب نحن
غديرنزلت راسها و بحياء و بصوت ,, بالغصب مسموع قالت : موافقه يا ابويه
ابو حسن : ع بركه الله يا بنتي الف مبروك
غدير: الله يبارك فيك يا ابويه و نشت سيده ع الغرفه
و سكرت باب غرفتها ,, و حطت راسها ع المخده و تمت اتصيح ,,
ماا ادري يا ربي هل انا اللي سويته صح وله غلط
$ الماضي ,,, يصرخ ,,, و ثمن نزوه <
صوب سالم ,, كان قاعد يحاول يتصل ع حبيبه القلب ع قولته ما اترد
و هو محرج خلااااااااااص بينفجر
سالم : اوف اوف
حسن كان موجود في البيت رجع من بوظبي عنده اجازه و مستانس
حسن : بسم الله بلاك تتأفف
سالم : من خلوووود
حسن : انتو لحقتوا تتضاربون بعدكم ما عرستوا ,,؟
سالم : مسكره تلفونها
حسن : و اذا
سالم : اقولك مسكره تلفونها من اسبوع و اذا رحت بيتهم ما يخلونها تظهر
حسن : ههههههههههههههههههههههههه ههههه ههههههههههههههههه انته اتعرف هاي من عدتنا يا سووويلم انتظر ما بقى لك شي نهايه هذا الووويك و اتصير وياك طوول العمر
سالم : ترى هذا اللي مصبرني انه العرس جريب
حسن : الله يهديك و لف عنه يجابل الابتوب ماله
سالم ,,, و هو قاعد وصله مسج
< حبيت اكون اول انسانه اتبارك لك بعرسك ,, الف مبروك ,, و الله يوفقك و يهنيك مع خلود ,,,و ان شاء الله انا بدق لها و بخبرها انا امنو و الشو كانت علاقتي وياك ,,؟ <
سالم فتح عينه و مستغرب حده من المسج
سالم : امنو هاي ,, و يطالع الرقم يا اخي الرقم مب غريب
حسن : امنو شو بلاك
سالم : هأ لا وله شي
و شل فونه وظهر خاري البيت و دق ع الرقم
و رد حس انوثي ,, : الو ,,
سالم: خير ,,,؟
,,,: انت اللي داق
سالم : و انتي مطرشه مسج سخيف مثل ويهج امنو انتي
ردت بضحكه ,,,,: افى بس نسيتني ,,,, نسيت العشره يا سالم
نسيت ساره يا سالم
سالم انصدم : ساره,,,,,,,,,,!
< اتحيدون ساره بنت خاله طلال اللي امه خطبتها له <
ساره : ايه يا سالم
سالم : خير يا ساره شو ما اكتفتي من اللي ياج من ولد خالتج طلال صدق انج وحده قويه عين
ساره : اقول لا تتفلسف انا بس حبيت اقول مبروك ,, يا المعرس بس مب حرام تجذب ع خلود و ما اتخبرها ,, عن علاقاتك القديمه مب هي شريكه حياتك و لازم تعرف ماضيك
سالم : و الله اذا روحتي صوب خلود او تجرأتي و خبرتيها شي و الله لو سوي بج سواه تكون دفنج نهايتها
ساره بضحكه تحدي : بشوف يا سويلم
يلا مع السلامه ههههههههه يا المعرس ,,
سالم سكر بعصبيه و خلاص اعصابه واصله بخشمه يبى يرمس خلود يبى يقولها و يفهمها السالفه
لكن ,, ما فيه فايده خلود تلفونها مغلق ما يعرف شو يسوي ,, ما يعرف غير انه لازم يتصل بطلال
طلال مجابل غرفه مزنه و يشوفها مبتلشه وهي اتظهر ملابسها من الكبت و شايله ورقه وقلم و كل ساعه تشطب شي من الورقه
طبعا مزنه خلاص عارفه انه طلال صار يرقبها فأذا دخلت حرجتها يا تلبس شيلتها او اتسكر الستاره ,, ماشي حل
< و الله احبك , احبك و يشهد الله علي <
طلال : ايه احبج ,,, الوو
سالم : هأ
طلال : لا وله شي وله شي هلا سويلم هلا بمعرسنا
سالم : هلا و الله طلال اشحالك
طلال : يطالع مزنه بخير دامك بخير
سالم : طلال ,, اممم فيه موضوع ابى ارمسك فيه
طلال : خير يا سالم
سالم : و الله انا الحيا ماكل ويهي مب عارف شقايل ابدا
طلال : قول يا سالم اتراك خوفتني
سالم يقوله السالفه
$$$$$$$$$$$$$$$$$$$