يوم الله بلاني بالحب حبيت طفلة

البارت 43

صوب طلال فتح ستارته انا شكلي استخفيت ادري انه البنت مو جوده مع هذا افتح ,, الستاره ,, اه اشتقت لج متى بشوفج يا مزنه
< و الله احبك احبك و يشهد الله علي <
طلال : الو
سهيل: يا مرحبا يا ناعم الصوت و العود
طلال اقول انا طلال مب وحده من اياهن
سهيل: يا اخي خلاص قلنا ودرناهم
طلال : هيه صح نسيت
سهيل: شحالك يا ريال
طلال : و الله تمام يا درهم انته اشحالك
سهيل: هههههههههههههههههههه بخير و سهاله
طلال : لا لا مشكله الاسهال لازم ادورلك حل
سهيل: ههههههههههههههههههههههههههه طلال شو يايك اليوم
طلال : خاطري اضحك
سهيل: اضحك و انا اخوك ,, دام الضحك ببلاش
طلال : هههههههههههههههههههه
سهيل: قلنا اضحك بس مو وايد عسها دوم الوناسه
طلال: وياك يا رب هأ ما قلت متى بتملج
سهيل: قريب ان شاء الله بعد اسبوعين عاده انا قلت ادق لك و اخبرك لازم اتي
طلال : و انا اقدر ما اي لازم اي انته اكثر عن اخوي
سهيل: تسلم عقبالك يا رب
طلال : يصير خير,, صح سهيل انته لازم تي عرس سالم تره واصني اخبرك
سهيل: هيه اتصل فيني بي ان شاء الله هو في راك صح ,,؟
طلال :صح
سهيل: الله يوفقهم
طلال :امين ,, يا رب العالمين ,, زين سهيل و الله لازم اسكر و انام باجر وراي درب بسير راك
سهيل: خلاص يا طلال تصبح ع خير و درب السلامه يا رب
طلال : الله يسلمك
سهيل: تعال حمدان رد من السفر
طلال : لا بعده ان شاء الله بيرد ورى باجر
سهيل: ع خيره الله ,, يعني بشوفه ان شاء الله في العرس
طلال : ان شاء الله
سهيل: يلا مع السلامه عيل
طلال : مع السلامه
طلال حط راسه و نام
$$$$$$$$$$$$$$$$$$$$$$$$$$$$$$ $$$$$$$$$$$$$$$$$$$$ $$$$$$$$
الساعه 3 ,, في مطار المانيا

كان ,, حمدان و جاسم و بو حمدان ,, في الطياره ينتظرون ,, انطلاق الطياره
حمدان : اه يا المانيا يتج عاجز و بطلع و انسان ثاني
بو حمدان يبتسم لولده : الحمد الله ,,
حمدان : الحمد الله
بو حمدان : شو رايك بالمفأجاه
جاسم ,,يطالع حمدان
حمدان : عسل ابويه تسلم ما اتصدق ,, اشكثر استانست يوم خبرتني
بو حمدان : عساك دوم مستانس
حمدان : اجمعين يا رب
و انتطلقت الطياره تعلن ,, بدايه جديده ,, تعلن حياه جديده ,, و نهايه الم ,,!!
$$$$$$$$$$$$$$$$$$$$$$$$$$
يوم الاربعاء ,, الصبح
كان بو سعد في المطار بنتظار القادمين من المانيا
$$$$$$$$$$$$$$$$$$$$$$$
$ ,, عسهاا دوم الفرحه ,,$
البنات مرتبشات من الصبح
مريم : عنوووووووووووووده ما صار سشوار ,,,,عطني اياه
العنود : اووه انا شعري طوويل و محتاي وقت
خلود : اذا شعرج خذى هذا الوقت الله يعين مزنه ,,!!
و بعدين حق شو السشوار ,,
العنود : بعد حق شو انتي تدرين انا توني متسبحه ,, و ابى انشف شعري عسب بنسير الصالون
خلود : ترى هناك بيسون شعرج
العنود : يعني ,, زين ,, يشوفون شعري معفوس
خلود : هههههههههههه خلاص حبيبتي و لا تزعلين بس لا تتضاربون انتي و مريوم ع السششوار
العنود : خلاص انا جربت اخلص صبري انتي الثانيه
مريم : صبر جميل و بالله المستعان ,, عيل وين غدير و مزنه و امل
خلود : هذيله ناشات من الصبح و اتسبحوا و الحينه يالسين يتريقون مع امايا العوده
$$$$$$$$$$$$$$$$$$$
حميده : هأ بناتي بتسيرن الصالون
مزنه : هيه امايا
حميده : انتو اروحكم غراشوبات ماله داعي الصالون< حركات ,, <
مزنه : السبال في عين امه غزال ^_^
امل ضربت مزنه ع راسها : ما اتعرفين ترمسين
حميده : ههههههههههههههههه ,, الله يهديج يا مزنه ,,
البنات ضحكوا
حميده كانت وايد مستانسه ع قولتها بنتي بتاخذ ولدي ,,!
