طلال كان متسبح و متعطر و نازل ع الدري
منال : صباح الخير
طلال بدون نفس : صباح النور
منال : بسم الله بلاك من الصبح
طلال : ماشي
منال : لا شي
طلال : شو بلاني بعد ,,,,,!!! غير سالفه مزنه
منال ابتسم : لا ان شاء الله بتتعدل الاوضاع
طلال : زين انا اصلا رايح لها اليوم
منال : هأ,,,؟
طلال : اقصد رايح حق اخوها حمدان تراه بيسافر باجر بسير ابات عندهم و بوصله المطار و برجع
منال : زين بي وياك
طلال : بكف اتين وياي قري مكانج
منال: طلال حراام بسير عند البنات
طلال : ماشي سيره و لا اتعورين لي راسي وين ابويه
منال : هذا هو تحت < فيس زعلان
طلال : و هو يمشي يقلدها : زين عيل بي وياك هذا اللي ناقص
ابو سعد : صباح الخير ولديه
طلال : صباح النور ابويه < باس راسه
ابو سعد : زهبت
طلال : هيه ,, زين سعد
ابو سعد : هذا هو عند امك في المطبخ سير ناده
سعد : امايا ,,, حوريه صار لها كم يوم كله اترجع و تعبانه ما ادري بلاها ,,!!
ام سعد : ايه يمكن حامل
سعد : حامل ,,؟؟
ام سعد تطالع ولدها ,,,
سعد : ها لا مو اقصد جيه
ام سعد حطت ايدها ع جتف ولدها : صل ع النبي شو حوريه اول مره تحمل اليوم خذها ع المستشفى و خلها اتسوي تحليل دم ,,
سعد : ان شاء الله خير
طلال : سعد يلا تعال بنروح عنك ترى
سعد : زين زين ياي
ظهر وا سعد و طلال و ابوهم و اتجهوا للمسيد
في السياره
طلال : ابويه اليوم انا بروح الشارجه بيت سالم ولد بو حسن
ابو سعد : خير ولديه
سعد : بسير يخطب من ورنا
طلال شافه بنظره ,,,: ما اتضحك
طلال : بسير عند حمدان تراه بيسافر باجر و بسير وياه المطار
بو سعد : هيه صح ,,, خبرني بو حمدان يرحون و يرجعون بسلامه سير ولديه في حفظ الرحمن و سلم عليهم وايد
طلال : يوصل الله يسلمك
سعد : و صل مني سلام حق حمدان فديته و اعتذر منه و الله قاطع فتره
طلال : خير ان شاء الله
$$$$$$$$$$$$$$$$$$$$$$$$$$
طبعا روحوا الشباب المسيد و الحريم يالسات لا شغل وله مشغل صلوا الظهر و يلسوا يشربون جاهي
مزنه و غدير كانوا يالسين عند الحريم
ام حمدان غمزت حق ام حسن
ام حسن : هأ ,, هيه هيه ,, احم غدير فديتج خذي مزنه و سيري سوي لنا جاهي
غدير ضربت كوعها بخصر مزنه
مزنه : ااخ
غدير: بس امايا هذا هو الجاهي اهنه
ام حسن : اوه صح عيل سيري فوق عند البنات حق الشو مخلينهم اروحهم
غدير : و الله ما ينعرف لكم اذا يلسنا فوق اروحنا قلتوا ما تيلسون وينا و اذا يلسنا وياكم قلتوا روحوا فوق
غدير نشت و سحبت مزنه ويها
ام حسن : تهز راسها ,, و الله السانج يباله قص احمدي ربج انه يدتج هب موجوده
طبعا غدير امنو يروم ايب راسها يلست هي و مزنه ع الدري يتسمعون الرمسه
ام حمدان : زين يا ام عبدالله رمستي بو عبدالله عن سالفه امل
ام عبدالله : ابتسمت ,, هيه رمسته بس قال لازم انشور البنت
ام حمدان : هذا شي اكيد يا ام عبدالله
ام عبدالله : بس لازم بو حمدان يشرفنا في البيت عسب اتصير الخطبه رسميه
ام حمدان : اكيد حبيبتي بس انا حبيت انه اسمع راي البنت قبل لا اني و نخطب
ام عبدالله : ان شاء الله غناتي لو تبغين الحينه اناديها و اسالها بناديها
ام حمدان : بس اخاف البنت نحرج
ام عبدالله : عيل خلاص برمسها اليوم بالليل
ام حمدان : ع خير ان شاء الله
ام حسن : مبروكين مقدما
ام حمدان : الله يبارك فيج حبيبتي عقبال غدير و العنود و باجي الشباب
الباجي : امين ,,
غدير: سمعتي اللي سمعته
مزنه : خخخخخخخخ هيه يلا انخبر امل
غدير: لا يا غبيه ما بنخبرها خل اتكون سبرايس اوكيه و لا اتخبرين حد
مزنه : اوكيه
رجعوا الشباب من الصلاه و حطو لهم الغذى و يلسوا يتغذون
صوب بيت قوم طلال
ام سعد : هأ حوريه بتروحين
حوريه : هيه خالتيه الحينه بسير ,,
ام سعد : ان شاء الله تطلعين حامل
حوريه : لا خالتيه لا اتقولين جيه ان شاء الله ما اطلع حامل
ام سعد : لا حوريه ,, حرام عليج هذي نعمه من ربج ,, ناس ما عندها تتمنى ظفر الياهل
حوريه : و انا هب معترضه بس و الله تعب علي دوام و اتوحم ,,!!
