يوم الله بلاني بالحب حبيت طفلة

البارت 42

تقريبا ع الساعه 2 الظهر وصلوا قوم بيت ,, ام حمدان و كانت حميده مجدمتهم ,,,
ظهرت امل و خلود و ام عبدالله يسلمون
مزنه حضنت امل : هلا مرت اخويه هلا و الله
امل ضربتها ع راسها بسج حركات ,, انتي
مزنه : ههههههههههههه اشتقت لج
امل : مي 2 حبيبتي
يوم مزنه شافت مريوم حضنتها : اشتقت لج و الله واااايد
مريم : هيه واضح اشوف تلفون بيتنا محروق
مزنه : لا و الله انا اخر مره داقه جان دقيتي انتي ,, اتشوفيني حيه ميته
مريم : كاج مثل الحصان
مزنه : ما عليه احسابي وياج بعدين
مزنه لفت صوب خلود : هلا و غلا بعروستنا هلا و الله باللي فلستنا ,,!!
ام حمدان : ليش انتي دافعه شي من جيبج
ام عبدالله : هيه و الله
مزنه : حلوه هاي و تبوني ادفع من جيبي ليش شافيني اشتغل و معاشي 50 الف
ام عبدالله : السانج اطول عنج
ام حمدان : صدقتي
حميده : خلو البنت في حالها ما قالت شي غلط
امل و خلو و ام حمدان و ام عبدالله فتحواا عينهم
خلود : اشوفها راضيه عليج شو السالفه
مزنه : قردتنها اليوم اصبح بستها ع راسها < طبعا صوت خفيف <
ام عبدالله : اه يا مسوده الويه بس لو تسمعج
بو عبدالله يحدر الصاله : السلام عليكم
طبعا الكل نش يوم شافه و قربوا منه بناته و سلموا عليه
بو عبدالله قرب من عمته < حميده و طاح ع راسها: شحالج عمتيه
حميده : بخير ربي يعافيك ,, انته شحالك ,,
بو عبدالله : الحمد الله تمام
حميده : مبروك ع عرس بنتك ان شاء الله تفرح في الباقين
بو عيدالله : الله يبارك في حياتج عقبال كل احفادج يا رب
حميده : يا رب
بو عبدالله : شخبارج ام حمدان
ترى بو عبدالله يصير حق ,, ام عبدالله ولد عمها ,, ^_^
ام حمدان : بخير ربي يعافيك
بو عبدالله : بو حمدان اخر مره رمسته قال انه بيرد يوم الخميس
ام حمدان : هيه نعم
بو عبدالله : عيل بنسير ناخذه من المطار
ام حمدان : ان شاء الله
بو عبدالله : هأ يا ام عبدالله شو الغذى اليوم
ام عبدالله ببتسامه : مجبوس سمج
بو عبدالله : يب عليه خلاص اول ما يوصل بو حسن لانه خبرني انه بالدرب حطي الغذى
ام عبدالله : من اعيوني
امل & خلود & مزنه & ام حمدان : اووووووووه
ابو عبدالله : زين جيه ,, الحينه تتغزلين فيني يدامهم
ماتوا ضحك ,,
حدر بو عبدالله يغير ملابسه ,,
و حدر وراه عبدالله و خالد و محمد
خالد كانت اعيونه في الارض و هو يسلم ع ام حمدان و ا حط عينه بعين مزنه لانه يدري انها تدري ,,
مزنه تطالعه بنظراات احتقار و امل لاحظت بهذ الشي و قالت بينها و بين نفسها < لا يكون اتعرف <
ترى غدير ما خبرت امل ان مزنه اتعرف

غدير ,, كانت جدا متوتره في السياره ,, و ما اتعرف كيف بتصرف و له كيف بيكون تعاملها مع خالد اتخاف اذا شافته تذبحه ,,
بس قررت انها تصرف بشكل طبيعي لانه ابوها قوي ملاحظه و عادي يعرف السالفه و يروم يسحب خالد برمسه اذا حس بشي ,,,!!