نشوا البنت و راحوا الغرفه
و يتهم ام عبدالله : هأ بنات متى تبون اتروحون الصالون
مزنه : بعد الغذى صح بنات
ام عبدالله : خلاص عيل انا بسير بخلي السايق يوصلكم
مزنه ,: الدريول,,,؟
ام عبدالله : هيه
مزنه : بس خالتيه انتي تدرين ابويه ما يحب اني اركب مع دريول بيحرج لو درى
ام عبدالله : هيه و الله نسيت خلاص بنتيه انا بشوف واحد من الشباب يوصلكم او يركب مع الدريول يوم بيوديكم جيه اوكيه
مزنه : اوكيه و نص خالتيه ,
$$$$$$$$$$$$$$$$$
صوب < طلال <
منال : طللول مر ادنوك ,, دخيليك ما تريقت
طلال : ان شاء الله خل اشوف محطه وله كفتريا وله اي شي بوقف
منال : متى بنوصل تقريبا
طلال : نحن الحينه في ام القيوين تقريبا يبنا ساعه ع الاقل
منال : يالله وايد درب من بوظبي لين راك ,, اكثر عن ساعتين
طلال : شفتي عاد
منال : امايا امايا
طلال : خليها شو تبغين منها نايمه
منال : يعني انته سايلند ما اتسولف خل اتنش اتسولف وياي
طلال : لا و الله برشج بكف الحينه صخي وله ترى هأ شي محطه قريبه ما بوقف عندها
منال : خلاص خلاص بصخ بصخ
$$$$$$$$$$$$$$$$$$$$$$$$44
في المطار ,,
انفتحت بوابه القادمين ,,
و طلع من البوابه ,, بو حمدان بي ويه البشوش ,,
و راه جاسم
و بو سعد لازت عينه ع البوابه ,, يبى يشوف حمدان و هم يمشي
و اول ما طلع حمدان خذ نفس عميق و هم مغمض عينه < اه يا بلادي <
بو سعد ,, بدى يمشي بسرعه و تقرب من حمدان و حمدان فتح عينه حصل نفسه في حضان بو سعد و هو يردد : الحمد الله الحمد الله يا رب
و جاسم مبتسم هو بو حمدان
حمدان باس راس بو سعد و سلم عليه
بو سعد : الحمد الله ع سلامتك حبيبي ,, الحمد الله
حمدان : الله يسلمك عمي ,, ما اتقصر تقرب بو سعد من بو حمدان و تاخشموا
بو سعد : تستاهلون سلامته ,, الحمد الله ع سلامتك يا بو حمدان
بو حمدان : الله يسلمك
و جااسم تقرب من عمه و سلم عليه
و ظهروا و ركبوا السياره
جاسم : صح انه جوج حار يا بلادي ,,
لكن و ربي ما اقدر اعيش من دونج و ركب السياره
و تحركوا اتجاه راك و طول الدرب كانوا يرمسون عن العمليه
و كيف كان التدريب ,,!!
$$$$$$$$$$$$$$$$$$$
في راك
كان طلال و اهله توه واصلين و سيده ع الفندق ,, منال اول ما وصلت حطت راسها و نامت
و طلال بعد ام سعد تمت يالسه اترتب اغراضها ,,
$$$$$$$$$$$$$$$$$
صوب الشباب كان محمد و خالد عند المطعم يتفقون وياه ع الاكل ,,
اما سلطان و راشد و عبدالله و صالح واقفين مع الهنود اللي يركبون الخيمه
صوب البنات
كانت خلود يايتها المحنايه اتحنيها
اما البنات فأ كانو مشغلين الاغاني و يرقصون يدمها و الحريم قاعدات يصفقون
بالنسبه لخلود فهي ما بتحط مكياج ,, هاي الليله مجرد جحل و جلوز ,,
لانه ع قولتها تبى تتغير و يطلع شكله روعه يوم العرس بالمكيب الكامل
اما البنات ,, هم نفس الحاله بدون مكياج
امل تفكر اتحط خفيف و غدير بعد
لكن مزنه و مريم و العنود ما راح يحطون غير جحل و جلوز
$$$$$$$$$$$$$$$$$$$$$$$$$
طبعا ع الساعه 2 الظهر
منال و امها راحوا صوب بيت ام عبدالله
ام سعد و هي اتسلم : مبروك عليكم ان شاء الله
ام عبدالله : الله يبارك فيج يا رب الفال حق منال يا رب ,, تفضلي حبيبتي ع ما انادي البشاكير ايبون شنطكم
ام سعد : اي شنط فديتج نحن قاعدين بالفندق
ام عبدالله : با فشلتي يدام العرب ,, يالسين في فندق و بيتي مفتوح يا ام سعد انتي اكثر عن ختيه و انتي ما يتي من بوظبي الا و انتي اتعزيني ,, وله ما بتين
