يوم الله بلاني بالحب حبيت طفلة

البارت 37

طوط طوط طوط طوط طوط طوط ,, طوط طوط ,,
و كانه الخط ما يبغى حد يرد عليه ,, و كانه الزمن يقول ,, صخي يا غدير ,, لكن الله شاء ,, و انرفعت السماعه
,, امــــل,, هل '' هي امل غدير ,,,؟
غدير ,, بصوت يخنقه العبره : الوو
امل : الو هلا حبيبتي ,, غدير اي مس يوووو
غدير : اي مس يو 2 غناتي
امل : اشحالج ,,؟
غدير: الحمد الله من صوبج ,,؟
امل : بخير دامج بخير يا الغاليه
غدير: دومز ,,
امل : دام عزج حبيبتي و نبض قلبج
غدير: وياج ,,
,, و صارت فتره سكون بين الطرفين كل وحده فيهم ,, تنتظر الثانيه ,, ترمس
امل ملت : وينج بعدج وياي الخط ,,؟
غدير: ايه ايه وياج وياج ,,
امل حست من نبرت صوتها ,, انه فيه شي كبير : فيه شي صاير يا غدير ,, احس بقلبج فيه رمسه ,,
غدير : ماسكه تلفونها و اقفه مجابله الدريشه و اعيونها ادمع ,, ما اتعرف ,, من اي طرف ترمس ,,؟ او اي عنوان اتصيغه لهاي الغلطه ,,
امل : حست ,, بدموعها : شو صاير يا غدير رمسي زيغتني ,,؟
غدير بثوره : اخوووج يا امل اخوووج ,,
امل بكل علامات التعجب : اخووويه اي اخو فيهم ,,؟
غدير : خـــــــــــــــــــالــــــــ ـد
امل : لا لا صدق الحينه انا هب فاهمه شي شو السالفه ,,, و خالد شو يابه في الموضوع حبه حبه علي ,, دخيلج
غدير : يا امل السالفه و ما فيها ,,
$$$$$$$$$$$$$$$$$$$$$$$$$$$$
القمر ,, مكتمل ,, و الشارع فاضي ,, و النسيم ,, بارد ,,
و طلال ,, مرتبك و يفكر كيف يرتب رمسته و هو يرمس مع حسن ,,
ما يعرف شو يسوي بس كل اللي يعرفه انه حسن ما بيرحب فيه ,,,!!
توكل ع الله و رفع تلفونه و اتصل حسن شرات ما اتوقع ,, حسن سكر في ويه
رد و اتصل و حسن يضغط الزر الاحمر ,, دون تفكير
حسن بعصبيه : صدق قوي عين ,,,
سلطان : امنو ,,؟
حسن : واحد حقير ,,؟
سلطان : اعوذ بالله امنو انزين ,,؟
حسن : الله يستر عليه
راشد : انزين رد شوف الشو يبغى طفرنا ,, كل ساعه تلفونك يرن
حسن شل تلفونه و ظهر من الغرفه
صالح : رشووود ,, ما شفت ال بي اس بي مال
راشد : لا ما شفتها
صالح : وين سارت
سلطان : شوف وين عقنها هب ويه هاي العاب انته قوم العاب بو درهمين
صالح : و انته الشو لك ,, ابويه شارنها هب انته
سلطان : اقول يا الهرم يوم بتي ترمس مع اللي اكبر عنك ارمس بأدب اوكيه يلا اظهر خاري يهال ما ينعطون ويه
صالح كان يتحرطم و ظاهر من الغرفه و مر غرفه مزنه
< طخ طخ
مزنه : امنو
صالح : انا
مزنه : الشو تبى
صالح : تعالي بنشوف مسلسل باب الحاره يبحطونه الحينه
مزنه : الحينه بي
صالح وايد متعلق بمزنه ,, و هم يتابعون مسلسل باب الحاره مع بعض
يلست مزنه يم صالح
مزنه : اقول وين ولد خالك
صالح اطالع مزنه بنظره : و ليش تسالين عنه ,,؟ شو عندج
مزنه : تستهبل انته انا اسالك عسب انتبه احط الشيله ع راسي
صالح : نزل الطابق الاول يلا حطي القناه خلنا انشوف المسلسل
مزنه : انزين < بل هذا من الحين عيل يوم بيكبر الشو <
صوب حسن ,,
اللي كان ينتظر طلال يدق عسب يشوفه شو يبغى ,, < اعتقد انه عرف عن السالفه اكيد مزنه خبرته <
من ناحيه ثانيه طلال واقف ع الباب ,, و فقد الامل ,, ان حسن يرد
طلال : بحاول اخر مره ,,
و فعلا دق و حسن رد عليه
حسن : خير ,,
طلال بضحكه : بسم الله الناس يسلمون
حسن : السلام يكون للناس اللي يستاهلونه وله الشو رايك يا طلال ,,؟