لان ابوها ,, يشتغل تحريات و عنده اسلوبه في الشغل و مرات يستعمله في البيت اذا حس انه فيه ,, شي مريب ,,
طبعا اول ما وصلوا كان البنات في استقبال العنود و غدير
طبعا خذوهم بالاحضان و يلسوا يتغذون بعد الغذى البنات روحوا الغرفه ,
امل: اقول ترى ع الساعه 4 بتي الحنايه عسب اتحنينا
غدير: هيه زين ,, عسب باجر ما نتعطل وانسير الصالون
مزنه : قوموا اشويه نتخبل و نلبس ملابس الحنه
العنود : لا ما فيه ,, ظهري يعورني
مزنه : ليش ,,؟
العنود : نمت في السياره
مزنه : اها ,, بس يلا قوووم عاد
امل : ادري ما بتسكتين لو ما نشينا
نشوا البنات و سوا عرض ازياء و شكلهم رووووعه
عقب امل شغلت الابتوب و حطت اغاني و وشوفوا الاخبال تموا يرقصون
و حشره لين ما حدرت عليهم ام حمدان انصدموا تموا واقفين مكانهم
ام حمدان : ههههه تعالوا ام حسن ام عبدالله اتقولون وين الربشه جنه ما عدكم بنات تعالوووا
< ترى قبل لا اتيهم ام حمدان كان يرمسون انه ماشي ربشه و محد يرقص و جنه ماشي عرس و مالت عليهم من بنات و كان ت ام حمدان ناشه عسب اتناديهم
ام حمدان : يلا رقصوووا
امل : ويها قفط توهم خاطبينها ع طول يلست
ام عبدالله اول ما يت : اوويه لبسين ملابس الحنه ليش جيه مسوين كلهم اشروا ع مزنه
مزنه : يا االخيانه ,,
ام حسن : يلا رقصوا عاده
الكل تم يالس
ام عبدالله : امل شغلي الاغاني
نشت ام عبدالله تسحب البنات و هم يرقصون ميتن ضحك
و خلود اعيونها ادمع من الفرحه و هي اتشوف الكل مستانس
ع اربع العصر وصلت الحنايه و يلسوا البنات يتحنون ,,
$$$$$$$$$$$$$$$$$$$$$$$$$$$$$$ $$$$$$$$$$$$$$
صوب المانيا كان الجو جاف ,, بارد نوعا ما
حمدان واقف ع ريله يا حلات ذيج الكلمه واقف ع ريله و يمه الكرسي ,, و يطالعه و عيونه تدمع مو مصدق و فجأه تنحط ايد ع جتفه
جاسم : الحمد الله يا حمدان
حمدان : الحمد الله ,, ااه يا اخوي اخير برد الامارات و بشوفها ,, اخ اشتقت لج يا بلادي
جاسم : اشتقت حق بلادك بس
حمدان : اشتقت للبلادي و للتربها ,, و حق ,,,( امـــــل )
جاسم : و ما اتقول اشتقت حق امك هأ زين بخبرها من الحينه خديه
حمدان : اتخسي عاده ,,, و بعدين الوالده الله يعلم وحده كيف انا مشتاق لها ,,
جاسم : بلاك شبيت خلاص ان شاء الله باجر بنكون في البلاد
حمدان : باجر بس انا سمعت ابويه يقول حق امايا يوم الخميس
جاسم : ابويه قال جيه يبى يسوي سبرايس
حمدان : حلوه هاي سبرايس امنو بياخذنا من المطار
جاسم : عادي تاكسي
حمدان : تاكسي ,,,؟
جاسم : امزح ,,, ابو سعد بيمر علينا و بيوصلنا لين راك هو اصلا بيروح باجر راك عسب حنه ,, خلود
حمدان : هيه صدق ربي يوفقهم نحن متى طايرتنا
جاسم : هذا الخبر السيئ طيارتنا 3 بالليل و بنوصل 10 الصبح تقريبا
حمدان :هذا احلى خبر سمعته
جاسم : اويه اخاف ابويه ما خبرك عسب اونه سبرايس اسمع اذا خبرك سو عمرك متفأجأ
حمدان هيه جيه بسوي و تم فاتح عينه و حلجه
