يوم الله بلاني بالحب حبيت طفلة

البارت 24

غدير صار لها فتره ساكته و مزنه تطالعها و زايغه و مستحيه بنفس الوقت
مزنه مسكت ايد غدير : ارمسي يا غدير قولي شي
غدير : كيف صار جيه ,,؟
مزنه : شو اللي جيه
غدير: متاكده انه حسن اخويه اعترف لج بهذا الشي
مزنه : هيه
غدير: و الله العظيم مشكله كبيره هاي ,,و مالها حل يا ربي
مزنه : لا تزيعني يا غدير اوراحي زايغه من اللي بيصر
غدير: و انتي بدال ما اتكحلينها عميتها اونه الشو خل اتاكد من مشاعري يا غبيه هذا معناته انج تحبينه هو جذه فهم
مزنه : غدير حطت ايدها ع حلجها هيه صح بس انا قلت هالكلام يوم كنت زعلانه من طلال
غدير: يا سلام و امنو الضحيه اخويه اسمي انج ياهل
مزنه تمت صاخه لازم تعذرها هذا اخوها و اكيد عور قلبها
مزنه : غدير دخيلج دبريني رمسيه قولي مزنه تعتبرك شرات اخوها هب اكثر وله اقل
غدير : امري لله برمسه بس هب اليوم عقب ما تروحون هو بدون شي نظرات احتقار عيل لو عرف شو بيسوي
< طخ طخ <
غدير : امنو
العنود : شو هاي الحركات انتي وياها صدق مافيكم مذهب جيه مخليني ارواحي يالسه مع الشياب فتحوا الباب
غدير تطالع مزنه و تهمس : لا اتخبرين هالخلبه
العنود من ورى الباب سمعت و قالت لازم اظهر الرمسه
نشت غدير و فتحت الباب : نعم
العنود : يعل النعامه ترفسج
غدير: الشو ,,ما سمعت
العنود : وله وله شي تعالوا تحت امج تتخبر عنج
غدير : الحينه بني
و نزلوا مع بعض

صوب الشباب
جاسم : اقول وين عيل قوم بيت خالوه ام عبدالله
حسن : بيون باجر
جاسم : اها
حسن يلتفت حق سلطان : تعال جيه انته ياي ويه اخوك ماشي دوام باجر شو
سلطان : لا شي بس ما بندوام لان السير مالنا بيغب و بيرح راسنا
حسن : ليش بيغب
سلطان : بيسافر عنده شغل في الاردن
حسن : و ماشي اكلاسات عندكم ثانيه
سلطان : باجر نحن عندا كلاسين كلاس فارغ و الثاني مب وايد مهم
حسن : اها
حمدان : انزين شباب متى نظهر عسب نتسوق حق السفره
جاسم : نظهر بعد صلاه العصر
حمدان : هيه زين
ام حسن تحدر عليهم : هيه زين و نحن الحريم بني وياكم عسب نتسوق
حمدان : لا خالتيه نحن ما نشل حريم ويانا بدوخونا و نحن نبى انخلص بسرعه
ام حسن : فديتنا وين بندوخكم الا بنسير سوق الجديم عقب صحارى عقب الميغا و بنسير نتعشى و نحن رادين
حمدان : بس ,,!!
حسن : و الله غريبه العاده اكثر
ام حسن : هالمره عسب ام عبدالله هب موجوده يوم اتي بنسير نتسوق عدل عسب انخلص زهبه خلود
راشد : هيه صح .,, وين سلوم خالتيه
ام حسن : و الله ولديه سار يظهر حرمته
الشباب :,,هأأأأأأأ!!!!!!!!!!!!!!!!!!! !!!
