اول ما وصلوا المطار
بو حمدان و حمدان و جاسم و باقي الاهل نزلوا وياهم و مزنه ويها كان معفوس و لاحظ هالشي طلال
بو حمدان : يلا شباب خلصنا الجوازت
طبعا ام حمدان و مزنه تمو يصحون ,,!!
مزنه حضنت حمدان و تمت اتصيح عاد هي ابروحه كان فيها صيحه
حمدان : و الله اللي يشوفنا يتحرنا هنود زين اني ما طعت البس بنطلون
مزنه : ههههه ضحكت غصب عنها اتروح و ترجع بسلامه يا اخوي
جاسم : ويعني انا هب اخوج
مزنه قربت من جاسم و بشويه عتب سلمت عليه من غير نفس و رحت حق باباتها و تمت حاضنته
و اتحركوا ,, بو حمدان و حمدان و جاسم ,,!!
اما طلال فاتحرك بسيارته
و سلطان ركب سياره جاسم
و راشد ساق سياره ابوه خذو لهم شي ياكلونه في الدرب و رجعوا بوظبي بسلامه
ثاني يوم ,, الاحد كان اجازه بمناسبه عيد الاتحاد
طبعا ام حمدان زهبت قوتها و فوالتها و اتحركت هي و قوم ام سعد ع الكورنيش عسب يشوفون المسيره
هناك كان وايد نااااااااس و ايد وزحمه بس كان وناسه
منال و مزنه يعلقون ع الرايح و الياي ,,!!
مزنه ردت البيت تعبانه و تذكرت موضوع غدير و تكدرت و قررت تتصل بغدير عسب اتسوي شي قبل لا ينشر عنها هذ النذل شي ثاني
مزنه : الو
غدير: هلا و الله هلا بهذا الصوت هلا غناتي
مزنه : هلا حبيبتي < بصوت مخنوق
غدير: بسم الله فيج شي
مزنه : اممم
غدير: قولي
مزنه : حد يمج
غدير: لا بس حسن توه طلع ياي صوبكم عسب باجر عنده دوام
مزنه : سيري غرفتج و سكري ع عمرج الباب
غدير: شو صاير مزنه
مزنه : سوي اللي اقولج عليه
غدير: صعدت غرفتها و سكرت ع عمرها الباب و يلست
مزنه : وصلتي
غدير: هيه شو صاير
مزنه : صاحت اهني و ما رمت تتكلم خنقتها العبره طلال كان يشوفها ملتزقه بطوفها و يها يحمر و دموعه تنزل و اشويه يلست ع الارض و غطت ويها بالكامل و كانت اتصيح
ممكن اتقولين مزنه ليش اتصيح
مزنه اتصيح لان هذا مب شرف غدير بروحها هذا شرف العايله كلها و اللي مضيقنها بالموضوع ان ولد خالتها اللي مسوي هالمصيبه
غدير اول ما درت بالموضوع داخت و يلست ع شبريه و صاحت
مزنه : خلاص يا غدير لا اتصحين
غدير: الله ينتقم منك ,,!! و صرخت بصوت عالي الله ينتقم منك يا خااااالد
مزنه : ليتني وياج يا غدير
و غدير: بدت تتنهد ,,
مزنه : صاحت ويها ما اتعرف شو اتقول
غدير: انتي اتعرفين لو وصلت هالرمسه حق ابويه شو بيسوي بسهتريه تمت اتقول بيذبحوني يا مزنه و الله بيذبحوني ,,,!!!!
