يوم الله بلاني بالحب حبيت طفلة

البارت 35

في راك
$ اجــــواء ,, رومنـــــسٍيــــه $
كانت امل يالسه مع مريم اتسمع لها اونها اتحفظها يعني
و خلود كالعاده اترمس سالم
خلود: يلا عاد حبيبي ,, بلا مصاخه
سالم: قلت لج تعطيني بوسه قبل لا انام يعني تعطيني
خلوود : اوووه
سالم : شووو اوووه بعد
خلود : ما اروم خواتي بالغرفه
سالم : و خوات شو ملزقهم فيج
خلود: بعد ربك ',,!!
سالم : خلاص بنأجل البوسه بعدين تصبحين ع خير حبيبتي
خلود : و انته من اهله فديتك
سالم : مع السلامه
خلود : مع السلامه
جان امل اتفر المخده ع خلود
امل : مع السلامه فديتك ؛؛ هييييييييييييه في ياهل اهني
قامت مريم ضربت امل : محد ياهل غيرج عاد شوف الاخبال صارت الضرايب هاي اتفر المخده ع هاي و هي تركض و هاي اتصرخ

ام عبدالله و بو عبدالله و عبدالله و خالد و محمد ركضوا و فتخوا باب الغرفه عاد
مريم كانت ماسكه خلود و في ايدها مخده
و امل منخشه تحت الشبريه كلهم يوم شافوا ابوهم يبسوا
خالد + عبدالله + محمد : هههههههههههههههههههههههههههههه هههههههههههههههههههه هههههههههههههههه
عبدالله : ما اقول الا الحمد الله انه بنفتك منكم الله يعنكم يا سالم و حمدان
امل : رفعت حايبها هي و خلود
ام عبدالله : لا حول وله قوه الا بالله متى بتعقلون انتو هأ
ابو عبدالله : جوفوا عاد انا وراي دوام باجر و ما ابى حشره فاهمين
و عاد البنات صخوا و كل وحده ع فراشها
فرحه ,,, و كائن جديد
ع الساعه
في بيت بو سعد
11 بالليل
طلال : تراج وترتيني رايحه راده رايحه راده يلسي
منال : تراك ما فيك دم انته فديتج ختيه الشو حالج الحينه
رن تلفون طلال و منال تلزق به
طلال: الو ,, صدق الحمد الله يا رب الحمد الله
منال : هأأ ربت
طلال : هيه و يابت ولد
منال : الحمد الله يا رب الحمد الله يلا قوم ودني عندهم
طلال : هأ يلا يلا الحينه وقت متاخر و انا وراي دوام باجر
منال : يلا عاد
طلال : اقولج روحي عن ويهي
!!!!!!!!!!!!!!!!!!!!!!!!!!!!!! !
حقائق انكشفت ,,!!
مزنه كانت توها ظاهره من الحمام تاكدت انه ستارتها متسكره و ظهرت غيرت ملابسها و لبست جلابيه و شيله و ظهرت و جان اتحصل في ويها حسن و تنصدم يت بتلف لكن ,, حسن فأجها بهاي الجمله
حسن : ,, مزنه انا عرفت عنج و عن طلال
مزنه وقفت منصدمه و هي عاطتنه ظهر و زين ما اغمى عليها من الزيغه
حسن ينتظر من مزنه اي رده فعل اتجاه الجمله الاخيره
لكن مزنه حست ,, ان قلبها خلاص الدم اللي في جسمها تجمد
لكن ,,!! بكل قوتها لفت صوبه
و رفعت حيبها و قالت : نعم ,,,؟
حسن : اللي سمعتيه ,, انا اعرف قصه الحب اللي بينج و بين طلال
مزنه : رفعت صبعها و اشرت عليه ,, اقولك لا تيلس اتظهر رمسه من عندك مب عسب انا ما طعت اتكون من بينا علاقه اتقوم و اتظهر عليه رمسه ,,؟
حسن : هههههههههه هدي هدي يا مزنه ,, < مزنه كان ترتجف بشكل واضح < اصلا ,, انا شفتكم
مزنه : انته فاهم غلط < اهني ارتبكت <
حسن حرج : شو هو اللي فاهمنه غلط يا مزنه كل شي واضح ,,, سود الله ويهج من بنت
مزنه : حسن ,, صدقني انته مب فاهم ,, و الله اني ما بينا علاقه محرمه و الله
حسن : عيل الشو اللي منبكم و كيف يجرأ و يمسك ايدج
مزنه : بدت اعيونها ادمع حس,, حس ,, حسن و الله اني ما ارمسه في التلفون و الله
حسن : هذا اللي ناقص بعد