ام سعد : اكيد
ام عبدالله : عيل الحينه اتنكلسون الحجز و اتون اهنه ,,,
ام سعد : لكن ,,
ام عبدالله : لا لكن وله شي و الله اذا ما يتواو قعدتوا وينا اهنه بزعل منج
ام سعد : فقدت الامل ,, ع امرج يا ام عبدالله خل ادق عيل حق طلال
مزنه يت اتسلم و رها البنات : و حضنت منال
مزنه : اشتقت لج
منال : هيه وايد
مزنه : صدق و الله بس تدرين ,, مشغوله بالعرس
منال: من جيه انا عذرتج
مزنه ابتسمت ,,
مزنه : تعالي نحن الحينه بنتغذى و بنسير الصالون بنسوي شعرنا
منال : ليش انتي شو يتسوين
مزنه : انا بخليه مفتوح بس بسير اسوي بديكير و منكير
بس اموله و العنود و مريوم و غدير بيسون شعورهم
منال : انا بي وياكم عيل
مزنه : توني يايه اقولج
منال : زين عيل وين يدتج بسير اسلم عليها
مزنه : داخل ترى يالسين يحنون العروس
منال : صدق عيل يلا ابي اسير اشوفها
$$$$$$$$$$$$$$$$$$$$$$$$$
طلال ,, : امايا شو الغي الحجز و ايب الشنط جيه شو
ام سعد : ولديه و الله ام عبدالله حلفت علي , اذا ما يت و نمت اهنه بتزعل عليه
طلال : < اصلا يت من الله انا كنت ابى جيه يصير < خلاص خلاص انا بسير الحينه ايب الشنط و الغي الحجز ,,
ام سعد : ولديه لا تنسى شي
طلال : ما بنسى ان شاء الله
$$$$$$$$$$$$$$$$$$$$$$$
وصلوا ,, بو حمدان راك
حمدان : تبسم اكثر شاف صالح واقف مع العمال ,, و هم يسون الخيمه و كان يصب لهم ماي
يوم صالح شاف السياره قرب منها و فتح بو سعد الجامه و بو حمدان نزل الكرسي عسب ما ينتبه له صالح
صالح : عمي هلا و الله اشحالك
بو سعد : طاب حالك ولديه انته اشحالك
صالح : بخير و نعمه صالح لمح حد ,, و كان جاسم تفضل عمي انزل
بو سعد : بنزل بنزل بس فديتك فيه كيس في السيد الورني ابغاك اتوصله حق ام سعد هي داخل
صالح ان شاء الله ياه صالح و فتح الباب و حصل جاسم في ويه
صالح اول ما شافه فتح حلجه و صرخ : جسووووووووووووووووووم
جاسم نزل و حضن صالح و صالح مب مصدق : اشتقت لك الحمد الله ع سلامتكم ,, وين ابويه
بو حمدان نزل من السياره و ركض صالح و باس ايده ابوه و راسه : احلى مفأجاه يا ابويه الحمد الله ع سلامتك
بو حمدان : الله يسلمك و يحفظك من الشر
صالح : ابويه وين حمدان
بو حمدان غمز حق جاسم عسب يكملون المقلب : هذا هو يالس ورى
فتح الباب صالح و باس اخوه و تم يحضنه و حمدان يضحك
صالح : وايد افتقدت حسك يا اخوي
حمدان : فديتك يا صالح
صالح يطالع عمه : عمي افتح الدبه عسب انظهر كرسي حمدان
بو سعد فتح الدبه و كان كرسي حمدان موجود
فتح صالح بمساعد جاسم و قربوه من حمدان و حمدان خلاص بيموت من الضحك بس للحينه يبى يكمل المقلب
ياه بو حمدان و بو سعد رفعوا حمدان بمساعد جاسم و حطوه ع الكرسي في هاي الاثناء ظهر سلطان و راشد و عبدالله
عبدالله : وين اخوكم
سلطان ضرب جتف سلطان و صرخ : ابويه ابويه و تم يمشي بخواطته السريعه و لحقوه راشد و عبدالله و قربوا منهم و سلموا عليهم
و حمدان خلااص بيموت من الضحك ,,
و قبل لا حد يحدر البيت
حدر صالح و هو يصرخ : اماايا ابويه رجع امايا ابويه رجع
ظهرت ام حمدان و ام عبدالله وام سعد امل و مزنه و غدير و العنود و مريم و بو عبدالله
بس يحليها العروس ما رامت تظهر عسب الحنا و تمت معها منال
و قفوا و حدر عليهم بو حمدان و حمدان و جاسم و معه الشباب
ام حمدان وقفت مكانها و ابتسمت ,, تقرب منها جاسم و حب راسها و ابو حمدان تقرب منها و حب راسها