ا م حسن : ويه بسم الله بلاكم قلت شي غلط انا ع العموم اطرش لكم البشكاره اتيب لكم الشاي ,,.؟
حسن : هيه هيه خل ايبون
ام حسن ظهرت
جاسم : سمعت اللي سمعته
حسن : هيه غريبه و الله
حمدان : هههه لا لا زين فيه تطور الظاهر خذى بنصايحي الذهبيه
الباجي : هههههههههههه
$$$$$$$$$$$$$$$$$$$$$$$$$$$$
سالم ^_^ & خلود في السياره
خلود : سالم خلني انزل صار لنا ساعه قاعدين بسياره مجابل البيت
سالم : وين تبين اتروحين ما شبعت منج خل انعوض الشهور اللي طافت
خلود : و الله منك هب مني
سالم : اوووه عاده قلنا خل نسنى الماضي صح
خلود : هيه صح اسفه
سالم : انزين تعالي انسير البحر
خلود : بحر هالوقت
سالم : توه الساعه 4 و نص
خلود : سالم نبى انصلي
سالم : صح وياج حق بس انا برجع بصلي هناك في بيتنا
خلود : لا انزل صل عندنا عقب اتوكل الله يخليك لا تردني
سالم : افى بس مستحيل اردج يلا نزل خلود توها بتفتح باب السياره
سالم : خلود
خلود : اعيونها
سالم ابتسم :فديت اعيونج
خلود استحت جان تشمي بسرعه
سالم < حب يحرجها : صبري وين بوستي
خلود : ههأأ تحلم و حدرت البيت و حدر هو ورها
ام عبدالله اول ماشافت بنتها تمت تضحك
خلود : السلام عليج امايا
ام عبدالله : و عليج السلام فديتج وين ريلج
خلود : الحينه بيحدر و حدرت غرفتها
و اول ما حدرت زختها امل
امل : الحينه تيلسين اتخبريني من اول ما ركبتوا السياره لين وصلتوا المطعم لين رديتوا اهني
خلود : لا حبيبتي هاي اسرار ولازم ما تظهر
امل : ماشي اسرار بين الاخوات
خلود : لا فيه يا حبيبه حمدان
امل ويها انعفس و الف اشاره طلعت فيه : ك ك كيف ,, كيف عرفتي
خلود : معقوله ما اعرف وياج بنفس البيت و ما اعرف
امل استحت من خاطرها
خلود غيرت ملابسها لابست مخوره حمرى و حطت روج احمر و رفعت شعرها و لابست شيله تعطرت و حطت اي شدو خفيفه ع عينها و تجحلت
ابتسم في ويها سالم اللي كان مخلص صلاته و يالس يترياها
سالم : كنت بروح بس قلت ما اروم اسير قبل لا اسلم عليج
خلود : لا شو وين اتروح تيلس تتعشى ويانا
سالم : لا حبيبتي ما اروم و الله
هو قال حبيبتي ناظره عبدالله و نش
خلود ضربت سالم : لا اتقول حبيبتي يدام اخواني استحي زين جيه خليت عبدالله ينش الحينه بتم سنه ما اروم احط عيني بعينه
سالم : بابا انتي حرمتي هب محرم عليج وله منقود
خلود : يوم قال حرمتي حس بحراره بجسدها
سالم نش و مد ايده ع خلود و باس راسها
خلود احمرت : توصل بسلامه اول ما توصل دق لي
سالم : تامرين حبيبتي و الحينه وين بوستي
خلود : رفعت حايبها و مشت
عنه
سالم : ههههههههههههه فديتج و الله و ظهر من الميلس و سلم ع بو عبدالله و ام عبدالله و رد الشارجه
خلود تمت مستانسه
و توها حادره الغرفه رن تلفونها
خلود : الو << مستغربه
سالم : ااخ اشتقت لج
خلود : هههههههههه توك ظاهر من البيت
سالم : ما اروم و الله برد برد
خلود : هههههههههههههههههههههههههههه رد انزين انا قلت لك اتعشى ما طعت
سالم : و الله استحي ارد بيقولون هذا ما صدق