مزنه : رفعت راسه و قالت جمله خلت حسن يهتز ,, نسيت عمرك يا حسن ,, حلال عليك جيه و حرام ع غيرك وله عسب انته ولد خالي عادي اتكون من بينا علاقه
و مشت بسرعه و حدرت غرفتها و دموعها ,, ما تفارق خدها
يوم الاثنين الصبح ,
في المانيا ,, الجو مغيم ,, اليوم اول موعد حق حمدان
و ما اخبي عليكم حمدان مرتبك و خايف
جاسم : هأ حمدان زهبت
حمدان : ايه ,,
بو حمدان : يلا عيل ,, توكلنا ع الله
جاسم : ابويه ,, شقايل بنتفاهم مع الدكتور
حمدان : ههههههههه و انته ابد ما اتعرف انجليزي الا بتخبرك انته شقايل خذت شهاده دامك ميح بالانجليزي
جاسم : خخخخخ واسطه ,,, خخخخخخخخخخ لا امنو قال ما افهم افهم بس مب كل شي يعني نحن محتاين مترجم صح ابويه ,,؟
بو حمدان : هههههه صح ولديه ,, شي مترجم مصري ,, اسمه احمد انا اتفقت وياه و هو اكيد يحترينا في المستشفى
اول ما وصلوا المستشفى حصلوا المترجم يتراهم
احمد : اهل بيكم ,, نورتوا المانيا اهلا بأهل الخليج
حمدان : هلا فيك ,,
جاسم : ازيك ,,؟
احمد : ابتسم طيب الحمد الله زي الفل
و اتحرك احمد من عندهم ,, يسوي اوراق حمدان
حمدان ضرب جاسم : جسوم لا تيلس اتسوي حركات ,,, ترى بيحرج
جاسم : و انا الشو قلت الحينه قلت اشحالك
حمدان : قول اشحالك < يقلده < مب ازيك
جاسم : يعني ابد الجينه بيفهم يوم بقوله اشحالك
بعد تقريبا نص ساعه ,, دخل حمدان ع الدكتور و فحصه فحص عادي
جاسم : شو يالس يخربط هذا
بو حمدان : صخ عاده
حمدان : هههههههه مشكله اللي ما يفهمون انجليزي
احمد : طيب يا حمدان لازم نعمل الفحوصات و اشعه عشان العمليه
حمدان : كم نسبه نجاح العمليه
احمد : بتعتمد ع نتائج الفحوصات
حمدان : الحينه اسير اسوي
احمد : ايوى احسن ,, عشان تخلصوا بسرعه الله يعطيك الصحه يا رب
جاسم: رد اشوف
حمدان : الله يعافيك يا رب
و روح حمدان يسوي الفحوصات ,,
بالامارات نشت مزنه و حصلت عمرها وسط الغرفه و تذكرت شو صار امس ,,!!
و حست قلبها يدق بسرعه ,,,,حسبي الله و نعم الوكيل ع ابلسيك ما بقدر اركز في دراستي
شو اسوي الحينه شو اسوي
نشت اتشوف الساعه
12 الظهر
مزنه : اووه وايد نمت
غسلت ويها و صلت ,, و نزلت الطابق الاول
حميده : فديتج بعده وقت ,, ليش ناشه من غبشه
مزنه : خخخخ راحت عليه نومه يدتي كنت تعبانه امسات
راشد : ترى من كثر ما تدرسين تعبانه واعليه
مزنه : ما يخصك انته وين الريوق
ام حمدان : اي ريوق استحي ع ويهج الحينه الساعه 12 و ريوق ,, خلاص انتظري الغذى
مزنه : امري لله
حسن : السلام عليكم
مزنه : الله لا يسلمك < في قلبها طبعا < امايا انا بسير ادرس فوق
ام حمدان : ويدي توج نازله ما امداج
مزنه : الامتحانات ما بقى عليها غير يومين ,, و انا ما ابى شي يشغلني
حميده : سيري فديتج الله يوفقج
مزنه صعدت فوق و حاولت تركز في شي مب قادره بالمره
و قررت ادق ع منال
< يا حبيبي <
منال : الو
مزنه : لحقني لحقني
منال : ويه بسم الله بلاج
مزنه : مصيبه الا قولي كارثه
منال : اكثر من مصيبه الدارسه شو فيه ,,؟
مزنه : حسن ولد خالي شافني ارمس طلال في بيتهم
منال فتحت اعيونها : شوووو
مزنه : شو اسوي منال و رمسني امسات
منال: اووووووووووووووووووووووووووووو ووووويه
مزنه : صخي و الله اني خايفه يخبر حد من اخوني
منال : تبغين اقول حق طلال
مزنه : تخبلتي تبغين السالفه تكبر
منال : عيل شو انسوي
مزنه : بقله حيله ما اعرف ما اعرف بس ربج يستر
منال : الله يستر يا رب الله يستر