صوب راك
كانت خلود ,, كالعاده اترمس سالم
سالم : خلووده حبيبتي انا في الدوام الحينه برمسج بعدين
خلود : و ليش ما اترمسين الحينه وله شي بنات يمك و اتخاف اسمع اصواتهم و هي يرمسونك
سالم : ههههههههههههههههههههههههههههه من الحين بدينا انغار
خلود : شو اسوي فيك كل ما اترمسني اتقول فلانه تتحرش فيني
سالم : اشوف تحبيني وله لا
خلود : و هذا يباله سؤال بعد
سالم : يعني اتحبيني
خلود : هيه
سالم : شو هيه
خلود : لا تستهبل
سالم : قوليها عاد ذلتني
خلود : ما بى
سالم : قولي ترى بزعل و بسير برمس مريم ,,
خلود : امنو مريم
سالم : وحده غرشوبه مكتبها احذال مكتبي
خلود: لا و الله
سالم : قوليها و الله ترى بسير
خلود : ما بقول خل هي اتقولك
سالم : هههههههههه خلوده حبيبتي
خلود :....
سالم : الحينه صدق زعلتي
خلود : هيه عيل شو
سالم : امزح وياج ههه اصلا ماشي مكتب حريم يمي كلهم ريايل
خلود استانست : صدج
سالم : ايه
خلود : اوف الحمد الله
سالم : يلا قولي
خلود : اوووه عاد
سالم : قووولي وله بزعل
خلود : خلاص اوكيه بس بسكر ع طول
سالم : لا انا ابى اسولف وباج
خلود : ايه بس امي تزقرني
سالم : ماشي عن الخرط
خلود : عيل قبل لا اسكر بقول
سالم : قوووولي الحين
خلود : احـــبـــــك ,,,
سالم : اااااااااه لا لا ما اروم ذبت
خلود : يلا باي
سالم : ماشي باي الو الو طع سكرت
خلود حضنت التلفون و تمت تضحك وله بمخده ع راسها
خلود : بسم الله الرحمن الرحيم انتي من وين ظهرتي
مريم : من السما
خلود : لا صدق
مريم : انا اصلا كنت بالغرفه من زمان
خلود : من متى بالضبط
مريم : من ,,, امنو مريم ,,
خلود فرت مخده ع ويها : مسوده الويه يالسه تسمعيني
مريم : ليش اتفرين المخده الحينه بظهر و بقول حق كل البيت عن سوالفح يا خلووووده
خلود : ايه مريوم ما بتسوينها صح
مريم : امبله بسويها
خلود : مريوم حبيبتي
مريم : لا حبيبتج وله شي
خلود : مريوم الله يخليج
مريم : اممم عسب انتي ختيه الكبيره و انه احافظ ع برستيج في هذ البيت ما بقول لكن بمقابل ,, ابى اشويه اغراض من الدكان
خلود : يلعن يا المصلحه ما اتسوين شي لوجه الله انتي ,,؟
غدير يالسه مع بدريه ,, في الكفتريا و حالتها حاله
بدريه : خلاص يا غدير مشي دموعج قبل لا احد ينتبه
غدير: مسحت دموعها
غدير: و الله انها مصيبه يا بدري مصيبه ,,
بدريه : حسبي الله و نعم الوكيل فيه خلاص غناتي لا اتضاجين بعمرج خليه يولي
غدير: كيف خليه يولي ,, اكفايه انه شهوه صورتي يدام جاسم و الله يعلم عند امنو بعد
بدريه : انا اشوفج وايد مهتمه بجاسم شو السالفه هأ لا يكون اتحبينه
غدير ضحكت غصب عنها : ضحكتني و انا ما ابى اضحك ,, مب السالفه جيه ,, تخيلي جاسم كان ناوي يخطبني
بدري : اويه قولي و الله
غدير: و الله
بدريه : اااااااااااااااااااخ بس لو يطيح بيدني هذا الجلب ,, خويلد بوريه الادب انا حيوان واحد
انتي لازم اترمسين اخته
غدير: و هذا اللي بيصير اليوم
أنت تقرأ
يوم الله بلاني بالحب حبيت طفلة
Romance( مزنه ) طالبة فالصف الثالث عدادي ، شخصيه حبوبه لسانها اطول عنها .. تصير مواقف وياها فالدراسة و تتعقد حياتها يوم تكتشف انه ولد جيرانهم اللي هو بطلنا الثاني ( طلال ) يحبها و هو اكبر عنها بوايد ؟
