يوم الله بلاني بالحب حبيت طفلة

البارت 47

$ فـــــٍي المــــــٌٍُول $
خالد : هأ اشتريتوا التذاكر
جاسم: هيه اشترينا يلا امشول خل نحدر باقي بس عشر دقايق و يبدأ
حمدان : يلا عسب نلحق نشتري شي
طلال : اقول صالح كيف بتحدرونه
حمدان : بنحدره و خلاص
عبدالله : شو اتحدرونه و خلاص يا اخي الفلم من 17 و فوق و اخاف فيه شي ما يستوي يطالع بعده صغير
صالح سمعهم : لا اتقول صغير انا اصلا ارواحي ما ابى احدر بتم اتمشى
محمد < سوري ابد ما عطيت نبذه عن هذا الشخص محمد 16 سنه داخل 17 في ثاني ثوني < : بتتمشى ارواحك
صالح : هيه و شوفيها ,,؟
محمد : لا ما يصير خلاص شباب انا بتم وياه و انتو حدروا
سلطان : لا خله ارواحه ما بيصر له شي
محمد : لا ما يصير لازم حد يتم وياه انا بتم انا اصلا داخل هذا الفلم قبل يومين مع ربيعي
راشد : اذا جيه اوكيه
محمد : يلا صويلح خل انسير نتمشى بس ترى هأ لازم تعزمني ع باسكن
صالح ابتسم : افى عليك
حمدان : امشوا نحن بنتأخر
و تحركوا بسرعه و اشتروا لها بابكورن و نجلز و بيبسي و غيره و حدروا الفلم
في نص الفلم
خالد يرن تلفونه هاي الرنه حطنها خاصه حق خواته
< هناك شخصا تافه يتصل بك <
< هناك شخصاً تافه يتصل بك <
و يتم يتكرر كم مره
و كل الناس اللي في القاعه نقعوا ضحك الفلم رعب و الناس
ميتين ضحك و كلهم يطالعون خالد
حمدان : الله ياخذك خلو الشاشه و قامو يطالعون رد ع تلفونك
خالد : هاي وحده من خواتي اوف مالي خلقهم انا
عبدالله : خالد رد و غير الرنه و بعدين انا بتصرف وياك بعدين
خالد وايد يحترم اخوه الكبير و عبدالله مثل ما قلت صاحب شخصيه قويه يصير هو الاب في غايب ابوه و الكل يحسبه قدر
خالد : بصوت هاي و خفيف ويعه
خلود : تويعك يا حمار ليش ما اترد
خالد : انا في السينما
خلود : يا سلام و اللي في السينما ما يردون ع المبايل
خالد : خلصي يا خالد شو بغيتي
خلود : تعال شلنا من الصالون
خالد حرج : شو اشتغل دريول عندج انا اقولج انا في السينما و مسوي ازعاج و السكرتي توه ياني يلا مع السلامه و سكر
خلود اويه سكر الفون
مزنه : هههههههه واااك سكر الفون في ويها
خلود : جب جب خل ادق ع ابويه
بو عبدالله : خلاص بنتيه انا بي اشلكم تزهبوا
و ياه بو عبدالله و شلهم و رداهم البيت
$$$$$$$$$$$$$$$$$$$$$
ع المغرب ردوا الشباب البيت
و البنات كانو مرتبشات و يرقصون فوق
و خلود قلبها تم يدق باجر عرسها
و اتحس جسمها يرتجف
< سالم قضى هاليوم كله في الاسواق اونه يبى يطلع كاشخ حده <
و حسن ظهر مع ربيعه
ع العشى
يوا البنات بسرعه تعشوا و رحوا اونهم بينامون
تموا طول الليل محاوطين خلود يسلفون ويها
اما الشباب
ناموو بسرعه

