المكان : التقنيه / الكانتين
الزمان : 12
سلطان : جيه السالفه يعني
راشد : هيه
سلطان : يعني هو يالس يتحرش اوكيه اوكيه
تبغون اتعرفون السالفه
< اتحيدون قاسم اللي انضرب من قبل سلطان و راشد .. رجع يتحرش بهم مره ثانيه
و هذا التحرش كان يتخلف نوعا ما قام يوقف سيارته ورى سيارتهم و يسد عليهم الدرب
و استمرت هاي السالفه لمده اسبوع و حاولو يعرفون امنو صاحب السياره ما يعرفون <
سلطان : ما قلت لي شقايل عرفت
راشد : هذا الله يسلمك كنت امشي ياي الكلاس مال سير لؤي ..
ياني سعيد و انا موصنه يدور امنو صاحب هاي السياره
و قالي انه صحبها قاسم عقب سارنا بركانات السيارات .,, انشوفه مسوي حركته السخيفه وله و طلع بركن سيارته ورنا ,, و رديت انا ادوره عسب اتفاهم وياه وما حصلته
سلطان : الظاهر ما تأدب من ذيك المره ..
راشد : اقولك عاد ..
سلطان : بس اتعرف شقايل اليوم بنوريه بنفس الطريقه بسوي له شي بخليه ما يجرأ في حياته يتعرض لنا .. و لا و ازيدك من الشعر بيت محد بيعرف انه نحن مسوين جيه الا هو نفسه
راشد : الشو ناوي عليه ..؟.
سلطان : ابتسم خلها ع ربك .. انته كم باقي لك .,.
راشد : انا خلصت كلاساتي
سلطان : زين عيل انا بمتحن و راجع لك
راشد : اترياك
سلطان روح يمتحن و يوم رجع اتحركوا بسرعه عن موقف .. السياير و كالعاده قاسم موقف سيارته
ورى سيارتهم
سلطان فتح باب سيارته و ظهر من حديده
راشد فتح عينه : الشو بتسوي و من وين لك هاي الحديده
سلطان : هاي الحديده اتحيد الحادث اللي سويناه السنه اللي طافت
راشد : هيه
سلطان : بعد الحادث انا حصلت هاي الحديده في السياره و خليتها
راشد : و شو ناوي اتسوي
سلطان : طالع و انته ساكت رفع الحديده و بدى يشمخ الكفر مال سياره قاسم
تم يشمخه بصوره واضحه
راشد ميت ضحك
سلطان : يلا خلاص اتصل حق سعيد
راشد : ليش بعد
سلطان : عسب يحرك سيارته تراه بركن يدمنا ..,, و اذا حرك سيارته انروم نحن نظهر من يدام
راشد : صح و الله
اتصل راشد ع سعيد و ياه و حرك سيارته و ظهروا سلطان و راشد
طبعا قاسم زين ما مات يوم شاف كفر سيارته و تم زايغ لان السياره يديده و ابوه اكيد بيهاوش ...!!
&&&&
نهايه الدومات
مزنه اول ما ردت قالت هالكمتين و راحت اتنام : ماما هب مشتهيه محد يقومني للاكل
و رحت اتنام
و الباقي اتغذوى و ناموا
في بيت بو حسن
رجعت غدير و سالم و العنود و يلسوا يتغذون مع ابو حسن و ام حسن
و بيت عوشه الاجواء كانت هاديه و ايد
عبدالله في دوامه ماراح ينزل الا نهايه الاسبوع و خالد اول ما وصل تغذى و نام امل يالسه ع لابها و مقرره اترمس حمدان بالليل و خلود .. اتفكر اتسوي شي و اكيد بنعرفه
مريم .. نامت اول ما وصلت
$$$$$$$$$$$$$$$$$$$$
ام سعد : حوريه .. يا حوريه
حوريه : نعم عمتيه
ام سعد : تعالي حبيبتي
حوريه قربت من خالتها
ام سعد : اسمعي فديتج انا بمر ع اختيه ام حارب تباني ع العشى دخيليج طلي ع البشاكير و خبريهم الشو يسون عشى ..
حوريه : اتامرين خالتيه
أنت تقرأ
يوم الله بلاني بالحب حبيت طفلة
Romance( مزنه ) طالبة فالصف الثالث عدادي ، شخصيه حبوبه لسانها اطول عنها .. تصير مواقف وياها فالدراسة و تتعقد حياتها يوم تكتشف انه ولد جيرانهم اللي هو بطلنا الثاني ( طلال ) يحبها و هو اكبر عنها بوايد ؟