ام سعد : مأجوره ان شاء الله
حوريه : الله يستر
سعد : يلا مشينا
طلال : و انا بعد ماشي
ام سعد : بحفظ الرحمن يمه سلم ع حمدان و ع ام حمدان
طلال : و الله حمدان يوصل يمه بس ام حمدان ما اوعدج
ام سعد : هههههههه الله يحفظك مع السلامه
ظهر طلال و ركب سيارته ,,اللي هي لومينا اس اس ^_^
صوب البنات
كانوا يالسين بملل
مريم : مزنه غني ابليييييييييييييز
كل البنات تيمعوا عليها
خلود : هيه هيه ابليييييييييييييز
مزنه : لا تستهبلون
غدير: امانه مزنه
مزنه : ايه استحي
العنود : من شو تستحين ويه ويهج
مزنه : اممممممم انزين غمضوا عينكم
خلود : لا و الله
امل : خلاص خلاص بنغمض بس غني
مزنه : احم احم ,, انزين الشو تبون تسمعون
امل : اي شي من صوتج حلو
مزنه : ايه و الله استحي
غدير: لا عاد لا اتذلينا
خلود : اذا غنيتي بطلب لج من الدكان اي شي تبغينه
مزنه : خلاص جيه بغني
كل ما تبى اتغني اتشوف اشكالهم تنقع ضحك
$$$$$
ام حسن : حسن حسن
حسن : نعم امايا
ام حسن : وين رايح
حسن : بصعد فوق بسير ايب لي كندوره من غرفتي بينا طلال من بوظبي قرب يوصل
ام حسن : زين عيل في دربك مر ع البنات و خبرهم يتزهبون عسب نحن بعد بنظهر
حسن ,, حصلها فرصه : اوكيه
صعد حسن و ع طول اتوجه غرفه البنات بس سمع صوت خلاه يوقف صوت حد يغني
صوت مؤثر ,,و استغرب
غـــريب أبن آدم _ حسين الجسمي
وش فيك تركض وش بلاك
وش اللي تتزاحم عليه
وشفيك تركض واش بلاك
وايش اللذي تتزاحم عليه
ليش اللذي تكمى كفاه
ليش اللذي مو بيديك تبيه
ليش اللذي تكمى كفاه
ليش اللذي مو بيديك تبيه
ناس تلقه في هالدنيا نصيب
ما ريد يا ابن ادم ما اريد
( دمعت اعيون مزنه اهني و اهي اتقول هذا المقطع )
لو كل احد راضي وقنوع
لو مافي شي اسمه طمع
ماكان في هالدنيا جوع
ماكان مركبنا طبع
لو كل احد راضي وقنوع
لو مافي شي اسمه طمع
ماكان في هالدنيا جوع
ماكان مركبنا طبع
بس منه يسمع او يجييك
غريب يا ابن ادم غريب
المال كلمه والامل
كلمه بها نفس الحضور
شيئيين من دون العقل
تحيا بهم بس ما اتشوف
المال كلمه والامل
كلمه بها نفس الحضور
شيئيين من دون العقل
تحيا بهم بس ماتشوف
والمال كم بعد غريب
غريب يا ابن ادم غريب
اشفيك تركض واش بلاك
وش اللي تتزاحم عليه
ليش اللذي تكمى كفاه
ليش اللذي مو بيديك تبيه
ليش اللذي تكمى كفاه
ليش اللذي مو بيديك تبيه
ناسي انه هالدنيا نصيب
غريب يا ابن ادم غريب
غريب يا ابن ادم غريب
أنت تقرأ
يوم الله بلاني بالحب حبيت طفلة
Romance( مزنه ) طالبة فالصف الثالث عدادي ، شخصيه حبوبه لسانها اطول عنها .. تصير مواقف وياها فالدراسة و تتعقد حياتها يوم تكتشف انه ولد جيرانهم اللي هو بطلنا الثاني ( طلال ) يحبها و هو اكبر عنها بوايد ؟