$ يــــــــــــــــــــــــ وم العـــــــــــرس $
نشوا البنات ع اصراخ ام عبدالله و هي ادق الباب بقوووه
ام عبدالله : يلا نشوووووا بسرعه عسب تلحقون تروحون دبي و ترجعون
البنات قاموا بدون مشاكل يدرون اليوم يوم مهم بالنسبه للعايله كلها
و ع طول
كل البنات لبسوا جنز و بدي و عبي مسكره
< و شرات ما قلت من قبل البنات بيرحون عند هيفاء في دبي البنات بتمكيجهم اللبنانيه و العروس بتمكيجها هيفا <
اول ما نزلوا يالسوا يتريقون
حميده : الله يوفقكم يا بنات انتبهوا ع اعماركم
خلود : ان شاء الله امايا و قربت من يدتها و حميده باستها
و اتحركوا البنات بقياده بو حمدان لين دبي لان هو يدل الصالون
اول ما وصلوا بو حمدان تم يوصيهم
بو حمدان : انتهبوا ع اعماركم و قبل لا اتخلصون بنص ساعه تقولي انا بكون قاعد هني عند واحد من الربع بيته قريب
مزنه : ان شاء الله ابويه
و نزلوا البنات
مريم : ادز خلود انتي حدري اول
خلود : وليش انا
مريم : انتي العروس و الاكبر
خلود تحرطمت و اول ما فتحت الباب
حمدت ربها ,, انا ما فيه زحمه غير بنتين يالسات و سلمت ع الاستقبال و قدمت لها الفاتوره لانهم دافعين عربون اور ردي
و يلسوا ينتظرون و يلسفون مع اللي يالسات
و ياه وحده من دور اقروب خلود عند اللبانيه
خلود : يلا مريوم نشي
مريم : وليش انا يعني
خلود : يلا مريوم يلااا عاد روحي
مريم : هأ انزين
و روحت
و طبعا اللبانيه ماشاء الله عليها سريعه < يا بنات انا صدقت جربتها في عرس اخويه سريعه و حلووو اتسوي <
ظهرت مريم و كانت اتيين اول مره اتحط ميكب كل البنات يوم شافوها تمو يصفرون
مريم : هيه عن الحركات و يلست يم العنود
مريم : شو رايج
العنود : و الله وايد حلووو
خلود : يلا عنوده نشي دورج
العنود نشت
مزنه : خلود متى دورج
خلود : الحينه هي عندها وحده عقب انا
وحده من اللي يسون الشعر : حد بدو يسوي ششوار
مزنه : نشت و يلست
,,: لك يخزي العين شعرك كتير طوويل
مزنه ابتسمت
عقب ما خلصت مزنه السشوار نشت غدير و يلست مكانها
و ظهرت العنود : هأ شو رايكم
مزنه اطالعتها بتعجب يعني هي قالت بتطلع حلوه بس مب لهاي الدرجه : يا اخي المكياج يسوي شغل
العنود : شو قصدج اني خسفه
مزنه : ههههههههههه لا و الله بس جد عسل
العنود : اكيد لاني اول مره اسوي ميكب لازم شكلي يطلع ديفرند
و نادوا خلود في هاي اللحظه خلود نشت و هي مبتسه للبنات
و قامت امل و حدرت عند اللبنانيه
و يلست مزنه و غدير ينتظرون دورهم
مريم و العنود قاموا يسون شعرهم
العنود تبى ترفعه و اتنزله فير
و مريم بيما انه مب وايد طويل بتسوي فير و هو مفتوح
غدير: شو حاطه بالج اتسوي مزنه
مزنه : و الله ما ادري يمكن اسوي مثل العنود ماشاء الله حلو طلع
غدير: خل اتسوي لج نفخه و اتنزل عليه فير احسه بيطلع احله
مزنه : لا دخيلج بيستوي علي شرات ما استوى في عرس سعاد اخت منال بتم اعاني طول الليل انا بسوي نفس العنود و بفك عمري او تعرفين بيبه ع طرف و بخليها اتسوي اخر اطرافه فير خفيف و بحط ورده عنابيه
غدير: عندج ورده وله لا
مزنه : انا شفتهم يبعون بشتري عنهم
غدير : اتعرفين شو ارفعيه اشويه و خل اتيبه ع طرف عقب اتسوي لج اياه فير
مزنه : بعد فكره معقوله ,, تعالي وين منال
غدير : توها حدرت عند اللبنانيه
مزنه : عيل وين امل
غدير : كاهي اتسوي شعرها
مزنه : اونه اشوف و نشت و روحت عند امل
مزنه : مسوده الويه بتطلعين احلى عني ما ابي سيري مسحيه
امل : تضحك
مزنه : و الله صدق يااااي حلو طالع عليج
امل : ^_^
اشويه و تظهر منال و كانت حاطه لون برتقال ع اخضر
مزنه : الله حلووو اتصدقين
منال : لا ما بصدق اكيد حلو مو علي
مزنه : لا اتصدقين عمرج وايد
منال : ضحكت يلا غدير روحي
غدير: لا خلي مزنه اتروح
مزنه : ليش ان شا ء الله سيري انتي
غدير : طالعتها انا ادري انه عندج منكر بس بسير روحت غدير
و مزنه التفت ع منال : هأ منال يبتيها
منال : هيه
مزنه : عيل تعالي خل انسير الحمام
الله يسلمكم مزنه مشتريه عدسات لو رمادي و هي مجربتنها من قبل و شكلها اينن امها بس تدري و سمحت لها و روحت الحمام مع منال و تمت اتحاول تلبس العدسه
عاد مزنه معانه مب متعوده تمت ساعه عقب قدرت اتروم تلبسها
و سمعت حس غدير: مزنه يا مزنه يلا دورج مزنه بسرعه مشت و حدرت الغرفه
اللبانيه : لك شو هيدي الجمال لك عدي عدي < قعدي قعدي <
مزنه : تسلمين ^_^
اللبنانيه : لك تؤبريني اي لون فستانك
مزنه : فضي و عنابي
اللبنانيه : لك بدي اطالعك عروس من هون
مزنه ضحكت