مزنه : انا وياج يا غدير و اقولج لا اتصخين عن الموضوع قبل لا يوصل حق حد كبير
غدير: انا برمس اخته امل
مزنه : زين اتسوين بس لا اترمسينها الحين رمسيها عقب ما اتهدين نفسج
غدير: هذا كله ما يهمني ,, يا مزنه انا خلاص صورتي اتشوهت عند جاسم
مزنه : لا ان شاء الله بيعرف الصدج يا غدير ان شاء الله
غدير: ااااخ يا مزنه ,, سمحيلي ما اروم ارمسج ,, بدق لج بعدين
مزنه : طمنيني عنج
غدير: ان شاء الله حبيبتي و سكرت عنها
مزنه اتكورت ع عمرها و تمت اتصيح
ليش جيه الشباب ,, ليش ,,,,؟؟ معقوله في ناس منحطه لهاذ الدرجه اعنبو هاي و بنت خالك و جيه اتسوي بها لو حده غريبه شو كان بيسوي <<
< طخ طخ
مزنه مسحت ادموعها
مزنه : امنو
مريانا : تعالي عشى
مزنه : ما ابى
مريانا : ماما يقول ينزل
مزنه : بسبح و بنزل
طلال ما زال واقف يطالعها و مستغرب ليش كانت تصيح ,,!! ظهر من غرفته و فتح باب غرفه منال
طلال : منال
منال : شو بسم الله زيغتني و بعدين من باب الادب الناس يدقون الباب قبل لا يحدرون
طلال: كلي اتبن و دقي ع مزنه
منال : ليش ادق توني كنت ويها بالمسيره
طلال : دقي
منال : قول ليش اول
طلال: توها كانت ترمس في الفون و كانت اتصيح ,,,!!
منال مستغربه : اتصيح توه ما بلاها شي و تضحك
طلال : ما ادري دقي و خلاص
منال : انزين بدق
منال تمت ادق و محد رد
منال : محد يرد
طلال : غريبه التلفون كان توه بيدها
طلال ظهر و شاف مزنه مب موجوده بالغرفه
< ترها كانت تاخذ شوور <
طلال يلس ع اعصابه و حتى ع العشى
بو سعد : بلاك ,,
طلال : لا و له شي ابويه
بو سعد : انزين اكل شي
سعد : يسوي رجيم ابويه
طلال : طالع سعد و رد حق عالمه
بو سعد : لا حول وله قوه ,, و طالع حوريه هأ حوريه بشري حامل ,,؟
حوريه ببتسامه : باجر بتظهر النتايج عمي
و اشويه يرن التلفون البيت و اتنش منال و هي تركض
منال : الو ,, صدق ,,, اووويه ,, انزين انزين لحظه
منال : امااااااااايا سعاد في المستشفى بتربي
ام سعد : واعليه بنتيه حد يودني عندها
نش سعد و حوريه و بو سعد ع طول ع المستشفى لا منال لابسه عباتها بتروح وياهم
ام سعد : وين يايه انتي قري بالبيت استحي ع ويهج
طلال : صح استحي ع ويهج
منال : اوووووووووووف
و يلست منال في الصاله مع طلال و فضى البيت و هم يالسين ع اعصابهم
,,, نـــــدم و حســــره ,,,
غدير ما اتعرف شو استوي و اتحس عمرها لو حد من اخونها درى بيذبحونها ,,
قررت انا ما اترمس امل الا بعد جم يوم خل هي اتكون فكرت شو اتسوي ,,
في المانيا
كان الجو ممطر و كان حمدان و جاسم واقفين في بلكونه الفندق و يشوفون المطر
جاسم : يا الله يا اخوي وله هذا المطر اي عندنا الامارات
حمدان : ههههههههههههههههههههههه
جاسم : دقيت ع الاهل
حمدان : امس رمست امايا
جاسم : و ان شاء الله هم بخير
حمدان : الحمد الله كلهم بخير
جاسم جنه تذكر شي : هييييييييييه انته يا الهرم جيه اتسوي هاي السواه و اتسير تخطب دون تاخذ شوووري
حمدان : نقع ضحك هههههههههه ليش ولي امري انته
جاسم : خخخخخخ المهم مبروك يا اخوي
حمدان : الله يبارك فيك عقبالك
جاسم : لا دخيلك لا اتيب هالطاري
حمدان : ليش
جاسم : بعدين بتعرف
حمدان ما يحب يحن : زين وين ابويه
جاسم : يعني اونك ما اتعرف ابوك وين ابوك نايم وين يعني خخخخخخخخخخخخخ
حمدان : خخخخخخخخخخخخ تعال متى بتبدى امتحانات مزنه
جاسم : ورى باجر ان شاء الله
حمدان : الله يوفقها
جاسم : امين
أنت تقرأ
يوم الله بلاني بالحب حبيت طفلة
Romance( مزنه ) طالبة فالصف الثالث عدادي ، شخصيه حبوبه لسانها اطول عنها .. تصير مواقف وياها فالدراسة و تتعقد حياتها يوم تكتشف انه ولد جيرانهم اللي هو بطلنا الثاني ( طلال ) يحبها و هو اكبر عنها بوايد ؟