طلال : يا الله هالكثر شايل علي وين ايام اول كنت اعز اربعك
حسن : ارواحك قلت كنت ,,, اعز ربعك ,, و هذا جائزه الصداقه يا طلال ,,؟
طلال : التفاهم ,, عبر التلفون ما راح ينفع و انا اخوك ,, انا برى بيت عمتك تعال ,, خل نرمس اشويه
حسن : ما بيني و بينك رمسه
طلال : دخيلك يا حسن و العشره اللي من بينا اتي ,, تعال و خل نتفاهم بموضوع مزنه
حسن : تعال ,, انته كيف عرفت اني عرفت عنك و عن بنت العمه اها ,, نسيت انك اترمسها بالفون ,,؟؟
طلال اعصابه وصلت بخشمه و اي كلمه زياده ,, بتخليه ينفجر بس خذ نفس عميق ,, و قال ببرود : انا ياي لك عسب اوضح لك شي انته فاهمه غلط
حسن : بنشوف ,, انتظر الحينه ياي ,, و ان شاء الله تطلع مظلوم يا طلال
$$$$$$$$$$$$$$$$
صوب امل و الصدمه ,,,
صفعه حاره كانها بنسبه لامل ,,
امل : مو معقوله ,, ابد مو معقوله ,,
غدير و هي اتصيح ,,: يا امل اخوج يالس يقول للعالم اني انسانه مب مب ,, خنقتها العبره ,, مب ( شريفه )
صدى كلمخ مو شريفه بدى يتردد في السماعه
امل : عينها دمعت و جنه حد ربط السانها ,, سكتت و حست بغصه في قلبها
غدير: امانه يا امل تصرفي قبل لا يوصل الخبر لاحد كبير الله يخليج يا امل الله يخليج انا ,, انا ,, ادري اني غلطانه يوم رمسته ادري و الله ادري بس,,, شو اسوي غلـــــــــطـــــه ,, يا امل غلـــــــــــطه ,,
امل : بصوت هادري تطميني يا غدير و هدي اعصابج ,, و انا بلعن خيره بعلن خيررررررره
و خل اشوف ويه بس ,, وله ليش انتظر يرجع البيت الحينه بدق عليه مع السلامه يا غدير
غدير : مع السلامه < بصيص امــل < في يد امـــلٍ
$$$$$$$$$$$$$$$$$$$$$$$$$
# كان طلال قاعد ع الرصيف و الهدوء مغطي ع الجو ما يمسع الا صوت الهوى و فجأه حس ,, بخطوات ,, احد ياي من وراه خذ نفس و نش و لف وراه و تقدم و مد ايده
حسن مد اطراف اصابعه ,, حسن اللي ويه كان كله عصبيه ,, اللي كان كله ,, حقد بس يباله كلمه عسب ينفجر
حسن : بختصار ,, يا طلال شو عندك,,؟
طلال : من وين هالقسوه ,,,يت و انا اخوك ,,؟
حسن : الاخو ما يخون اخوه و انا اخوك ,,,!!
طلال : لكن يا حسن اعيد و اقول انك فهمت السالفه غلط ,,
حسن ببتسامه : نورني يا طلال ,, و خلني افهم انته اتحب مزنه ,,؟ < سؤال يدل ع الذكاء <
طلال اكتفى بالصمت
حسن : شفت ,,
طلال جمع قواه و قال : ايه احبها
حسن بعصبيه : و هي تحبك ,,؟
طلال : ,,,, ايه ,,
حسن : و ين الغلط اللي انا فاهمنه عيل ,, يا طلال ,,؟
طلال : لاء غلطان يا حسن غلطان انا ما فيه بيني و بين مزنه اي علاقه في الظلام ,, و تاكد اني عمري ما خنت هالبيت و اهله و رمستها في التلفون انا مب نذل يا حسن مب نذل و لا ازيدك من الشعر بيت حمدان يدري بهذا
حسن : حمدان يدري انك تحب اخته ,,؟
طلال : هو يدري اني ابيها ع سنه الله و رسوله ,,
حسن اهني ثارت اعصابه و تقرب من طلال دون تخطيط و مسكه من كندورته : كيف تتجرأ و اتزخ ايدها يا طلال كيف
طلال : حرج و صرخ نزل ايدك يا حسن نزلها
حسن نزل ايده
طلال : كانت غلطه ,, و ما كنت حاس بعمري ,, كانت زعلانه مني و ابتسم
حسن : يا اخي انته متناقض كيف زعلانه و منك و انته ما بينك و بينها علاقه في الظلام ,,؟
طلال : لا حول وله قوه الا بالله ,, اقول تعال نتمشى و انا اقولك عن السالفه و يلس يخبره عن سالفه الضرابه مع سعود