خلود : لا حرام امنو بيقول
سالم : خلاص امري لله استحمل للين باجر
خلود : باجر
سالم : هيه بتون بيتنا
خلود : بس انا ما بي
سالم : ع كيفيج هو انا ريلج و اقولج اتين باجر فاهمه انتي
خلود : ان شاء الله ههههه كله وله تزعل
سالم : عبالي
خلود : انزين سالم بسكر بسير اسبح
سالم : شلي التلفون وياج
خلود : ههههههههه كيف بيخترب
سالم : كيفيج عاد انا بتم ارمسج لين اوصل البيت
$$$$$$$$$$$$$$$$
من جهه ثانيه طلال توه ناش من النوم و نزل تحت و شاف ابوه باس ع راسه و يلس يمه
بوسعد: ان شاء الله نمت زين
طلال : اللحمد الله
بو سعد : نوم العوافي
طلال : الله يعافيك ابويه ,, وين منال
بو سعد : ما ادري اظن عند حوريه
$$$$$$$$$$$$$$$$$$$$$$$$
حوريه : انتي اتزهبي و نحن بنقنعه ما عليج انتي
منال : ما بيوافق بيقول لا وتعبان
حوريه : ما بيقول
منال : خلاص عيل
سعد يحدر عليهم
سعد : وين منصور
حوريه : نايم ,, سعد حبيبي
سعد : حبيبي قالت حبيبي الله يستر الله يستر بستره يا رب شو بغيتي يا روح سعد
حوريه عقدت حويبها
و منال ناقعه ضحك
حوريه : سعد شو اتفهم اختك انته انه انا مصلحجيه
سعد : لا افى بس و الله افى انته يحليج ما اتعرفين شو يعني المصلحه
حوريه : ســــــــــــــــعد
سعد : اوويه نط لها عرج قومي اظهري بسرعه منال لا يحوشج شي
منال ما اتروم نامت ع بطنها و تمت تضحك
حوريه خذت نفس: اليوم انا و منال نباك اتودينا بن بطوطه مول
سعد : خير بن بطوطه استرحوا انا تعبان اذا تبون فيه قرين مول << يقصد سوق الخضره <
حوريه + منال : لا و الله حلوه هاي
سعد : تم يضحك لانهم قالوها بطريقه اتضحك
حوريه : سعد بتودينا
سعد : هب ع كيفيج
حوريه : فديتك سعد
سعد : خليني افكر
سعد : اي شي اي شي
حوريه : اي شي اي شي
سعد : امممم
< غمض عيونك <
منال : الو ها شو تبى
طلال : اباج تعالي
منال : بي صبر
نشت منال
سعد : وين
منال : طلال يباني
حوريه : خلاص بس اسمعي تزهبي بنظهر بعد صلاه المغرب ع طول
منال : اوكيه ظهرت و صكرت الباب ورها
$$$$$$$$$$$$$$$$$
في السوق الحريم يتمشون و حليهم منهد
مزنه : خلاص تعبت و الله تعبت
ام حمدان : الله شوفوا قطع خام غاويه خل نحدر
غدير: عمتيه و الله تعبنا تكسرت اريولنا
ام حسن : انتو شباب جيه ترمسون شو خليتوا حقنا نحن عيل
ام حمد : هيه و الله
مزنه تقرب من خالتها ام حمد
مزنه : خالوتي خل نتراح اشويه ع الاقل ما شاء الله عليكم من محل لين محل صار لنا ساعتين يمكن الحينه شو ما شبعتوا
ام حمد : لا ما شبعنا
العنود : كيفيكم عاد انا و مزنه و غدير بنيلس في مركز ساره و انتو كملوا تسوق
ام حسن : خلاص برايكم
ام حمدان : لا لا ماشي روحه السوق كله شباب هب ناقصين رمسه
ام حمد : يا ام حمدان : نحن وائقين في بناتنا و بعدين البنت الحشيمه محد يروم يقط عليها رمسه وله الشو يا بنات
البنات : صح
ام حسن : توكلن عيل و نحن يوم نزهب بندق لكم تلفون
البنات روحوا مركز ساره و يلسوا في الكوفي و طلبوا لهم شي بارد