جاسم : هههههههههههه لا مب لهاذي الدرجه
حمدان : هههههههههههههههههههههههههههههه ه
$$$$$$$$$$$$$$$$$$$$$$$$$$$$$$ $
صوب منال كانت اتزهب اغراضها ,,
و نادت البشكاره عسب اتحط الشنط في السياره
ام سعد : فديتج ,, خلي البشكاره اتحطهم في سياره طلال
منال : هيه بس سياره طلال صغيره ما بتكفي كل الشنط ليش ما انحطها بسياره ابويه اصلا انا للحينه مب فاهمه ليش بنسير في سيارتين معنه محد بسير غيري انا و طلال و انتي و ابويه
ام سعد < تدري انه بو حمدان بي بس هاي مفأجاه ما تبى حد يدري عنها : قلت لج يا منال ابوج عنده شغل مع ريايل و ما يستوي انروح وياه بالسياره
منا ل: خلاص برايكم
$$$$$$$$$$$$$$$$$$$$$$
صوب البنات كانوا كلهم متحنيات الا < خلود بتتحنى مع الحريم < و يالسات بالغرفه حاطين اغاني و عادي يسلفون ع ما اتجف ايدهم
مريم : مب جنه مسويه لي النقشه وايد عوده انا قلت ابى شي خفيف,,
العنود : بس نقشتج حلوه
امل: هيه و الله حلوه حتى مزنه نقشتها وااااايد حلوه ,,
العنود : اصلا كانت اتسوي حق مزنه من خاطرها كل ساعه قالت حق مزنه ماشاء الله انتي في وايد حلو
خلود : هههههههههه و انتي شو حارج
مزنه : ايه و الله يمكن عندها ولد تبى اتعرسني
ماتوا البنات من الضحك
ع العشى
البنات يسلوا يتعشون و بسرعه روحوا الغرفه بعد ما انفرش لهم
ام عبدالله و هي اتمر ع الغرف مرت عدلهم : غريبه نمتوا بسرعه
مزنه : عسب نبى انش بسرعه باجر ورنا وايد اشغال
ام عبدالله : هيه و الله الله يعدي هذا العرس ع خير ,,
باجي البنات : امين
<<<<
صوب الشباب
عبدالله : اقول شباب للحينه البنات ما يرمسونا اونهم
سلطان : لا انا مزنه رمستني عادي
عبدالله : شكلهم نسوا السالفه
راشد : و انا اقول انه كيدهن عظيم اكيد متفقات ع شي
عبدالله : يمكن بعد شو دراك ,,؟
خالد : الله يستر
محمد : اقول ,, اكلو تبن وناموا باجر ورنا وايد شغل نسيتوا انه لازم نوقف ع اللي بيركبونا الخيمه حق الحنه ,, و نسيتوا بعد لازم انسير المطعم و انشوف الساعه جم بيصلون الاكل يعني عوار راس انا اقول انام
سلطان : تدري انك اول مره في حياتك اتقول شي صح
محمد طالعه
سلطان : هههههههه امزح يا ريال
محمد : اتحريت بعد يلا تصبحون ع خير انا واحد بنام
الباجي : وانته من اهل الخير
$$$$$$$$$$$$$$$$$$$$$$$
صوب طلال فتح ستارته انا شكلي استخفيت ادري انه البنت مو جوده مع هذا افتح ,, الستاره ,, اه اشتقت لج متى بشوفج يا مزنه
< و الله احبك احبك و يشهد الله علي <
طلال : الو
سهيل: يا مرحبا يا ناعم الصوت و العود
طلال اقول انا طلال مب وحده من اياهن
سهيل: يا اخي خلاص قلنا ودرناهم
طلال : هيه صح نسيت
سهيل: شحالك يا ريال
طلال : و الله تمام يا درهم انته اشحالك
سهيل: هههههههههههههههههههه بخير و سهاله
طلال : لا لا مشكله الاسهال لازم ادورلك حل
سهيل: ههههههههههههههههههههههههههه طلال شو يايك اليوم
طلال : خاطري اضحك